INTERVISTA/ Ish-këshilltari i Berishës: Basha po kopjon Ramën, protestat janë një alibi

Ish-këshilltari i Berishës, Flamur Kuçi, thotë se protestat që kërkon të nisë PD në shtator, janë një alibi e humbjes së zgjedhjeve nga ana e Bashës.

Duke folur në një intervistë për TemA TV, ai thotë se Basha më shumë se Berishën, është duke kopjuar Ramën.

Kanë kaluar dy muaj nga humbja e PD-së në zgjedhjet e 21 qershorit. Ende nuk ka një analizë, madje kemi akoma një deklaratë ende të paqartësuar nëse ka humbur apo ka njëfarë fitoreje në zgjedhjet e 21 qershorit, në rast se i referohemi kryetarit aktual Basha. Në fakt Berisha pranoi se ka humbur Partia Demokratike. Pse është kjo deklaratë në dy forma të ndryshme midis liderit dhe ish-liderit?

Në fakt jo thjeshtë midis liderit dhe ish-liderit, ka pasur një lloj kakofonie brenda zërave në PD mbi qëndrimin në raport me zgjedhjet e fundit, zgjedhjet lokale të 2015. Qëllimisht kishte një lloj entuziazmi duke e konsideruar rezultatin e PD-së një fitore , një entuziazëm që u zbeh kur filluan të dalin rezultatet reale të zgjedhjeve, pastaj në një lloj paqartësie. Një pjesë në PD e konsideronin një hap pozitiv. Vetë Basha e cilësoi një hap përpara, por nuk qartësoi saktë në raport me çfarë? Pati tentativë mediatike për ta inteperetuar si rezultat pozitiv për PD dhe të djathtën, ndërkohë që edhe kjo arriti të zbehej deri në deklaratën e fundit të z.Berisha, pavarësisht se nuk ka një pozicion formal në PD, ende graviton mes miliatantëve të PD-së. Një deklaratë, sipas të cilës PD-ja ka humbur zgjedhjet dhe eventualisht qarkullon në ajër një deklaratë e kryetarit të PD-së, që në shtator të nisë një proces analitik.

A ka nge opozita të bëjë pushime pas kësaj humbje, e cila po konsiderohet ndër humbjet më të thella në këto 25 vite?

Personalisht jam skeptik ndaj të gjithë procesit. Dakord kur thuhet se po i lihet kohë mbledhjes së faklteve dhe të dhënave…

Të cilave fakteve, pasi ne kemi një rezultat?

Mbledhja e fakteve për të paragjykuar një analizë. Hajde të mblidhemi të kontestojmë një rezultat zgjedhor, kur në fakt PD-së i duhet analizë se pse jemi në këtë rezultat, vijimësi e kujt është ky rezulat. Po nguten të bëjnë deklarata dakord analizë, por jo preje kokash, ndërkohë që në fakt strukturat e PD-së kanë nevojë të vendosin disa pika mbi i dhe të marrin disa përgjigjie, pse humbën në 2013 dhe në 2015?

Meqë jemi tek 2013-ta. A është në fakt analiza e munguar e humbjes në zgjedhjet e vitit 2013 ajo që ndikoi në mungesën reagimit dhe oraganizimit të PD-së për ti fituar zgjedhjet e 21 qershorit?

