Policia e Tiranës me sallë të re komandimi. Rama: Qentë le të lehin, karvani para

Sot në ambjentet e Drejtorisë së Policisë Tiranë u inaugurua Salla e re Operative e Komandimit. Në ceremoni morën pjesë Kryeministri Edi Rama, ministri i Punëve të Brendshme Saimir Tahiri, Drejtori i Policisë së Shtetit Haki Çako, përfaqësues të misioneve partnere, si edhe drejtues të lartë të Policisë.

Në fjalën e shkurtër Rama tha se “qentë le të lehin dhe karvani të ecë para”, duke dhënë një përgjigje gjithë zërave opozitarë që nuk i kursejnë akuzat për policinë.

Salla e re operative e Komandimit përbën një kompleks shërbimesh të ofruara nga Policia e Shtetit në kuadër të mbarëvajtjes së rendit e qetësisë publike dhe shërbimit ndaj qytetarit. Përmes teknologjisë dhe stafit të përgatitur, kjo Sallë bën koordinimin në kohë reale të Komisariateve me Policinë Rrugore (në raste aksidentesh), me shërbimin e Shqiponjave (në rast ngjarjesh kriminale); në monitorimin në kohë reale të kamerave policore të trupit, të thirrjeve të emergjencës në Numrin Unik të Emergjencave “112” (aktualisht operativ në Tiranë) dhe të njoftimeve në Komisariatin Dixhital.

Janë të shumta risitë që sjellin sistemet informatike të instaluara në Sallën e Komandimit.  I gjithë procesi (nga marrja e telefonatës deri në raportimin për ngjarjen nga patrulla) kryhet në mënyrë elektronike.  Sistemi i ri për thirrjet e emergjencave “112” mundëson shfaqjen e numrit thirrës dhe vendndodhjen e përafërt të telefonuesit. Salla ka mundësi të monitorojë në kohë reale vendndodhjen e patrullave nëpërmjet sistemit GPS, pjesë e kamerave të trupit.

Në raste ngjarjesh, salla e komandimit ka mundësi të shfaqë në ekran në kohë reale pamjet e kamerave të trupit që ndodhen në zonë ose në vendngjarje.  Nëpërmjet sistemit radio të integruar në sistemin “112”, salla mund të flasë njëkohësisht në të gjitha kanalet ose të organizojë thirrje në grup për një komunikim më të shpejtë. Salla ka mundësi të monitorojë sistemin e kamerave të qytetit të Tiranës.

Të gjithë punonjësit në Sallën e Komandimit mund të flasin njëkohësisht me të gjithë operatorët e tjerë në raste ngjarjesh të rënda kriminale me anë të Conference Call, një opsion i cili është aktiv në panelin e tyre Touch Screen.

Nga i njëjti panel Touch Screen përdorin radion e komunikimit dhe telefonatat e ndryshme hyrëse dhe dalëse. Kjo e bën më të lehtë dhe më të shpejtë kohën e reagimit të punonjësit të Sallës së Komandimit dhe njëkohësisht redukton vonesat në komunikimin me shërbimet në terren.

Shqipëria ka sot një numër të unifikuar të emergjencave, “112”. Ai është një numër i përbashkët telefonik, të cilin mund ta përdorë çdo qytetar për të komunikuar me shërbimet e emergjencës (Policinë, Ambulancat, Zjarrfikësen dhe Skuadrat e Shpëtimit).  Në rastet  kur thirrësi nuk mund të përcaktojë venndodhjen e tij, këtë mund ta lokalizojë sistemi i numrit “112” nëpërmjet qelizave të operatoreve telefonikë. Tashmë asnjë telefonatë nuk humbet, ndryshe nga sa ndodhte më parë kur Policia e Shtetit humbiste 1/3 e thirrjeve telefonike nga qytetarët, në mungesë të një sistemi solid.

Erdogan sfidon Perëndimin për dënimin me vdekje: Ndëshkimin e puçistëve e kërkon populli

12:01 Kronika

Korçë/ Çan postobllokun e policisë me dhunë, qëllohet 33-vjeçari

11:29 Kronika

Bashkëshorti i gjyqtares kapet mat, filmohet duke marrë qesen me 50 mijë euro

10:08 Kronika

Gruaja që vrau burrin me sëpatë ndërsa flinte: Më ka nxirë jetën, më rrihte në sy të fëmijëve

09:14 Kronika

Nishani dekoroi SHISH-in pas informacioneve që i dha Visho Ajazi për përgjimet

09:08 Kronika

Gruaja që vrau burrin me sëpatë teksa flinte: Më nxiu jetën

16:23 Kronika

Rikthehet gjyqtarja “50 mijë euroshe”, asnjë gjurmë të bashkëshortit

14:36 Kronika

Ja kush janë shqiptarët që furnizuan me armë atentatorin e Nicës

14:11 Kronika

Ekspertët: Ku u cenua siguria në Rinas

11:50 Kronika

Prokuroria kërkon 3 vjet burg për ish-ministrin Spiro Ksera

11:14 Kronika