Mbyllen hetimet për kokainën e Xibrakës, ja roli që kishte Ermal Hoxha

Prokuroria për Krime të Rënda mbylli hetimet dhe u komunikoi zyrtarisht akuzat 9 të pandehurve të laboratorit të kokainës, i zbuluar në Xibrakë të Elbasanit. Dy prokurorët Olsian Çela dhe Edvin Kondili kanë përfunduar hetimet, duke dërguar në gjyq dosjen penale ndaj të pandehurve për akuzat e “trafikut ndërkombëtar të drogës në kuadër të grupit të strukturuar kriminal”.

Sipas prokurorisë, akuzat ndaj të pandehurve janë përforcuar edhe me provat e ardhura nga Gjermania, të cilët kanë qenë edhe iniciatorët e nisjes së këtij hetimi, që përfundoi me zbulimin e laboratorit të kokainës në Xibrakë.

Burimet thanë se krahas sekuestrimit të 20 kg kokainë dhe shumës prej rreth 300 mijë eurove kesh, ekspertët e policisë shkencore kanë konstatuar se në solucionin kimik që ndodhet në rreth 50 fuçitë e hekurit, të cilat u gjetën brenda magazinës së transformuar në laborator, ka kokaine.

Nga këqyrja dhe analiza e këtij solucioni, ekspertët thonë se dy kolumbianët kanë kryer një proces kimik duke nxjerr rreth 20 kg kokainë, e cila është bllokuar. Ndërsa pjesë tjetër, që ndodhet në këto fuçi hekuri, është e pa ekstraktuar dhe nuk është arritur të përcaktohet sasia e kokainës që ndodhet e shkrirë brenda këtij solucioni.

Sipas akuzës, gjatë hetimeve nuk është arritur të provohet koha dhe kompania që ka sjellë në Shqipëri solucionin dhe thasët e mbushura me pleh kimik, ku dyshohet se ka ekstrakt kokaine të shkrirë brenda tyre. Por ajo që për hetuesit është e qartë, është fakti se droga e shkrirë në solucionin kimik ka ardhur nga Kolumbia dhe Bolivia në Shqipëri me ndihmën e të shpallurit në kërkim Genci Xhixha, raporton Abcsnews.

Ai bashkë me lëndën narkotike, ka sjellë në Shqipëri me cilësinë e ekspertëve edhe dy kolumbianët e arrestuar në laborator, të cilët kryenin procesin kimik të nxjerrjes së ekstraktit të kokainës.

Në dosje thuhet se nipi i Enver Hoxhës, i pandehuri Ermal Hoxha dyshohet se përveç kontaktit me furnitorin Genc Xhixha ishte përgjegjës për dy kolumbianët, si në akomodimin e tyre, transportin nga Tirana në Elbasan dhe anasjelltas si dhe pagesat për punën që bënin.

I arrestuari Gentjan Gjonaj dyshohet se ishte personi që kishte gjetur vendin dhe më pas ngritjen e laboratorit të drogës, duke premtuar mos cenimin e tij. I dyshuari Sajmir Batku ishte caktuar për transportin e drogës nga Elbasani në Tiranë dhe më pas gjetjen e korrierëve të drogës për ta dërguar atë në Gjermani.

I arrestuari Ilir Hyseni, dyshohet se ishte pritësi dhe personi që do merrej me shpërndarjen e kokainës. Ndërsa dy vëllezërit Klemend dhe Arian Dalipi janë pronarët e magazinës së Xibrakës, ku ishte ndërtuar laboratori i drogës dhe merreshin me sigurinë e tij.

Vrasja e policit në "Bllok", dëshmon e motra, policia larg zbardhjes së vrasjes

08:31 Kronika

VIDEO/ Të tjetra përplasje fizike tek Liqeni

21:13 Kronika

Shkoder, sekuestrohen 6 mina të telekomanduara

20:23 Kronika

Motra nuk e fal Nazime Vishën: Më shkatërroi jetën! E vraftë Zoti, e bëftë zoti copa

19:58 Kronika

FOTOT/ BMW-të e reja e të Policisë Rrugore nisin patrullimin

18:08 Kronika

Ylli Manjani: Dosja për 21 janarin, tej çdo afati normal. Gjykata duhet të shprehet pse nuk po vepron

16:24 Kronika

Dosja Xibraka/ Komunikohen akuzat për 9 të pandehur. Nipi i Enver Hoxhes, fajtor për akomodimin e kolumbianëve

15:49 Kronika

Tiranë, në pranga gjashtë persona për trafik droge

15:46 Kronika

Rama për Wall Street Journal: Hapja e kufinjve nuk zgjidh problemin

11:40 Kronika

Trafikonte sirianët për 300 euro, në pranga 47-vjeçari nga Delvina

10:17 Kronika