Po të rikthehemi dy vite me parë është e vertetë që PD-ja nuk kaloi kurrë një proces real analitik për të kuptuar se çfarë çaloi. Nuk është blasfemi të humbësh një palë zgjedhje, partitë politike i humbin, i fitojnë, i rifitojnë e me radhë. Por është jetike për një parti, që të ndalet tek analiza për të evidentuar vlerat e veta, për të parë shkaqet e një humbje apo fitoreje dhe për të rigjetur edhe rrugën e duhur, jo thjesht për të sjellë partinë në pushtet, por që i përgjigjet elektoratit të vet. Në 2013-tën fatkeqësisht PD refuzoi të bënte një analizë për zgjedhjet. Pati konkluzë, por jo analizë. Në konventën e PD-së kryetari i partisë vuri gishtin drejt bazës së partisë, sepse edhe me udhëzimin që nxorri më pas, praktikisht preu kokat e nivelit lokal. Pavarësisht se nuk e artikuloi si të tillë, PD e konsideroi që humbi në 2013-tën, për shkak të disa drejtorëve që i ka ende aty dhe për shkak të bazës, sepse nuk lejoi që baza të rizgjidhej në zgjedhjet brenda parties, apo të rikandadohej në zgjedhjet lokale. Po të shohim rezulatin 2009-2013 do të shohësh që e djathata ka lëshuar një terren prej 60.000 votash, nga 660.000 në 2009, në 2013 mori vetëm 600.000 vota. Do të thotë që elektorati e ndëshkoi PD me vetëm 60 mijë vota që do të përkthej në maksimumin e vetë 6 deputetë. Në fakt me sistemin tonë elektoral përkthehet në 2 deputetë. PD ka 20 deputë më pak në fakt dhe refuzoi të bëjë analizën e zgjedhjeve, për shkakun se nuk do që ti japë përgjigjie se si është e mundur, që megjithëse u ndëshkova nga elektorati vetëm me 60.000 vota, unë në realitet për shkak të skemës me të cilën hyra në zgjedhje në 2013 kam rreth 20 deputetë më pak?

Tentativa për ti vënë kapak me alibinë që të mos presin koka…

Tentativa e krytarit të ri të PD-së për gjetjen e një ekulibri me atë që quhet sot garda e vjetër, tentativë për të sunduar PD-në më shumë sesa për të udhëhequr PD-në drejt një fitoreje solli edhe mbylljen e analizës dhe mbylljen në dukje të problemeve dhe ja ku jemi, me një rezultat edhe më të keq. Po të shohim rezulatin e grupit të partive që udhëhiqet nga PD në krahsim me rezulatin e 2013 shohim që ka rreth 100.000 vota më pak dhe nuk ka sesi të dalësh në një tjetër konkluzion, se nëse gjërat e vijojnë në këtë formë PD do të ketë vetëm rrjedhje, hemoragji dhe arsyeja është e thjeshtë, nuk ngjall dot besim nëqoftëse ti nuk drejton gishtin drejt problemeve reale. Nëse është e nevojshme do të priten edhe koka se nuk janë të përjetshëm në politikë. Nëse nuk adreson problemet reale, nëse axhenda jote është për të sunduar PD-në dhe jo për ta udhëhequr atë, do të degradohet në të tilla rezultate.

Ndoshta ai ka modelin e paraardhësit të tij, do të jetë i ngjashëm me liderin historik të PD-së z.Berisha, i cili në të vërtetë e ka sunduar PD-në për 25 vite në mungesë të theksuar demokracie?

Mua më ngjan më shumë me hapat që ka ndjekur Rama në PS, më shumë sesa hapat që ka ndjekur Berisha.

Ne nuk jemi të sigurtë nëse vetë Rama nuk ka ndjekur hapat e Berishës. Në fakt PS-në e gjeti ndryshe, përsa i përket mendimit ndryshe dhe sot nuk ka më…

Mua si mbështets i PD nuk më intereson shumë profili i kryetarit, imazhi i tij, stili i tij, sa më interesojnë problemet reale të PD-së…Më interesojnë fenomenet brenda PD-së. PD duhet të kalojë përmes disa proceseve, që shëndoshin PD-në. PD sot është e sëmurë, sëmundja që e kapi prej disa kohësh duke qenë në qeverisje, degradimi që pësoi gjatë periudhës së fundit të qeverisjes së saj çoi në humbjen e 2013-tës, plus disa problematikave për vetë skemën që PD zgjodhi që të futej në zgjedhje. Kjo sëmundje nuk u diagnostikua asnjëherë dhe në momentin që nuk është diagnostikuar mos pretendo që ta fillosh ta shërosh. Ta mbyllësh sëmundjen nuk ke shans për rekuperim dhe erdhi ngjarja pasuese zgjedhjet e 2015 dhe ja ku jemi, edhe me një përkeqësim të rezultatit zgjedhor. Jemi në një situatë kur PD për mbështetësit e vet nuk po ngjall besim. Besimi është themelore për një parti të madhe politike, se partitë e vogla funksionojnë në bazë interesash, ndërsa partitë e mëdha në bazë të besimit, që ndërtojnë tek elektorti i tyre.

