Te fundit
PD: Ilir Meta dhe mazhoranca presione ndaj mbështetësve të opozitës në Vorë
17 Maj 2015, 10:46Politika
TEMA
Partia Demokratike përmes një deklarate akuzon mazhorancën dhe Qeverinë se po ushtrojnë presione, deri edhe përdorimin e dhunës, ndaj mbështetësve të opozitës, në Bashkinë e Vorës.
“Koalicioni i majtë në pushtet po e kërkon shpëtimin nga humbja e sigurt që pret në Bashkinë e Vorës tek reprezaljet policore, presioni shtetëror dhe tek dhuna e falangave të krimit.
Ndonëse fushata elektorale nuk ka nisur ende zyrtarisht, sipas Kodit Zgjedhor, në territorin e kësaj bashkie janë shtuar me ritme të shpejta rastet e incidenteve dhe të dhunës për motive të qarta politike.
Vëllai i kryetarit të Partisë Socialiste të Prezës, Agim Kajmaku, goditi në një ambient publik shefin e kabinetit të kryetarit aktual të bashkisë së Vorës, Fiqiri Ismaili, i cili kandidon për zgjedhjet e 21 qershorit nën siglën e Partisë Demokratike.
Zoti Subi Përzhilla u sulmua në mënyrë të papritur nga agresori i dhunshëm, sepse, sipas këtij të fundit, tani pushtetin e kishte e majta dhe askush tjetër nuk mund të guxonte të fitonte përveç saj dhe se Partia Demokratike as fushatë nuk duhet të bënte.
Vetëm dy netë më parë një punonjës i policisë bashkiake u shoqërua pa asnjë shkak nga forcat e komisariatit 6 dhe u mbajt disa orë pa asnjë arsye bindëse, me pretekstin absurd që përdoret rëndom nga policia, “për disa verifikime”. Kjo ishte hera e tretë që ai ndalohej dhe shoqërohej në polici në harkun e pak ditëve. Ngjarje të tilla po bëhen të shpeshta edhe në fshatrat e tjera që përfshihen në territorin e kësaj bashkie, sidomos në Prezë, ku spikat zelli i shefit të krimeve, Përparim Zenuni, që më shumë se punonjës i policisë së shtetit, duket se është një militant i thekur partie”, thuhet në deklaratën e PD.
Sipas saj, gjatë ditëve të fundit në zonën e Vorës, Prezës dhe Bërxullit, ka një prani të shtuar nëpunësish të administratës shtetërore, që nga ministra të kabinetit të Edi Ramës, kryesisht të LSI-së, e deri tek drejtorë të rëndësishëm, që u bëjnë presion të hapur arsimtarëve, mjekëve, bizneseve dhe subjekteve të tjera private.
“Partia Demokratike siguron mbështetësit e saj në territorin e bashkisë së Vorës se nuk ka asgjë në botë që të ndalë fitoren tonë në këtë njësi administrative dhe se ajo do të qëndrojë fort pas çdo rasti dhune dhe presioni për të deformuar vullnetin e zgjedhësve të kësaj qeverie në panik. Ndërkohë, ajo i kujton çdo nëpunësi “cub” të administratës dhe çdo polici “të fortë” se do të mbajnë përgjegjësi personale sipas ligjit, për çdo akt të paligjshëm që cënon zgjedhjet e lira e të ndershme. Dhe kjo nuk vlen vetëm për Vorën, por për gjithë Shqipërinë.
Dhe një kujtesë të fundit për Ilir Metën, i cili me sa duket qëndron në hije të gjithë kësaj që po ndodh në Vorë, pasi e ka zgjedhur vetë kandidatin e humbur të së majtës atje.
Nuk do të arrish kurrë të kthesh kohën e zgjedhjeve më të këqija që janë mbajtur ndonjëherë në Shqipëri, ato të vitit 2001, kohën kur ti ishe kryeministër“, përfundon deklarata e PD.
4 komente në “PD: Ilir Meta dhe mazhoranca presione ndaj mbështetësve të opozitës në Vorë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sa keq per ne kur te keqen e mbjellim ne,kunder njeritjetrit, persekutojme njeri-tjetrin, vjedhim njeri-tjetrin dhe ankohemi nga te huajt.
Keta i kane bere vete keto gjera me pare, dhe ia atribuojne kesaj qeverie. S’ka nevoje kjo qeveri qe te beje presion, se ka punuar aq ne keto 2 vjet per te fituar besimin e popullit shqiptar.
Te kapur nga paniku i humbjes se pashmangshme, sajojne lloj lloj gjerash per te perbaltur. Po smund ti hidhni me hi syve popullit jo, ju kemi pare ca jeni ne gjendje te beni.
Eshte e vertete qe ne Vore like floriri po perdor cdo menyre per te fituar. Madje dhe vete lsi-tet deklarojne se kandidati L.Sallaku eshte kukull, dhe se Fiqiri Ismaili e ka betejen politike direkt me like floririn. Likja e ka te sigurt fitoren ne Vore, sepse tashme leket kane vajtur ne duart e atyre votueesve