Te fundit
I rrëmbejnë foshnjën në spital, e rigjen pas 17 vitesh
27 Shkurt 2015, 18:57Lifestyle
TEMA
Një grua afrikanojugore është ribashkuar me fëmijën e saj, të cilën ia kishin rrëmbyer pas lindjes në spitalin e Cape Town 17 vjet më parë.
Prindërit biologjikë të vajzës, Celeste dhe Morne Nurse, u bashkuan me fëmijën e tyre pasi ajo ishte regjistruar në të njëjtën shkollë me motrën e saj, vajzën tjetër të çiftit.
Pasi pa ngjashmërinë e të dy vjazave, familja biologjike e ftoi vajzën për kafe dhe pastaj kontaktoi policinë.
Testet e ADN-së kanë konfirmuar identitetin e vajzës, e cila është nën kujdesin e punonjësve socialë.
Morne Nurse tha se vajza e tij kishte marrë këshillim të gjerë, ndërsa gruaja e tij tha se ishte “si një ëndërr” që e pa vajzën e saj sërish.
“Kur ajo u takua me Cassidy (motrën e saj) pati një lidhje të pabesueshme me stë dyjave nga ku filloi gjithçka”, i tha mamaja e vajzave radios CapeTalk.
“Ditëlindja e saj është në 28 prill dhe këtë vit ne mund ta festojmë së bashku. Ajo do të jetë ditëlindja e saj e parë me ne dhe kemi planifikuar diçka të madhe”.
Një kushëri i çiftit që kishte rrëmbyer vajzën u tha gazetarëve jashtë Gjykatës së Cape Town: “Ne u rritëm me fëmijën, ne u kujdesëm për të”.
Gruaja e arrestuar dhe burri i saj, që jetojnë në Cape Flats nuk kanë fëmijë të tjerë.
Gruaja 50 vjeçe është akuzuar për rrëmbim dhe mashtrim dhe shkelur “Aktin e Fëmijëve” pasi ajo ka gënjyer duke thënë se ishte nëna biologjike e një fëmije, tha policia.
Rrëmbyesja do të gjykohet më 6 mars./j.h
”
Lini një Përgjigje
Më të lexuarat
24 oret e fundit
Javen e fundit
Blog Tema
