Në Kosovë ishte në arrest shtëpie, i dyshuari për terrorizëm vritet në Siri

Në vend që të ishte në arrest shtëpiak, Bekim Mulolli nga Prishtina, ka vdekur para dhjetë ditësh, në luftimet në Siri. Vdekjen e Bekimit e ka konfirmuar familja Mulolli, e cila ndodhet, në lagjen Kodra e Trimave (Vranjevc) në Kryeqytet. Familjarja e të vrarit ka rrëfyer për Gazetën Express se djali i tyre është vrarë “në tokën e Shamit” në Siri, para disa ditëve, ndërsa trupi i tij ende nuk është sjellë për t’u varrosur në Prishtinë. Më pas, ekipi i Gazetës Express është përzënë nga shtëpia e familjes Melolli nga disa familjare tjera.

I vrari, Bekim Mulolli, do duhej të ishte në Kosovë pasi që është pjesë e një procesi gjyqësor të nisur kohë më parë, ku akuzohej për organizim dhe pjesëmarrje në grupe të dyshuara terroriste dhe po ashtu për sulm dhe nxitje të urrejtjes fetare. Avokati i Bekimit, Mentor Neziri thotë se nuk është në dijeni se klienti i tij ndodhej tash e disa muaj jashtë vendit e as se ka përfunduar i vrarë.

Bekim Mulolli bashkë me katër të akuzuar tjerë ishin arrestuar me 5 nëntor 2013, nën dyshimet për organizim dhe pjesëmarrje në terrorizëm. Ndaj tij dhe katër të dyshuarve tjerëve, Valon Shala nga Bresalci (Gjilan), Adrian Mehmeti nga Gjilani, Genc Selimi nga Bresalci (Gjilan) dhe Nuredin Sylejmanit, Prokuroria Speciale kishte ngritur aktakuzë tek 14 muaj pasi ishin mbajtur në paraburgim.

“Të pandehurit janë arrestuar në Prishtinë duke u përpjekur të blejnë një numër të madh të armëve dhe municionit sulmues ushtarak, si rezultat i hetimeve në vazhdim e sipër të Drejtorisë së Policisë së Kosovës (PK) kundër Terrorizmit, dhe të agjencive të tjera, për sulme të rëndë të kryer kundër dy misionarëve të krishterë nga Shtetet e Bashkuara”, përmendej në njoftimin për aktakuzë ndaj tyre ku edhe njoftohej se rasti ishte duke u ndjekur penalisht nga një prokuror ndërkombëtar i PSRK’së.

Mulolli që në seancën e parë të mbajtur me 11 shkurt të këtij viti (2015) e kishte pranoi fajësinë për sulm të rëndë, ndërsa të arrestuarit bashkë me të, të ngarkuar për kryerjen e veprave që lidhen me terrorizmin, e konsideronin veten të pafajshëm. Kështu, Gjykata Themelore e Prishtinës e kishte ndarë lëndën e Mulollit pasi ai dyshohej vetëm për sulm ndaj dy misionareve të krishtera ndaj të cilave gjatë pranimit të fajësisë shprehu keqardhje për sulmin e ndodhur dy vjet më parë.

Ndersa me 28 prill, Gjykata Themelore e Prishtinës kishte marrë vendim për lirim e tre të akuzuarve, Valon Shala, Nuredin Sylejmani dhe Genc Selimit, të cilët ishin arrestuar bashkë me Mullollin. Ndërkaq po e njëjta gjykatë ia kishte vazhduar paraburgimin edhe për dy muaj tjerë të dyshuarit tjetër në këtë grup Ardian Mehmetit .

Ndërkohë në qershor të vitit 2015 është mbajtur një seancë ndaj Mulollit ku si duket është hequr masa e paraburgimit nga Gjykata, duke ia zëvendësuar atë me masën e arrestit shtëpiak me detyrim paraqitje në stacionin policor, edhe pse pas seancës për pranimin e fajësisë, po Gjykata Themelore nuk e kishte marrë parasysh fajësinë me arsyetimin se ai nuk kishte deklaruar se veprën penale e kishte kryer bashkë me Sylejman Nuredinin, që ishte po ashtu i akuzuari tjetër në po të njëjtin grup.

Bekim Mulolli tashmë është vrarë, por luftën përkrah grupit terrorist ISIS në Siri tani e vazhdon vëllai i tij Bashkimi i cili që nga viti 2012 ndodhet atje duke e lënë punën e tij të vjetër në Kosovë, taksi me makinë kombi. Sipas të dhënave deri më tani në Siri dhe Irak kanë vdekur rreth 50 shtetas kosovarë ndërkohë që edhe qindra të tjerë ndodhen atje.

Mustafa e Thaçi në New York, kundër ISIS-it

13:06 Rajoni

Bushati i kërkon Katarit mbështetje: Kosova të pranohet në UNESCO

11:09 Rajoni

Krimet e kryera nga regjimi i Titos: Gjermania, me sa duket, i mbronte vrasësit

09:57 Rajoni

FOTOT/ Udhëtimi i migrantëve në Ballkan

21:22 Rajoni

Ymeri: Korrupsionin e kemi të ulur këmbëkryq në institucione

20:13 Rajoni

Dy deputetë zviceranë në krah të shqiptarëve – këtu, atje, gjithkund!

19:17 Rajoni

Erdogan uron në shqip festën e Kurban Bajramit

19:17 Rajoni

Mosmarrëveshjet për refugjatët përshkallëzohen në luftë tregtare mes Serbisë dhe Kroacisë

17:56 Rajoni

Hashim Thaçi: Rusia është një kërcënim për Ballkanin

17:20 Rajoni

Migrantët nga Ballkani, 99% pa asnjë shans azili në Gjermani

12:49 Rajoni