“Djalin e masakruan njerëzit e ish-gruas dhe dy muaj s’doli nga shtëpia, ndaj e vrau vjehrrin”

Altin Aluku, 39 vjeç, u arrestua një ditë më parë për vrasjen e ish-vjehrrit të vet dhe plagosjen e ish-vjehrrës.

Nënë e 39-vjeçarit, Xhevrije Aluku, ka shpjeguar gjithë rrethanat e ngjarjes.

Ajo thotë për “GSH”, se i biri ishte fejuar para shtatë vitesh me vajzën e viktimës.

Por, vetëm pas shtatë muajsh ata janë ndarë.

E moshuara thotë se kjo ngjarje ishte harruar, por të afërmit e vajzës, sipas saj, e kanë rrahur të birin dy muaj më parë.

“Gjithë natën para ngjarjes ka ndenjur në kuzhinë duke pirë raki dhe në mëngjes ka marrë armën, që nuk e di se ku e ka gjetur, dhe ka shkuar atje”, thotë Xhevrije Aluku.

“Djali im, Altini, para afro 7 vitesh ka qenë i fejuar me vajzën e Lutfi Xhaferrit, M., me të cilën qëndroi i fejuar rreth 7 muaj dhe më pas u ndanë.

Djali im me vajzën e familjes Xhaferri janë martuar me shkuesi dhe për të bërë këtë fejesë ka ndërhyrë daja i vajzës.

Ne jemi njohur me familjen Xhaferri përmes kësaj fejese dhe kjo ka qenë lidhja që ne kemi pasur me këtë familje”, thotë Xhevrija.

“Nuk di ç’të them për këtë veprim të tij.

Para dy muajsh djalin tim e rrahën në rrugë, teksa ishte duke u kthyer nga një ditëlindje e shokut të tij.

Kur erdhi në shtëpi, e kishin masakruar.

Ka ndenjur në shtëpi pa dalë për rreth dy muaj, madje nga e rrahura kishte edhe hemorragji herë pas here.

Djali na tha në atë kohë se e kishin rrahur të afërmit e vajzës me të cilën kishte qenë i fejuar dhe ne kemi dyshimet tona, sepse kur u nda atëherë djali im nga vajza e Lutfiut, daja i vajzës ka ardhur në shtëpinë tonë dhe ka thënë se nuk do e linte hakun pa marrë për këtë histori”, e mbyll ajo./b.l

Shkeli ligjin, Naco i heq licencën për 2 vjet noterit Shaban Gjoka

17:20 Kronika

Itali- Shqipëri, përcaktohen modalitetet e monitorimit nga ajri të sipërfaqeve me kanabis

19:55 Kronika

Shqiptari i vrarë në Siri/ Zbardhet dosja hetimore, rekrutimi dhe rruga drejt IS

19:31 Kronika

Terrorizmi, takim rajonal në Tiranë. Tahiri: Nuk ka patur më asnjë person të nisur për luftime

18:30 Kronika

Denoncimi i PD: Policia aksidentoi 15-vjeçarin ndërsa hapte rrugën për Ramën

17:40 Kronika

Kandidatët e inkriminuar, Llalla: Kemi raste konkrete në hetim

12:50 Kronika

Sekuestrohen armë dhe lëndë narkotike, arrestohen 4 pjesëtarë të një familjeje

11:40 Kronika

Padia e Ramës ndaj Ristanit, Gjykata e Lartë jep konkluzionet më 29 Maj

11:37 Kronika

Vijon aksioni kundër vjedhësve të energjisë, arrestohen 9 persona

10:07 Kronika

Kakavijë/Kapen 20 klandestinë nga Palestina, Iraku dhe Siria

10:05 Kronika