Te fundit
Ja si e komentojnë mediat daneze humbjen e Shqipërisë
8 Shtator 2015, 11:36Sport
TEMA
Mediat daneze e kanë përshkruar si ndihmë të madhe fitoren e Portugalisë ndaj Shqipërisë.
“Portugalia me Danimarkën do të jetë një finale”. Kështu e nis titullin kryesor gazeta daneze “Ekstra Bladet” duke iu referuar sfidës së 8 Tetorit në Braga ku skuadra nordike do të udhëtojë për sfidën e fundit të Grupit eliminator.
Pasi kjo e përditshme i kushton një hapësirë të madhe suksesit të Portugalisë në Shqipëri me titullin, “Portugalia i jep një dorë Danimarkës”, thekson se skuadra e trajnerit, Morten Olsen po kalon një moment negativ pasi në dy ndeshjet e fundit nuk arriti të shënonte asnjë gol dhe tani është e detyruar të luajë një 90 minutësh vendimtar.
Gazeta sjell në plan të parë intervistat e lojtarëve dhe trajnerit portugez, sipas të cilëve, sfida e Tetorit është vendimtare për kualifikimin në Euro 2016, shkruan “Supersport.al”.
Edhe gazeta tjetër “Jyllands-Posten” i kushton një hapësirë të madhe fitores së Portugalisë duke veçuar Etrit Berishën si një nga më të mirët në fushën e lojës.
Ndërkohë, në faqen e internetit, televizioni TV2 bën lojë fjalësh me titullin: “Ndihmë e shpejtë për Danimarkën, Portugalia fiton në kohën shtesë kundër Shqipërisë”, duke shtuar se luzitanët arritën të gjejnë tre pikëshin ashtu si në “Telia Parken” vetëm në fundin e takimit, duke kryesuar bindshëm me 15 pikë, të ndjekur nga Danimarka me 12 dhe Shqipëria me 11.
1 komente në “Ja si e komentojnë mediat daneze humbjen e Shqipërisë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Per ca gzohen kto idiotat aman….asgje s’eshte ne doren e tyre edhe sikur te marrin rezultatin maksimal ne Portugali…
Gjithcka eshte ne dore te Ganiut me shoke …
dy fitore te shqiperise e bejne danezin me qajt….