E kemi një përvojë që Basha nuk duket se ka ndërmend të ndjekë këtë rrugë që ju thoni, cili është ai grupim që e ka të drejtën morale ta kërkojë këtë proces?

Unë përgjegjësitë i kërkoj tek kryetari i partisë , por po tu rrimë deklaratave të bëra PD thotë se në shtator fillojmë analizën dhe ndërkohë ne po mbledhim faktet për të gjetur edhe manipulimet e zgjedhjeve. Që në këtë moment në fakt ti ke paragjykuar edhe analizën që pritet të bësh. Nga ana tjetër po zëra brenda PD-së, zëra jo dokushdo thonë se mund të bëjmë analizën, po pa prerë koka , paragjykimi i dytë që ndodh. Frika nga procesi analitik është jo vetëm e madhe, por edhe komprometuese për vetë PD-në. Nga ana tjetër vetë kryetari i PD-së ka shpallur iniciativën, që në shtator të fillojnë protesta, që unë nuk i kuptoj, se o analizë o protesta. Të dyja nuk shkojnë në një proces politik. Nga kjo pikpamje jam skeptik nëse do të ketë realisht një analizë të sinqertë brenda PD-së, por nuk shoh shanset e duhara që në PD të ketë analizë reale për të parë realisht fenomene që na kanë çuar deri këtu sot dhe për të pasur një pikë kthese. Fatkeqësisht sot në një vëzhgim timin më shumë drejtuesit e PD-së janë menaxherë sesa liderë të vërteë për ta udhëhequr PD-në edhe në situata të vështira si kjo e sotmja. Unë besoj se analiza do të ishte edhe hapi i parë drejt një reforme reale.Nëse sot synohet që problemeve politike të shfaqura në 2013-2015 t’ju përgjigjemi me përgjigjie burokratike, po organizojmë ca struktuara burokratike aty poshtë është banalitet dhe nëse kjo është tendenca nuk pres ditë shumë të mira nga pikëpamja e zhvillimeve politike dhe aksionet politike, e vlerave politike që duhet të mbartë në të vërtetë PD. PD, instrumetet politikë brenda këtij organizmi, brenda kësaj familje politike, të gjitha ata që kërkon një PD e shëndetshme i ka. Ka një statut partia. Shoh që ka edhe zëra relativisht kritik. Të jesh kritik dhe të mos marrësh veprim në politikë, këtë luks mund ta kem vetëm unë, që thjeshtë vëzhgoj, por të jesh në nivelet drejtuese të parties, të jesh kritik dhe të mos marrësh veprim politik…

A kanë frikë ata të ndërrmarrin një verim politik, pasi mund ta kenë identifikuar problemin, por kanë frikë nga përjashtimi, pasi ata që kundërshtojnë kryetarin janë të destinuar t’ju digjet karriera politike, sidomos kur partia është në kuotat më të ulëta dhe kryetari gjithashtu?

Nëse llogaria është që të mos djegim karrigen tonë, por të digjet e gjithë PD-ja, ata nuk meritojnë PD-në. Mos të harrojmë që është kjo parti që ua ka dhënë këtyre karrierën politike dhe të gjithëve ne që kemi kontribuar brenda saj, ndonëse llogaria edhe e kryetarit Basha ka qenë mbajtja e karriges prej krytar partie, ndonëse nuk kaq shumë i konstetuar. Unë jam ndër më kritikët e z. Basha dhe nuk e kam kontestuar ndonjëherë pozicionin e tij.Megjithatë frika se mos humbas karrigen time të çojë në mungesën e një analize që shëndosh partinë, e cila të ka dhënë atë karrige nuk më duket as politike as qëndrim i mençur, as dinjitoz. Nuk ka asgjë të keqe, PD veç shëndoshet nëse e vë gishtin në plagë dhe analizon fenoment që e kanë çuar deri këtu. Përndryshe PD do të vijojë degradimin, jo vetëm në rezultat, por edhe besimin tek mbështetësit e vet.

Cili është roli i krytarit të partisë për të mos qenë radikal në kryerjen e analizës? Ju keni përvojë bashkëpunimi me z. Berisha. A e keni ju një pereceptim se cili është roli i tij në këtë proces? A i’a ka dhënë ai miratimin Bashës të shfaqet me këto deklarata në publik?

