Te fundit
Pse hodhëm gazin lotësjellës në parlament
11 Tetor 2015, 16:31Blog
TEMA
Nga Albin Kurti
Shumë kanë qeshur e janë zgërdhirë në këtë parlamentin e Kosovës. Deputetë, ministra e kryeministra janë shkulur gazi derisa edhe lotët u kanë dalë. Tash e 15 vjet pajada. Në anën tjetër, për ata që nuk u qeshej por protestonin, e kishin policinë që e kishte gazin lotsjellës. Qofshin ata veteranë të luftës, familjarë të të pagjeturve, shqiptarë të Kroit të Vitakut apo sindikalistë të punës. E, sidomos nëse ishin aktivistë apo simpatizantë të VETËVENDOSJE!-s.
Mijëra boca gazi lotësjellës janë hedhur mbi të pakënaqurit protestues në Kosovën e lirë. Nëse nuk t’i sjell lotët gazi i të qeshurit sikurse tek ata në parlament, atëherë këtë ta garanton gazi lotësjellës i policisë që e mban rendin, apo jo? Në seancën e fundit të parlamentit ishte ndryshe. Deputetë e ministra të kënaqur lotuan porsi të pakënaqurit qytetarë. Njëmend vetëm për disa minuta por ama ato ishin domethënëse. Natyrisht, jo aq domethënëse për qytetarët që i shikonin sa për vetë ata të cilëve situata ua imponoi gjendjen e qytetarëve të cilët i përfaqësojnë. Ishte ky çasti kur ata njëmend u bënë përfaqësues të denjë të popullit të Kosovës. Pra, ishin disi porsi populli, qanin nga gazi i jashtëm lotësjellës e jo nga ai i brendshëm i kënaqësisë. Ishte ky momenti kur ata u bënë deputetë të popullit të Kosovës! Zaten, fjala ‘deputet’ do të thotë zëvendës, pra deputeti është zëvendës i popullit, është njëfarë zëvendësimi për popullin: në sallën e parlamentit nuk i zë dot 2 milionë qytetarë por i zë 120 deputetë. Të tillë ishin deputetët atë ditë: aty, të gjithë, deputetë të përlotur, pra, deputetë ngase të përlotur. Vërtetë shkurtimisht, por ama ndodhi më në fund!
Ishte ky çasti sublim i demokracisë përfaqësuese. Sundimi i popullit nëpërmjet përfaqësuesve as nuk ishte sa për sy e faqe dhe as përfaqësim i sundimit me popullin. Megjithatë, këta deputetë të bërë deputetë nga gazi lotsjellës ishin edhe diçka tjetër këto javët e fundit. Ata ishin (dhe janë sërish tash që nuk lotojnë më) edhe deputetë që e kanë shkelur betimin e deputetit, deputetë të ‘Zajednicës’ së komunave me Serbinë dhe të ‘dhuratës’ 10.000 hektarëshe Malit të Zi. Pra, deputetë që janë ngritur kundër Republikës dhe kushtetutshmërisë, kundër kombit e shoqërisë sonë, kundër identitetit e historisë sonë. Me një fjalë, që prej 25 gushtit ata ishin deputetë të rebeluar, ishin rebelë që s’ishin më deputetë.
Prandaj, kundër rebelëve të tillë gazi lotsjellës ishte i domosdoshëm. Rrjedhimisht, të enjten ne e hodhëm gazin lotsjellës të Republikës kundër të rebeluarve kundër Republikës. Rebelët kundër Republikës e kishin uzurpuar sallën e parlamentit, shtireshin se janë deputetë, dhe dëshironin të funksiononin sikur asgjë të mos kishte ndodhur më 25 gusht. Fatmirësisht gazi lotsjellës i shpërndau dhe i largoi prej andej. Ndërkohë, në shikim të parë, njeriu nuk arrin ta kuptojë pse gjithë kjo histeri e panik kundër gazit lotsjellës në parlament. Ama porsa mendon për atë që shfaq dhe jo vetëm për shfaqjen, sakaq e zbulon që histeria e paniku i regjimit më së miri pasqyrohen pikërisht në mediet e tij. Këto medie të regjimit për qytetarin janë sikurse sklepat në sy: mu atëherë kur zgjohesh ta pengojnë shikimin e ti vrasin sytë.
