“Kosovari” i Armenisë

Shqipëria nuk do të jetë totalisht e vetme në Armeni, pasi aty do ta gjejë një tifoz të flaktë të Kombëtares.

Bëhet fjalë për Drilon Berishën që luan në skuadrën e Superligës armene “Ulisses Yerevan” dhe për ndeshje do të jetë i pranishëm në stadium, me flamurin kuqezi dhe në përkrahje të shqiponjave drejt rrugës së tyre për në Francë.

Ai është po ashtu edhe djali i axhës së portierit të Kombëtares, Ertit Berishës.

Drilon Berisha ka zgjedhur një rrugë më ndryshe për të ndërtuar karrierë e tij futbollistike. Ai tash e dy muaj ka filluar një aventurë në Armeni, ku ka nënshkruar për skuadrën “Ulisses Yerevan”.

Berisha që dikur ishte pjesë e skuadrës më të madhe në Kosovë, Prishtinës, ka rrëfyer për Telegrafin, emocionet e ndeshjes Armeni – Shqipëri dhe atmosferën që është duke e karakterizuar këtë ndeshje.

Ai na bënë edhe një analizë të kundërshtarit vendimtar duke treguar vështirësitë që mund të has Kombëtarja. “Atmosfera është e qetë dhe filitet normalisht për ndeshjen. Armenia nuk ka shumë lojtarë të njohur, por si vendas luajnë shumë mirë dhe janë të rrezikshëm. Po mendoj që do të dalim fitimtar duke e marr parasysh që Armenia kanë një mbrojtje të dobët, me lojtarë që unë vet përballem në Ligë me ta. Mendoj që Shqipëria do të vijë të luaj lojë sulmuese edhe besoj që do t’ia dalim të kualifikohemi në ‘Francë 2016’”, thotë fillimisht Berisha për Telegrafin.

Pasi mbrojtja është pika më e dobët, ai tregon edhe pikë më të fortë të armenëve.

“Po nuk duhet t’i nënvlerësojmë pasi kanë një sulm të mirë ku spikatin emrat si Henrikh Mkhitaryan (Borussia Dormtund), pastaj mesfushori Aras Ozbiliz (Spartak Moska) dhe sulmuesi Yura Movsisyan (Spartak Moska)”, nënvizoi Berisha.

 Si u prit një shqiptar në Armeni?

Mbrojtësi i majtë prishtinas thotë se është adaptuar shumë mirë në jetën e Jerevanit, që është edhe kryeqyteti i Armenisë, vendim ku do ta luajë edhe kombëtarja.

“Mirë shumë po kaloj. Jam këtu qe dy muaj dhe po kaloj shumë mirë, pasi këtu njerëzit janë shumë të mirë. Shokët e skuadrës, shumica, do të vijnë ta shohin ndeshjen, mund të vijnë edhe në hotel që ta takojnë Etritin (Berishën), pasi e dinë që unë e kam djalë të axhës”, tha Driloni, duke shtuar se do të jetë dhe në hotelin ku do të akomodohet kombëtarja.

Sipas ish mbrojtësit të Hajvalisë dhe Hysit, kampionati vendas nuk dallon shumë me atë shqiptar.

“Kampionati vendas është një nivel me atë të Shqipërisë, por për disa gjëra këtu është më mirë. E dinë shumica që shqiptarët luajnë me zemër, ndërsa në skuadrën time këtë e kanë kuptuar edhe shkaku im”.

“Unë nuk kam parë asnjë shqiptar deri më tani në këta dy muaj. Shpresoj që të ketë ndonjë dhe të më ndihmojë ta përkrahë kombëtaren, nëse nuk ka atëherë edhe i vetëm nuk do ta ndalem për asnjë minutë. Do të isha shumë i lumtur nëse kualifikimi do të arrihet para syve të mijë”, përfundon i emocionuar Berisha./ Illyria

Mërgim Mavraj i lutet Zotit për kualifikimin

15:21 Sport

Rreshjet e shiut/ Kryeministri Rama anullon organizimin e ndjekjes së ndeshjes në parkun e kryeministrisë

13:58 Sport

Dyshimet për trukim, bie koeficienti i fitores së Shqipërisë në gjithë pikat e basteve

13:00 Sport

FOTO LAJM/ De Biasi dhe Duka, me laps në dorë për fitoren ndaj Armenisë

12:20 Sport

Kompanitë e basteve: Shqipëria favorite përballë Armenisë

11:53 Sport

Erkand Qerimaj: Sportistët përdoren nga politika vetëm për selfie

10:52 Sport

O sot o kurrë, Shqipëria kërkon historinë

10:14 Sport

FORMACIONI/ Kjo do të jetë 11-shja e Shqipërisë sot

10:06 Sport

Armando Duka: Të tejkalojmë emocionet. Me Serbinë na mposhti euforia

21:20 Sport

De Biasi i bindur: Kualifikimin e arrijmë në Armeni

16:08 Sport