Jam larg dinamikave dhe korridoreve që influencojnë sot brenda PD-së dhe vetëm do spekuloja. Nëse ju referohem veprimeve politike të z. Berisha ndër vite, në rastin më të fundit qëndrimi i tij politik ka qenë: humba zgjedhjet, dhashë dorëheqjen. Unë nuk po shkoj deri këtu , nuk po pretendoj që dikush të japë dorëheqje .

Janë zgjedhje lokale…?

Po qe puna i kërkove zgjedhje politike, i ktheve në zgjedhje lokale, paralajmëruam publikisht që po gabon me axhendën politike se janë zgjedhje lokale, trajtoji si zgjedhje lokale. Deshi ti trajtojë si zgjedhje politike, në rrethana të ngjashme i kemi kërkuar dikur edhe Ramës dorëheqjen kur humbi zgjedhjet e 2011, sepse kërkoi referendum dhe mori përgjigjien. Edhe basha kërkoi referendum edhe mori përgjigjien.

Në fakt Rama humbi zgjedhjet e përgjithshme, jo lokale. Lokalet i fitoi në qytetet kryesore të Shqipërisë bashkë me bashkinë ku kandidoi. Basha po përpiqet të kalojë në të njëjtën rrugë, por diku ndryshojnë?

Unë e thashë më parë se disa hapa të ngjashëm i kanë. Nuk po kërkoj dorëheqjen, është në të mirën e vetë PD dhe kryetarit, që vete PD të drejtojë gishtin ndaj plagëve dhe sëmundjeve që ka. Mohimi i sëmundjes është vetëm përzgjatje e saj.

Ju po thoni që procesi është i rëndësishëm, jo individët. Por procesin e kryejnë individët . A besoni se në PD ka individë që do ta realizojnë procesin, se në të kundërt PD do të vijojë të degradojë në një humbje të tillë, apao akoma më të thellë në 2017?

Unë nuk di të them nëse organizmat e PD–së do të ndërrmarin veprimet e duhura për të shkuar drejt një procesi të tillë. Di të them se nëse në intersin e tyre është shëndeti i PD-së, atëherë Po do të marrë jetë një lloj procesi apo disa procese që ndihmojnë në një reformim jo burokratik të strukturave, por tezave politike të PD, të shtresave që tenton të marrë dhe ruajë raporte dhe aksionit politik të PD, i cili për hir të vërtetës për dy vjet ka qenë kaotik, më shumë reaktiv ndaj veprimeve qeveritare dh peshherë duke bërë dhe autogola sepse PD nuk ka sqaruar ende kursin politik. Bëri një konventë për këtë qëllim para një viti dhe nuk dha një dokument politik që do të përcaktonte kursin 4 vjeçar të kësaj partie. E vetmja mënyrë për të dalë nga kaosi është një proces analitik mbi tezat politike dhe jo të marrim përgjigjie për një organizim të kryetarëve aty poshtë dhe ta mbyllimkëtë histori.

Nëse vazhdojmë në këto ujëra, me një analizë formale dhe jo një analizë të thellë. Si e parashikoni 2017-tën për PD?

E qartë është se performanca më e dobët nga zgjedhjet në zgjedhje është si rezultat i humbjes së besimit të elektoratit tek kjo forcë politike. Mund të kenë sa të duash analistë dhe pseudoanalistë të porositur që i mëshojnë teorisë së manipulimit të zgjedhjeve dhe harrojnë se jemi në 2015, por kjo është për të kaluar hallin e radhës.

Në fakt manipulimi është një komponet i rëndësishëm edhe në raportin e OSBE –ODHIR. Sidoqofët nuk mund të merert si një faktor përcaktues në rezultatin e zgjedhjeve sepse rezulatati është shumë i thellë në humbje. Sidoqoftë kanë qenë faktorë që po përfillen edhe nga opinini ndërkombëtar…

Nuk ka kurrë zgjedhje pa problematika. Ky ka qenë problem më i madh që ne kemi pasur ndër vite. Unë them se PD-në dua ta shohë të ardhmen e saj dhe kthimin në rezulatate positive. Në dhënien e shpresës së elektoratit të vet, jo duke u kacavjerrur pas këtyre problamatikave që nuk e mohoj se ekzistojnë, por nuk është kjo dera ku duhet të kalojë PD për të sjellë besimin tek mbështetësit e vet. PD duhet të shohë problemet ku i ka, dhe nuk i ka të pakta. PD ka probleme të mëdha për tu marrë me këto lloj aspektesh të tjera që nuk po i neglizhoj.