Në atë çast natyrisht që duhet të shkosh në banjë. Gazi ynë lotsjellës më 8 tetor 2015 në parlament ishte i përmasës së vogël dhe një i vetëm. Të tilla ne i kemi ngrënë në protesta me mijëra sosh, ndërkaq po ashtu me qindra aso që janë në mbushje më të mëdha e shumë më të rrezikshme. Pra, nuk pati kurrfarë sulmi masiv me gaz lotsjellës nga ana jonë. Një sulm i tillë masiv i policisë në protestën tonë për shembull e pat dërguar në komë znj. Iris Von Der Ehe më 22 tetor të vitit 2012 dhe mandej edhe në vdekje para tri javëve sivjet. Për më tepër, dihet që ne nuk përdorëm fare plumba gome të enjten që shkoi në parlament. Kundër nesh janë përdorur edhe plumbat e gomës, psh. kur i vranë Mon Balajn e Arben Xheladinin më 10 shkurt 2007, ose kur i plagosën Hysni Hysenin, Zenel Zenelin e Mustafë Nerjovajn po atë ditë, apo edhe kur ia dëmtuan rëndë syrin Uran Qarollit në protestën kundër Jabllanoviqit më 27 janar 2015. Ne të enjten nuk përdorëm fare plumba gome, apo jo? Ç’është kjo histeri e ky panik? Assesi s’mund të jetë i qytetarëve të Republikës por veçse i qeveritarëve të ‘Zajednicës’. Mediet e regjimit pasqyrojnë regjimin, kur ai qeshej me lot (sipër popullit), por edhe tash që qan nga gazi lotsjellës (para popullit).
Njerëzit e këtij regjimi njëherë patën thënë që Gjykata Speciale do të jetë në paketë me Forcat e Armatosura të Kosovës. Nuk ndodhi. Mandej thanë se ‘Zajednica’ do të jetë në paketë me Forcat e Armatosura të Kosovës. Sërish nuk ndodhi. Sepse, paketa, në fakt, përbëhej prej Gjykatës Speciale dhe ‘Zajednicës’. Ato të dyja instalohen formalisht në të njëjtën mënyrë: brenda sistemit të Kosovës por të kontrolluara prej jashtë pa llogaridhënie për neve. Ato të dyja janë përmbajtësisht komplementare: Gjykata Speciale do të shkruajë një rrëfim ndryshe për luftën në Kosovë duke legjitimuar ‘Zajednicën’ e Serbisë, ngjashëm si në Bosnje. Ato të dyja bashkë janë në kahjen e kundërt të shtetndërtimit në Kosovë: Gjykata Speciale e bën drejtësinë në Kosovë çështje të jashtme kurse ‘Zajednica’ në Kosovë e bën Serbinë çështje të brendshme.
Me dialogun Thaçi-Daçiq dje dhe atë Mustafa-Vuçiq sot, Serbisë po i hiqen pengesat drejt integrimit evropian ndërkaq Kosovës po i shtohen pengesat në shtetndërtim. ‘Zajednica’ është garancion që edhe fëmijët tanë jo vetëm se do të dalin në demonstrata të rrezikshme ku gazi lotsjellës është veçse fillimi, por do ta kenë edhe një luftë të re në Kosovë së cilës në rastin më të mirë nuk i dihet epilogu. Ne duam dhe duhet ti parandalojmë këto. Për hir të së kaluarës (atyre që u vranë e u zhdukën në vend tonin) dhe për hir të së ardhmes (atyre që do t’i rrezikojmë nëse heshtim) duhet të ballafaqohemi e të mos ndalemi. Pa ardhmëri dhe histori nuk ka të tashme.
12 komente në “Pse hodhëm gazin lotësjellës në parlament”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sapo lexova arsyen e plote te Albinit per c’ka ndodhi ne parlamentin e Kosoves javen qe kaloi. Por edhe nje arsye plus per reagimet e priteshme te VV dhe opozites’ Kosoves ndaj veprimeve qe “nderkombetaret” ne bashkepunim me disa politikane pushtetare te Kosoves, te cilat kane cenuar dhe po ngushtojne hapsiren e pamvaresise se Kosoves, shume te enderuar dhe per te cilen eshte luftuar dhe derdhur shume e shume gjak.
Albin Kurti dhe VV kane qene dhe jane ne rruge te drejte.
I uroj fitore Idealeve te tyre!
I uroj triumf Kauzes se tyre!
Mbete gjith jeten kalama, o Albin!
