Mimoza Hafizi i përgjigjet Mesila Dodës: Gjuha e përdorur, fyese dhe dezinformuese

Deputetja Mimoza Hafizi i cilëson si fyese dhe dezinformuese deklaratat e deputetes së PDIU-së, Mesila Doda.

Teksa e konsideron absurd debatin, Hafizi thotë se materiali i PDIU-së dërguar në Kuvend për ndryshimet kushtetuese ishte një listë komentesh dhe nuk kishte formë projektligji.

Edhe një herë tjetër, Hafizi sqaron se zgjedhja e Presidentit nga populli sipas propozimeve të partisë së Dodës, ishte konceptuar të bëhej vetëm nëse nuk zgjidhej nga 3/5-t e votave të deputetëve. Ndryshe, deputetja socialiste thotë se amendamenti i vet synon që Presidenti të zgjidhet drejtpërdrejt nga populli.

Reagimi i plotë:

Është shumë fyese, dezinformuese, joetike dhe lënduese gjuha e përdorur nga Zj. Mesila Doda ndaj meje dhe Z. Blushi, si nismëtarë të ndryshimeve kushtetuese që tashmë kanë marrë mbështetjen e deputetëve të një spektri të gjerë të parlamentit.

Ndonëse debati rreth autorësisë së amendamenteve është absurd, ndjehem e detyruar të jap shpjegime rreth pretendimeve që janë ngritur.

Në seancën plenare të datës 23 qershor, deputeti Blushi dha thelbin e dy ndryshimeve kushtetuese që ne propozonim: zgjedhja e Presidentit të Republikës nga populli dhe ulja nën 50% e pragut të numrit të deputetëve, që ndryshimet kushtetuese t’i kalojnë referendumit popullor. Për këtë dëshmon një foto e faqes 22 të procesverbalit të seancës, bashkëlidhur. Procesverbalin e plotë e gjeni në Parlamentin e Shqipërisë.

Me mbarimin e seancës, më ka kontaktuar Zj. Doda, e cila më tregoi se edhe PDIU ka patur propozim për zgjedhjen e Presidentit të Republikës nga populli. I kërkova një kopje të dokumentit, me shpresën që varianti i PDIU dhe varianti ynë të afroheshin, në mënyrë që të dilnim me një amendament të përbashkët. Dokumenti më ka mbërritur me email të nesërmen, datë 24 qershor.

Ky dokument, siç e verifikova që në çastin e parë, ishte një listë me komente, dërguar komisionit të Reformës në Drejtësi. Ai nuk kishte formën e një projekt-ligji.

Zgjedhja e Presidentit të Republikës në komentet e PDIU ishte konceptuar t’i kalonte popullit vetëm nëse në tre seancat e para të zgjedhjes në Parlament, nuk arrihej mazhoranca 3/5. Kurse amendamenti ynë thotë: Presidenti i Republikës zgjidhet drejtpërdrejt nga populli me votim të fshehtë për 5 vjet, me të drejtë rizgjedhjeje vetëm një herë. Kandidati për President duhet të mbështetet së paku nga një parti politike e përfaqësuar në Kuvendin e Shqipërisë ose nga 10.000 shtetas me të drejtë vote.

Këto dy variante janë krejt të ndryshme, prandaj unë nuk vazhdova të kërkoj afrimin e amendamentit tonë me propozimet e PDIU.

Ende sot nuk ekziston asnjë propozim në formë projekt-ligji me amendamente nga PDIU.

Ftoj PDIU të merret me idetë e propozuara dhe jo me deputetët propozues. Ne nuk kemi cënuar as fyer kërkënd. Z. Blushi s’ka patur asnjë komunikim me Zj. Doda, gjithë komunikimi që përshkrova më sipër ka qenë vetëm me mua.

Ne do vazhdojmë të kërkojmë mbështetje nga deputetët e Parlamentit për ta futur në seancë dhe për ta votuar amendamentin tonë.
Ndërkohë, kemi nisur një peticion online, përmes të cilit kërkojmë mbështetje popullore. Deri tani, vetëm për pak orë, numri i votuesve e ka kaluar 4000.

Kompania e lobimit (e paguar nga Berisha me paratë e shqiptarëve) qëndron mbrapa fushatës denigruese kundër liderit socialist shqiptar

11:01 Politika

Krerët e PD-së i tregojnë “vendin” Donald Lu-së: Nuk do bëhesh Zot në shtëpinë tonë

10:56 Politika 1 koment

Incidenti në Himarë, reagon Ministria e Jashtme greke: Respektoni minoritetin

10:25 Politika

Deputetët socialistë, nismë për një Institut të Kujtesës së Luftës

10:18 Politika

U takua me ambasadorin Donald Lu, Astrit Patozi: Biseda ishte për “drejtësinë”

10:00 Politika

A do të ketë fuqi Berisha, të detyrojë deputetët e PD të dalin kundër Perëndimit?

09:46 Politika

“Kur vjedhjet e miliona eurove të bankave ndodhin tre herë brenda 18 muajve, nuk është më rastësi”

08:39 Politika

SMS-të e reja, gjyqtari Shyqyri Çobo: S’duhet të pretendojmë idealen në këtë jetë makabër, të tjera duam, të tjera kemi! Mos injoro CV-në tënde intelektuale që disponon…

09:09 Politika

INTERVISTA/ Fuga: Presidenti nga populli krijon shtet me dy koka. S’mund të shpikim një model drejtësie ‘alla shqiptar’

08:53 Politika

Prokurori amerikan me origjine shqiptare: Krenar të shërbej si prokuror amerikan në Shqipëri

23:55 Politika