Te fundit
Veliaj konfirmon hetimin e Bashës: Janë 17 leje ndërtimi, po i bëjmë gati dosjen
12 Gusht 2015, 17:00Politika
TEMA
Kreu i Bashkisë së Tiranës, Erion Veliaj, konfirmoi sot kërkesën e Prokurorisë së Tiranës për verifikim të lejeve të ndërtimit të dhëna nga bashkia e Tiranës nga 3 qershori i vitit 2013 deri në 29 korrik të vitit 2014.
Duke folur për mediat, Veliaj tha se bëhet fjalë për 17 leje ndërtimi, për të cilat administrata e Bashkisë po përgatit dosjet për t’ia dorëzuar organit të akuzës.
Veliaj sqaroi gjithashtu se kjo ka qenë një kërkesë e hershme e Prokurorisë, por që është rinovuar me konstituimin e Bashkisë së re në pamundësi për marrjen e informacionin nga qeverisja lokale e kaluar.
“Kam një kërkesë të Prokurorisë për një akuzë shumë të rëndë, mbaj mend 17 leje ndërtimi dhe sigurisht i kam kërkuar stafit të Bashkisë që të bashkëpunojë plotësisht me Prokurorinë.
Me sa duket kjo ishte e pamundur me Bashkinë e kaluar, nuk ka pasur një bashkëpunim.
Prokuroria rinovoi kërkesën që Bashkia ti jepte të gjithë dokumentacionin, stafi Bashkisë po përgatiot dosjet për të 17 lejet që ka kërkuar të hetojë prokuroria.
Nuk ndjehem mirë që Bashkia e Tiranës është nën një situatë të tillë, ku po hetohet prokuroria megjithatë është një mënyrë e mirë për të vendosur një strandard të ri që do shërbejë për të pasur transparencë në të gjithë vitet që do të vinë”, tha Veliaj.
Deklaratat ekKryebashkiakut të Tiranës u bënë gjatë prezantimit të administratorëve të njësisë 1 dhe 2, Elez Gjoca dhe Trëndelina Jaku, ku Veliaj foli edhe për rikonstruksionin e Pazarit të Ri.
“Ka një investim në sheshin “Avni Rrustemi”, jemi duke debatuar për të gjetur një zgjidhje efiçente ose për të bërë një nënkalim për trafikun ose për të shtruar një shesh me kalldrëm dhe me pllaka për të ngadalësuar pak trafikun.
Njerëzit nuk ushqehen me vizione, njerëzit duan infrastrukturë që të mund të ushqejnë veten e tyre në një treg që gjatë paradites do të funksionojë si treg, ndërsa gjatë pasdites do të funksionojë si një hapësirë argëtuese për të pasur restorante që gatuajnë ushqim karakteristik, për të pasur artizanë dhe gjithashtu për të qenë një epiqendër e turizmit në Tiranë”, tha ai.
2 komente në “Veliaj konfirmon hetimin e Bashës: Janë 17 leje ndërtimi, po i bëjmë gati dosjen”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ik ore se late nam me keto hetime e gjyqe farsa, asgje ka per te ndodhur. Nuk i ha me njeri keto. U harruan ato te parat, he? Prandaj dhe i nisni keto te tjerat.
Të jap dorheqje nga pd-ja