Albin K, mos bej “budallane”. Nuk thuhet “hodhem”, por “une hodha”. Pergjegjesis eshte personale. Eshte akt terrorist, qe duhet te gjykohet dhe per mendimin tim te denohet. Hajt te pafsha tel “7 penxheret”
Albini eshte psikopat destruktiv rast per trajtim te eksperteve te shendetit mendor i cili ka arrite te ngris nje strukture tejet te rrezikeshme e cila mund te shendrroje Kosoven ne nje arene perplasjesh madje edhe te pergjakeshme vellavrasjesh.Ai arriti te shendrroje edhe fatmir Limen ne bilbilxhi e Ramushin ne nje kercnues .Neser mund te ndodhe qe te hudhin edhe bomba ne ParlaMENT NEQOFTESE INSTITUCIONET E RENDIT DHE DREJTESISE nuk veprojne energjikisht dhe te zbatojne ligjin.Nuk duhet lejuae Albinin e askend te shkatrroje ate qe u arrite me aq gjak e sakrifice.
Kelyshet e kurvave sillen keshtu. Dhe ju te till jeni.
Ka shok per nga destruktiviteti dhe nga psikopatia Saliserb Berishen ne Shqiperi.PD eshte parti destruktive qe vendos ne cdo koh shkopinje nen rrota shtetit shqiptare dhe mbare kombit po nuk qe vet ne pushtet.Me te tille monstra ne Shqiperi dheKosove duhet te veproje rrepte ligji pa u merakosur se po godasim opoziten dhe se na prishet imazhi.OPozitare fashiste nuk ka cu duhen kombit tone.
Eshte i vetmi idealist qe si shqiptar na ka mbetur. Respekt.
(Do ishe maksimumi si Kryeminister per Shqiperine )
Udheheqes patriote si Albin Kurti I duhen Shqiperise e Kosoves.
Mjaft me me drejtues te korruptuar e servile.
Zaten pse jane te korruptuar e inferiore sillen si servile dhe shesin te drejtat e kombit per mdrojtjen e interesave te tyre.
Krejt ndryshe eshte figura e paster e Albin Kurtit.
Ne si popull duhet te nisemi nga intersat tona kombetare dhe jo nga keshillat e ” miqve”, per te cilet interesi I vetem eshte vetem stabiliteti ne rajon dhe jo demokracia prosperiteti jone, ndryshe nuk ka si spjegohet “mbeshtetja” qe u japin dretuesve tane te korruptuar.
O albin ne qofte se don me marre pushtetin nuk merret me bomba e gaz lotselles por me voten e popullit isa mustafa i mire apo i keq eshte kryeminister populli i kosoves i ka besuar voten
Une e perkrah Albin Kurtin dhe opoziten ne Kosove. Isa Mustafa eshte njeri pa integritet dhe me nje te kaluar te dyshimte. Eshte shum antipatik. Duhet ragim I fuqishem pasi keta politikan te degjeneruar mund te na shkaterrojne te ardhmen per te rregulluar punet e tyre.
Bravooooooooo Albin !!!!keta qeveritare te korruptuar tashme deri ne palce duhet ti kthehej restoja e lirise se popullit .
Asgje e lire e ndershme ,nuk po zbatohet ne Kosove . Kokefortesia dhe deshira per te mbajtur pushtetin me cdo kusht ,po demton shume perparimin e Kosoves ,imazhin e tij,endrrat e popullit.
Dy aktoret politik Mustafa dhe Thaci duhet te largohen nga qeveria si persona te paafte ,qe nuk kane bere asgje per vendin e tyre ,pervec se jane pasuruar vete .Rrotacioni politik eshte shume i nevojshem .Mjaft me politikane te konsumuar ,qe po ti shtrydhesh nuk i del asnje pike uji .
Popull Kosovar! mos e lejoni fatin e Kosoves, ne duar te pa sigurta.
ZGJOHUNI !!!!!!!!
Vetvendosia dhe Albin Kurti ne vecanti jane brilant ne aksionin e tyre politik. Perdorimi i gazit lotsjelles ne parlamentin e bashibozukve dhe arsyetimi qe i behet ketij akti nuk ka te share.Ne gjithcka qe shtron ne kete shkrim Albini eshte bindes dhe i vertete .Nese Shqiperia e Kosova do kishin me shume Albiner situata nuk do ishte ne kete derexhe qe eshtesot tek ne .