Shkodër/ Aktivitete kulturore në Ditën e Poezisë dhe pranverës. "Cati Foundation", nderon poetin Frederik Rreshpja

Në ditën Ndërkombëtare të Poezisë “Cati Foundation” ka organizuar një aktivitet në qytetin e Shkodrës, ku në qendër të tij ishte poezia e autorit shkodran Frederik Rreshpja.

Eventi i  Cati FOUNDATION, në nderim të poetit Frederik Rreshpja u organizua në bibliotekën e qytetit MARIN BARLETI, me të ftuar Prof. Moikom Zeqo, shkrimtarin Shpetim Kelmendi, artistët e njohur te teatrit MIGJENI, si Bruno Shllaku, Marita Smaja, Agron Dizdari familjarë të poetit etj. Evenimenti u organizua nga Jetmir Shpuza dhe Enkelejda Lacej, nën kujdesin e themelueses së këtij fondacioni znj Keti Bazhdari.

Me këtë rast ishin ftuar figura të artit dhe letrave, aktivistë të shoqërisë civile, filantropë etj, me qëllim që të promovohej një prej figurave më të mëdha të artit dhe kulturës në Shqipëri, sic është Frederik Rreshpja, i cili  në qytetin e tij të lindjes është lënë në pluhurin e harresës nga institucionet lokale.

Organizatorja e këtij eventi Keti Bazhdari tha se “Fatin e Rreshpjas e kanë pasur dhe figura të tjera të artit. Kjo gangrenë duhet të marrë fund, pasi nëse ne nuk jemi në gjendje të vlerësojmë vlerat më të larta që kemi të të kaluarës dhe historisë sonë nuk kemi sesi të respektojmë njëri-tjetrin. 

Në kuadër të promovimit të kulturës dhe traditave të qytetit të Shkodrës dhe me rastin e Ditës Ndërkombëtare të Poezisë, e cila përkon me 21 marsin, ditën e pranverës,  CATI FOUNDATION  organizoi edhe një aktivitete tjetër kulturore në ambjentet e pedonales Koli Idromeno me Forumin rinor per Shkodren CATI YOUTH me temë Let’s Spring.

Aktivistë të forumit, ofruan për qytetarët performanca me artistë të shkollës së muzikës Prenk Jakova, këngëtarë, violinistë, kitaristë, piktorë që ndanë me të gjithë kalimtarët e rastit jo vetëm art, por dhe biseda e buzëqeshje në këtë fillim pranvere në qytet.

Në këtë aktivitet u shfaq një miniekspozitë pikturash, face – painting, skica të shpejta, pjesë në violinë, kitarë, artistë me numra shpejtësie, lojëra të ndryshme, klouna për fëmijët, si dhe u shpërndanë buqeta me lule për të gjithë. Në mënyrë të vecantë ranë në sy me recitimet e tyre fëmijët e Shtëpisë së fëmijëve parashkollor 3- 6vjec si dhe fëmijët e “Shoqatës së jetimëve për shpresën”.

Një prej qëllimeve të Cati Foundation” është rigjallërimi i jetës sociale dhe kulturore në vend, demokratizimi i zonave rurale dhe lufta kundër varfërisë ekstreme. Themeluesja e fondacionit Keti Bazhdari njihet në Shkodër si një eksponent aktiv i shoqërisë civile, politikës dhe biznesit. Ajo ka marrë përsipër dhe në të kaluarën shumë projekte mbi të gjitha me karakter social, filantrop dhe politik.

Mustafa Nano: Radikalizmi fetar rrezikon seriozisht kombin shqiptar

16:57 Kulturë

Muzeu Arkeologjik i Durrësit hap dyert pas 4 vitesh/Rama: Vitin tjetër restaurojmë amfiteatrin

11:45 Kulturë

Dixhitalizimi/ Florian Rauning: Prej 2 vjetësh partitë politike po pengojnë shndërrimin e RTSH-së në transmetues të pavarur dhe profesional

16:57 Kulturë

Rama: Shqipëria, e para ndër 3 destinacionet turistike më emocionuese në Europë

17:59 Kulturë

Nesër eklipsi diellor, në Shqipëri errësira vetëm 40%. Mos e shihni me sy të lirë ose syze dielli

17:16 Kulturë

Vila "Alindro", historia e një prej ndërtesave historike të kryeqytetit

15:27 Kulturë

New York, shqipja gjuhë e 3-të zyrtare në një nga spitalet publike

14:17 Kulturë

Nolit, sa i detyrohemi?!

19:18 Kulturë

FOTO/ 25 vjet në hapësirë me Hubble, një udhëtim rreth universit që të lë pa frymë

17:38 Kulturë

Gati filmi për kancelaren Angela Merkel, gruan më të pushtetshme të botës

15:20 Kulturë