Te fundit
Kampion bote me 53 goditje në 85 sekonda
8 Dhjetor 2015, 16:34Sport
TEMA
Daniel Jacobs mbrojti me sukses titullin në versionin WBA. Me 53 goditje në harkun e 85 sekondave, kampioni i peshave të mesme në boks hodhi në tapet rivalin Peter Quillin, në raundin e parë.
Goditje të furishme të boksierit nga Brooklyn , që nuk i lanë shpëtim kundërshtarit të tij nga Chicago, duke ngritur peshë entuziazmin e publikut në Barclays Center të New York-ut.
Gjyqtari i dha fund sfidës pas vetëm 1 minute e 25 sekonda, duke i shkaktuar Peter Quillin disfatën e parë në karrierë, në 34 duele si profesionist.
Për Jacobs kjo ishte fitorja e 11-të radhazi, prej humbjes me “knockout” përballë Dmitry Pirog, disfata e tij e vetme në 32 duele në karrierë.
Kampioni në fuqi u shpreh i hapur për një tjetër duel përballë Quillin, i cili në këtë sfidë arriti ta godiste vetëm dy herë kundërshtarin, por gjithsesi u ngushëllua me përfitimin e 1,5 milionë dollarëve nga ky duel.
Në vitin 2011 Jacobs u diagnostikua me një formë mjaft agresive kanceri, e cila i shkaktoi paralizën e pjesshme të këmbëve. Ai u kthye në ring pas kurimit 19-mujor dhe në Gusht të vitit 2014 fitoi titullin botëror në versionin WBA te peshave të mesme përballë australianit Jarrod Fletcher.
Lini një Përgjigje
Më të lexuarat
24 oret e fundit
Javen e fundit
Blog Tema
