Financat, lumë kërkesash për ankande në korrik; 166 milionë euro letra me vlerë në shitje

Gjithnjë në korrik dhe dhjetor financat rrisin kërkesën për blerjen e letrave me vlerë në tregun e brendshëm për shkak, se krahas interesave duhet të paguajnë dhe principalet e borxhit të brendshëm.
Banka e Shqipërisë ka njoftuar se do të zhvillojë disa ankande në korrik.

Në datën 20 korrik do të shesë 4 miliardë lekë obligacione me interes fiks (4.5%) me afat maturimi 2 vjeçar dhe 3 miliardë lekë obligacione 10 vjeçare me interes fiks dhe variabël.

Në datën 28 korrik do të shesë 10 miliardë lekë bono thesari, me afat maturimi 12 dhe 3 mujor.

Ndërkohë, në datën 21 korrik do të zhvillohet dhe ankandi i 12-të në bono në euro, ku financat do të kërkojnë të shesin 45 milionë euro, raporton Monitor.

Në total, të konvertuara në euro, Banka e Shqipërisë do të tentojë të shesë për llogari të Ministrisë së Financave rreth 165 milionë bono thesari, euro bono dhe obligacione.

Financat po tentojnë të ulin varësinë nga borxhi afatshkurtër i brendshëm, duke rritur maturitetin e tij nga njëra anë dhe duke dalë në tregjet ndërkombëtare nga ana tjetër, përmes marrjes së një kredie të mbështetur nga Banka Botërore prej 250 milionë eurosh në prill.

Kjo ka ulur dhe presionin në tregun e brendshëm, me yield-in e bonove të thesarit, që ka shënuar rënie të vazhdueshme gjatë tre muajve të fundit, ndryshe nga periudha dhjetor 2014-mars 2015, kur u pa një rritje e tij, pavarësisht politikës lehtësuese monetare të ndjekur nga Banka e Shqipërisë.

Ministria e Financave po punon ndërkohë për rinovimin e eurobondit prej 300 milionë euro, që duhet të paguhet në nëntor të këtij viti.

Ndalohen 11 punonjës të tatimeve në Shkodër, dyshohet për një skemë korrupsioni

17:09 Ekonomia

KLSH: Evazion i frikshëm i kompanive të naftës

15:41 Ekonomia

Përfundon investimi 210 milion lekë për fuqizimin e nënstacionit Qendër Tiranë

14:29 Ekonomia

Raporti i KLSH: Dëmi ekonomik në 2015, 16 miliardë lekë

11:22 Ekonomia

Reformat në energji, Gjiknuri takon zyrtarë të DASH

16:54 Ekonomia

OSHEE: Arkëtimet rriten me 100 milionë USD, në Qershor humbjet zbritën në 28%

12:35 Ekonomia

Sezoni turistik 2015, shtetet që udhëtojnë pa viza drejt Shqipërisë

12:09 Ekonomia

Sezoni turistik, hapet zyra e informacionit në zonën Vlorë-Nartë-Zvërnec

10:40 Ekonomia

Haxhinasto-Jiang Yu: Të materializojmë bashkëpunimin midis dy vendeve

15:43 Ekonomia

Ligjet miratojnë marrëveshjet me Qeverinë gjermane/Bejtja: Mbështesin sistemin energjitik

14:29 Ekonomia