Tahiri: Të dënojmë bashkarisht me qytetarët dhe të turpërojmë publikisht modelet negative në shoqëri

Ministri i Brendshëm Saimir Tahiri bëri një tjetër deklaratë të fortë nga Elbasani, kur në vend mbetet i ndezur debati për dekriminalizimin dhe pastërtinë e kandidatëve për zgjedhjet lokale.

Ai tha se roli i shoqërisë duhet të jetë më i fortë, për të ndëshkuar qoftë edhe publikisht, modelet negative.

“Këtë do ta bëjmë, duke i bërë të rinjtë ta kuptojnë se vetëm kjo mënyrë, duke u bërë bashkë dhe duke dënuar bashkarisht, por duke turpëruar edhe publikisht, arrijmë ta bëjmë qytetin më të sigurt, dhe arrijmë ta bëjmë shoqërinë më të drejtë, arrijmë t’i bëjmë institucionet më të përgjegjshme përballë qytetarëve. Sepse vetëm duke u bërë bashkë, arrijmë të mënjanojmë një punonjës në administratë që është i korruptuar. Sepse shërbimi që fiton qytetari nëpërmjet korrupsionit, duke korruptuar një zyrtar, është një përfitim shumë i vogël, përballë dëmit që merr shoqëria dhe institucionet në tërësi nga korrupsioni i vazhdueshëm i atij zyrtari“, apeloi Ministri nga Elbasani.

Ai tha gjithashtu se shumë shpejt në gjitha qytetet e Shqipërisë do të instalohen kamera në rrugë dhe ambjente publike, në shërbim të policisë për të rritur sigurinë.

Nisma u bë publike në Elbasan, ku është aplikuar së pari ky projekt.

Gjatë inagurimit të hapjes sëZyrës së Shërbimit për Qytetarët, ministri Tahiri tha se ky është një kontribut tjetër në ndryshimin e mentalitetit të punonjësit të policisë.

“Ta bëjmë sigurinë përpjekje të përbashkët të gjithë qytetarëve. Kemi reformuar mendësine që qytetarët të ndjehen të mirëpritur, kur trokasin në derën e policisë”, u shpreh Tahiri.

Kreu i Ministrisë së Brendshme theksoi se teknologjia është mënyra më e mirë për të luftuar korrupsionin.

Tahiri veçoi këtu aplikacionin “Komisariati Dixhital”, projekt i lançuar 3 ditë më parë, në të cilin janë sinjalizuar rreth 250 shkelje nga qytetarët përmes telefonit.

“Ne na duhet që të tregojmë fytyrën njerëzore në Policinë e Shtetit. Na duhet që të rinjtë dhe të rejat, qytetarët, ta kuptojnë se duke mos shkelur ligjin je një mik i institucioneve, je një mik i ligjit, je një mik i punonjësve të policisë. Ndërsa kur shkel ligjin nuk ke asgjë personale me asnjë punonjës policie, por e ke me ligjin. Vetëm duke u bërë bashkë, arrijmë të mënjanojmë një punonjës në administratë që është i korruptuar, sepse shërbimi që fiton qytetari nëpërmjet korrupsionit, duke korruptuar një zyrtar, është një fitim shumë i vogël, përballë dëmit që merr shoqëria dhe institucionet në tërësi nga korrupsioni i vazhdueshëm i atij zyrtari“, tha Ministri Tahiri.

Tre ditë të zhdukura, vajzat e mitura gjenden në banesën e braktisur

09:08 Kronika

Shpërthimet në Marinzë, Prokuroria nis hetimet për 7 punonjës të “Bankers”

19:02 Kronika

Gjykata lë në “arrest me burg” kontraktorin e CEZ, Ismailaj

12:52 Kronika

Arrestohet 24 vjecari. po transportonte 45 klandestinë

10:33 Kronika

INTERVISTA/ "Harrojeni antikorrupsionin pa drejtësi të pastër"

22:54 Kronika

Padia e Doshit ndaj Brahos, gjykimi nis më 8 Qershor

15:23 Kronika

Fshati në Fier refuzon çakullin në rrugë: Mashtrim elektoral

16:47 Kronika

“Unë e kam dashtë Sali Berishën, por dhe kam vuajtur shumë nga ky mbiemër”

10:02 Kronika

Adriatik Llalla iu përgjigjet akuzave të Naços

19:55 Kronika

Rekrutimi i të rinjve në FA, Kodheli takon nxënësit e Sami Frashërit

16:45 Kronika