Rrëfimi tronditës i vajzës: Kur njerku më përdhunonte, mamaja thoshte "Hë, po ngroheni nga pak"

Zbulohet dëshmia tronditëse e vajzës 12­-vjecare nga Fieri e cila përdhunohej për 6 vite rresht nga njerku i saj. Ajo tregon se skenat e seksit disa herë janë parë nga nëna e saj. Skena të një imagjinate të shfrenuar dhe filmash horror sjellin detajet te dëshmisë që e mitura E.Y ka dhënë në polici. E ndërsa ngjarja e ndodhur në fshatin Mbyet të Fierit shokoi gjithë opinionin publik, të tjera detaje edhe më të dhimbshme dalin në dritë.

Rimarrja në pyetje e vajzës së abuzuar seksualisht nga njerku Ilmi Hoxha ka bërë të njohur skena që tronditin edhe më shumë familjen. Vajza E.Y. këtë herë duket se është shfaqur më e bindur se kurrë për ta thënë të vërtetën e saj të dhimbshme ashtu siç është. Kur është marrë sërish në pyetje sot nga hetuesit në prani të psikologes, e mitura ka thënë se është e vërtetë që nëna e ka parë duke kryer seks me njerkun dhe nuk ka reaguar.

“Më vinte turp ta pranoja, por po, është e vërtetë që mamaja më shikonte kur Ilmiu kryente marrëdhënie me mua. Le ta thotë edhe ajo vetë se si na shihte. Ka ardhur në momente kur ne kryenim marrëdhënie dhe thoshte: ‘Hë, po ngroheni nga pak, ë?’. Ajo nuk më mbronte”, mësohet të ketë dhënë këto detaje në dëshminë e saj, një ditë pas arrestimit të njerkut dhe nënës së saj. Madje, hetuesit thonë që vajza, ditën e djeshme, ka folur më me shumë mllef ndaj tyre.Duke qenë se e mitura ka përmendur në fjalët e saj edhe dajën e saj, banues në fshatin Aranitas të Mallakastrës, Policia e ka pyetur atë në cilësinë e personave që mund të kenë dijeni mbi ngjarjen. Daja, me inicialet K.Y., ka thënë madje se rrëfimi i 12­-vjeçares duket se erdhi në një moment kur ajo u shkëput disi nga ndikimi i të ëmës për shkak të një vdekjeje në fisin e tyre. Ai ka treguar në polici se ai dhe familjarët e tjerë e kishin mohuar Selvien për shkak të stilit të saj të jetesës.

“Ne e kishim braktisur Selvien se nuk na pëlqente se si jetonte. Kur ajo erdhi bashkë me vajzën në fshatin e lindjes këtu në Aranitas, për vdekjen e vëllait tonë të madh, ne familjarisht e dëbuam, por i thamë që mund të linte vajzën aty për disa ditë. Por vajza ato ditë që qëndroi nuk na tregoi gjë”, mësohet të ketë thënë për Policinë vëllai i Selvies. Ndërkohë po sipas dëshmive të familjes së saj, burime nga Policia tregojnë se qëndrimi disa ditë te dajat ka bërë që e mitura të jetë ndjerë e sigurt për të rrëfyer tmerrin që përjetonte në shtëpinë e njerkut, në fshatin Mbyet të Fierit. Madje, sipas burimeve, vajza kishte dashur ta rrëfente këtë tmerr që një muaj më parë, kohë kur qëndroi te dajat, por daja i saj nuk arriti ta dëgjonte sepse kishte varrimin e të vëllait. Kur e mitura shkoi për të dyzetat e dajës së madh në Mallakastër, arriti të tregonte gjithçka, e nxitur edhe nga shoqet e saj bashkëmoshatare që kishte në fshatin Mbyet ku edhe jetonte, raporton Panorama.

Pas këtij rrëfimi, është bërë denoncimi i saj në polici, duke treguar historinë e rëndë disavjeçare brenda banesës ku jetonte me nënën dhe njerkun e saj. Ditën e shtunë, Policia e Fierit arrestoi për kryerje të marrëdhënieve seksuale me të mitura çiftin, Ylmi Hoxha, 52 vjeç, dhe Selvie Yzeiraj, 40 vjeçe. Abuzimet janë kryer nga njerku i minorenes, ndërsa e ëma e saj nuk ka treguar, por sipas hetimeve të kryera, ka mbështetur në veprimet e tij bashkëjetuesin, edhe pse viktimë ishte e bija

Vrasja për nder në Itali, gruaja: Jeta jonë pa Petritin, s’rrojmë dot me lëmosha

14:01 Kronika

Horror në Tiranë/ Gjendet trupi i copëtuar i një mashkulli në Selitë

12:11 Kronika

“Zhdukuni k*rva”/ Shqiptarja që dhunoi dy gra myslimane në SHBA, akuzohet për krim urrejtjeje

10:32 Kronika

DESHMITARET/ "Si e rrahën biznesmenin Mitri me shkop bejzbolli"

18:20 Kronika

"Ndërprit punimet ose...", mesazhi që i dhanë agresorët biznesmenit pasi e rrahën

17:31 Kronika

Rrëfimi i 12-vjeçares nga Fieri: Mami shikonte teksa partneri i saj më përdhunonte

17:20 Kronika

Vrasja mafioze e ish-drejtorit te OSHEE Sajmir Jaku, dyshohet se u vra për çështje fajdesh

17:18 Kronika

“Si mafia shqiptare po shkatërron turizmin e Greqisë”

15:49 Kronika

Dibër, pjesëmarrje e ulët në votime, KQZ jep shifrat

14:03 Kronika

Djemtë e Tom Doshit dhe Ndriçim Babasit shoqërohen në polici, sherr me grushta në "Bllok"

11:39 Kronika