Te fundit
DASH jep detaje: Çfarë do diskutojë Kerry në Tiranë
14 Shkurt 2016, 11:19Politika
TEMA
Departamenti amerikan i Shtetit ka bërë të ditur edhe zyrtarisht axhendën e vizitës së Sekretarit amerikan, John Kerry, në Tiranë.
Përmes një njoftimi të kësaj të diele, zyrtarë të lartë të DASH-it japin të parat informacione në lidhje me synimet e kësaj vizite dhe se, përse e kanë ndërmarrë në këtë moment në Tiranë. Në ditën e Shën Valentinit, Sekretari Kerry do të qëndrojë për rreth 4 orë. Me të zbritur avioni në Aeroportin “Nënë Tereza”, John Kerry do të ketë një takim me ministrin Bushati e më pas me kryeministrin Rama.
Sfida më e madhe në Shqipëri është sigurisht rrugëtimi drejt BE-së dhe lufta ndaj krimit, korrupsionit dhe zbatimi i ligjit marrin një rëndësi të veçantë. Tashmë në Shqipëri, – siç thekson DASH, – politikanët janë në një situatë specifike për adresimin e këtyre problemeve. Ata kanë arritur sukses me një proces shumë të debatuar gjatë vitit të kaluar, për t’u përballur me kriminalitetin në politikë, sepse kanë persona mes partive më të mëdha të vendit, por edhe në Parlament, të cilët akuzohen për krime të kryera dhe për mos mbajtje përgjegjësie. Por këtë duhet ta tejkalojnë.
Ndërkohë që tashmë janë duke punuar mbi një paketë më të gjerë të reformës në drejtësi, një proces që pritet të forcojë sistemin e tyre ligjor etj. Në tryezën e Presidentit ndodhet një paketë ligjore të shtyrë përpara nga partia e kryeministrit Rama. Qeveria e drejtuar prej tij është në negociata me partinë më të madhe në opozitë, një prej arsyeve përse Sekretari po shkon atje për të përforcuar mesazhin se kjo paketë specifike legjislative është pjesë e spastrimit të Shqipërisë, jo vetëm që të hedhë një hap më të sigurtë drejt Bashkimit Europian, por edhe për të përmirësuar klimën për investime të huaja.
Sa i përket paketës legjislative, amerikanët thonë se kanë dhënë këshilla konkrete në lidhje me hartimin e draftit, ashtu sikurse dhe në terma balancimi. Po i ndihmojmë ata t’i bëjnë gjërat siç duhet, apo siç u sugjerohet nga ekspertë këshilltarë të Këshillit të Europës. Disa prej strukturave të tyre që kërkojnë të formojnë apo riformatojnë, janë të ngjashme me ato të sistemit të drejtësisë amerikane. Për shembull, ata duan të krijojnë një strukturë hetimore të tipit Byro Federale e Hetimit (FBI), të cilën nuk e kanë. Ajo do t’ua sillte sektorin e tyre të drejtësisë në të njëjtën linjë me normat europiane dhe amerikane.
2 komente në “DASH jep detaje: Çfarë do diskutojë Kerry në Tiranë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
PER INTERS TE TIJE……………
Po, po, na mbushet mendjen! Eshte “shqetesuar” kaq shume SHBA-ja per “paketen ligjore” te qeverise shqiptare sa Kerry (te cilin nuk e zinte gjumi naten per Shqiperine aq me shume si gjak i familjes mbreterore shqiptare qe eshte!!!!!!!!!!) nuk u kursye te “fluturoi” drejt Tiranes duke ju shmangur axhendes se ngarkuar te tij te kesaj periudhe!!!!!!!
Ultimatumet i “harruat”??!!
E, atehere le ti kujtojme! Si bythelepiresa qe jeni, duhet te pranoni mbi 2000 terrorista qe Iraku nuk i lejon me ne territorin e tij. Ne nje kohe kur jane permiresuar mardheniet midis Irakut me Iranin si dhe nga ana tjeter shikohet nje keqesim i mardhenieve te Irakut me Turqine, qendrimi i terroristeve ne Irak eshte nje kercenim paqeje per te kur mbi te gjitha jane te njojtura simpatite e ketij grupi terrorist ndaj ISIS.
Dhe e dyta, meqenese turko-shqiptaret kan shkuar gjithmone mish per top dhe si anetar shembullor te NATO-s qe jemi duhet te mbeshtesim planin amerikan per te derguar forca ushtarake shqiptare ne frontin sirian ne bashkepunim me turqit e sauditet.
Eksperiencen e kemi ne kete drejtim kur 100 vite me pare mijra vullnetare mysliman me qylafe dhe poture nga Shqiperia, Kosova dhe troje te tjera shqipefolese ju drejtuan Canakkalese ne ndihme te Sulltanit te tyre dhe vellezerve te te njejtit gjak.