PD kërkon të bëjë koalicion me Bamir Topin e Kreshnik Spahiun

Sekretari i Përgjithshëm i Partisë Demokratike, Arben Ristani, thotë se opozita nuk është tërhequr nga protestat masive  për largimin e Qeverisë, duke theksuar se vendi është i zhytur në varfëri dhe korrupsion.  Në një intervistë për Ora News, ai tha se  Partia Demorkatike, është alternativa e duhur për vendin, ndaj për këtë qëllim ajo është angazhuar në një aksion të dyfishtë,  përgatitjen e progarmit qeverisë dhe ristrukturimin e saj në të gjitha nivelet.  Zyrtari i lartë demokrat tha se selia blu është  e hapur për një koalicion të gjerë  opozitar, përfshirë këtu ish-themeluesin demokrat Bamir Topin , Vangjel Dulen e PBDJ-së  apo Kreshnik Spahiun e Aleancës Kuq e Zi.     

Ristani: Shqiptarët e ndjejnë se kanë përballë një qeverisje jo të mirë, jo për interesat e tyre, por për interesat e xhepit të bandës që është në pushtet.

Me këtë bindje, Sekretari i Përgjithshëm Arben Ristani,  thotë se Partia Demokratike do të arrijë objektivin e saj politik për të larguar Qeverinë Rama nëpërmjet zgjedhjeve të parakohshme.

Shqiptarët  janë të revoltuar me këtë qeverisje, që sipas tij, gjatë kësaj kohe ka mbjellë vetëm varfëri dhe papunësi.

Ristani: Është në planin e PD për të kulmuar me protesta të fuqishme sepse nuk kemi rrugë tjetër për ta detyruar këtë Qeveri të kthejë sytë nga populli dhe nga hallet e njerëzve.

Në një intervistë për Ora News, Ristani thotë se për të arritur këtë objektiv politik siç është rikthimi në qeverisje, Partia Demorkatike energjinë e saj e ka përqëndruar në dy rrafshe: hartimin e një programi që i rikthen mirëqeverisjen vendit dhe riorganizimin e  saj nga qeliza bazë deri në organizmat më të lartë.

Ristani: Synimi kryesor është shëndoshja e qelizës, të gjitha ato qeliza pastaj  plotësojnë  pazëllin e organizmit të PD në territor. Duhet ta fillojmë tek qeliza bazë, tek seksioni, sepse aty janë njerëzit që merren me identifikimin e votuesit, tërheqjen e votuesit në qendrën e votimit, pra seksioni është baza e organizimit të partisë.

Sekretari i Përgjithshëm, Arben Ristani, tha se Partia Demokratike është e hapur për një koalicion të gjerë opozitar,  duke i hapur derën e bashkëpunimit  FRD-së së  së  Bamir Topit , Aleancës Kuq e Zi të Kreshnik Spahiut, por dhe partive minoritare  siç është PBDNJ e Vangjel Dules.

Ristani: Këtu sigurisht që nuk përjashtohet as FRD, as forca të tilla si Aleanca Kuq e Zi apo parti të minoritetit. I gjithë spektri që gjen tek PD realizimin e ideve të tyre për një qeverisje më të mirë, më në favor të shqiptarëve.

Sekretari i Përgjithshëm, Arben Ristani, i angazhuar në aksionet kryesore të opozitës së Lulzim Bashës, pohon me bindje se Partia Demokratike, ndryshe nga sa është aluduar në media, nuk bën koalicion me Lëvizjen Socialiste për Integrim, duke e cilësuar si pjesë e të keqes që ka mbërthyer vendin.

Financat shpallin si “sukses” kontratën me Crown Agents pavarësisht se të ardhurat mungojnë

17:02 Politika

Si në “Far West”, ja video e masakrës së Elbasanit

16:56 Politika

LETRA/ E veja e Aleks Nikës: Dua drejtësi për dy vajzat e mia jetime

15:55 Politika

PROFILI/ Koço Kokëdhima, otomani i socialistëve

15:53 Politika

"Izet Haxhia, dëshmitar i krimeve të Berishës"

13:53 Politika

"Policia të solli këtu?" Qytetarja emocionohet nga takimi me Ramën

13:21 Politika

Kërcënimi ndaj Ndocaj, PD: Prokuroria të nisë hetimet

13:06 Politika

“Monstra fluturuese”: Rusia nis krijimin e ‘super-avionit’

12:49 Politika 1 koment

VIDEO/ Himarë, shpiket gomonia fluturuese “Delta Plane”

11:43 Politika

Anëtarësimet në PS, Rama: Ka arsye të forta për t’u bërë pjesë e partisë

11:18 Politika