Cilat do të rendisnit ju si më krysoret nga problemet brenda PD-së? Mungesa e demokaracisë së brendshme , qarkullimit të elitave jo në nivelin e duhur , çafrë është ajo që e mban PD në një nivel të ulët organizimi dhe jo produktiv për të fituar zgjedhjet.

Së pari është raporti me elektoratin, PD ka degraduar në raport me mbështetësit e vet, sidomos në dy vitet e fundit axhenda e drejtuesve të PD është më shumë gjetja e një ekuilibri mes vetes, sesa ndërtimi i një raporti me mbështetsit. Duket sikur pjesët përbërëse të PD-së janë në luftë dhe paqe me njëri-tjetrin në tentativë për të gjetur këtë ekuilibër, më shumë sesa në gjetjen e tezave politike që të dilet përballë elektoratit dhe të kontestohet qeverisja e dy vieteve të fundit për të shkuar deri këtu duhet të ndërtohet një proces analitik.

Me këto dy humbje të fundit, me këtë situatë që është brenda PD-së, më 12 dhjetor, PD ka paralajmëruar festime madhështore për 25-vjetorin e themelimit të saj. E shihni si moment reflektimi këtë apo do të jetë një festë formale për të treguar se bëmë 25 vjet themelim, pavarësisht se humbëm dy palë zgjedhjet e fundit?

Çdo moment është mirë që partinë ta rihapësh në drejtim të mbështetësve realë të saj. Patjetër që 25-vjetori i themelimit të PD është edhe një moment emocional,është një moment historik dhe besoj se mund të jetë një mundësi e mirë, por nuk besoj se PD-së i mungojnë mundësi të tilla për të afruar bashkëpunimin me gjithë mbështetsit e vet. PD nuk është se nuk po kërkon ndihmën e bashkëpuntorëve. PD nuk po dhemelon tezat e duhra. Patjetër 25-vjetorit duke qenë i rëndësishm për PD nga pikëpamja historike mund të jetë një mundësi shumë e mirë. Unë besoj se së pari nga pikpamja historike duhet të vlerësohet ashtu siç duhet . 25-vjetori i partisë që solli ndryshime në Shqipëri, solli ndryshime historike dhe si i tillë duhet vleresuar me seriozitet. Nuk mund të kalojë si një festë formale. Besoj se mund të jetë një moment shumë i mirë reflektimi për 25 vite tranzicion dhe rolin e PD-së. Sot pas 5 vitesh PD është në disa turbullira dhe problematika dhe kjo do të ishte një pjesë e veprimit. Ajo që i duhet vërtet PD-së është një rikthim drejt elektoratit të vet.

Bozdo: Veliaj ka gati dy projekte për zonën e Pazarit të Ri

13:58 Politika

Veliaj apel qytetarëve: Na jepni një dorë me aksionin e pastrimit

13:13 Politika

Veliaj: Në fund të mandatit, Shëngjergji përfshihet në hartën e vendeve turistike

12:12 Politika

“Gabimi teknik” i Bashës, që kushton 11.3 milion euro - A duhet të ndiqet penalisht në këtë rast?

11:02 Politika

Altin Goxhaj: Cila është e vërteta e babait tim sigurims?

10:00 Politika

Rama urdhëron socialistët të ndërpresin pushimet më 20 gusht

09:41 Politika

Shënime Çamërie: Nuja më tregon udhën

09:33 Politika

Andrea Stefani replikon ashpër me Dritëro Agollin: Ato që thua janë servilizëm dhe shkërdhatokraci

09:07 Politika

FOTOT/ Xhungla e Kalais, perandoria fitimprurëse e trafikantëve nga emigrantët. 7 banda shqiptare kontrollojnë trafikun

08:55 Politika

Katastrofa natyrore, luftëra, revolucione ekonomike dhe teknologjike: Çfarë i ndryshon komunitetet?

21:06 Politika