Te fundit
Zyrtari i burgjeve: Si takoi të burgosurin brenda në burg, Spartak Braho
3 Tetor 2016, 19:59Politika
TEMA
Deputeti Spartak Braho ka hyrë në Burgun 302 për të takuar një të paraburgosur që ndodhet aty. Përgjegjësi i Sallës Operative dhe Emergjencave në Drejtorinë e Përgjithshme të Burgjeve, Gëzim Fejzollari, është zyrtari që monitoron çdo lëvizje në të gjitha burgjet e vendit.
Gazetari Artan Hoxha kishte thënë se një deputet takoi një të paraburgosur në burgun 302, një personazh shumë i njohur që ndodhet në një proces për vrasje të policëve dhe që mund të kenë biseduar në lidhje me kërcënimet që i ishin bërë kryeprokurorit Adriatik Llalla.
Zyrtari i lartë i Drejtorisë së Burgjeve konfirmon vizitën në paraburgimin e Burgut 302 në kryeqytet, të kryetarit të Komisonit Parlamentar të Sigurisë dhe deputetit të Lëvizjes Socialiste për Integrim, Spartak Braho. Fejzollari tregon edhe emrin e të paraburgosurit që ka takuar deputeti.
“Me sa kam informacion, ka takuar të paraburgosurin Iljaz labi. Ai është i paraburgosur si gjithë të tjerët dhe nuk gëzon ndonjë status të veçantë nga pikëpamja ligjore pyetje”, thotë Fejzollari për Top Channel.
Sipas Fejzollarit, nuk ka asnjë urdhër të Prokurorisë që i paraburgosuri në fjalë ndalohet të takohet me persona të tjerë.
“Nuk ka urdhëra të tillë! Është si të gjithë teëparaburgosurit e tjerë”, thotë ai.
Po përse një deputet hyn në burgje për të takuar të burgosur të veçantë? Fejzollari shpjegon se ka një ligj që liston edhe zyrtarët apo personat që kanë të drejtë të futen në ambientet e paraburgimit ose burgimit pa leje të posaçme nga autoritetet.
“Në nenin 43 të ligjit në fjalë, përcaktohet qartë kush janë personat që lejohen të futen në ambientet e paraburgimit dhe burgimit. Konkretisht janë: Presidenti i Republikës, Kryeministri, ministrat, deputetët, kryetarët e gjykatave dhe prokurorët”, sqaron Fejzollari.
Takime të ketyre zyrtarëve me të dënuar ose të paraburgosur, kanë si parakusht një deklarim formal me titullarin e institucionit mbi qëllimet e takimit.
2 komente në “Zyrtari i burgjeve: Si takoi të burgosurin brenda në burg, Spartak Braho”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
sa e urrej kete njeri , po ik or dreq dil ne pension, se je bere gangrene.ky eshte tipike fytyre komunisti dhe sigurimsi
Rregulloria thote qarte qe vetem me leje nga prokuroria mund te takohet nje i arrestuar.
Kete leje e marrin dhe familjaret dhe ne te shkruhen emrat e personave qe shkojne ne
takim.
Rregullorja thote qe kush nuk eshte me nje mbiemer me te arrestuarin duhet te marre
nje dokument ke zyra e komunes ku te shprehet me shkrim nga komunari lidhja fisnore
qe ka me te arrestuarin.
Nje deputet mund te shoj te takoj nje te aferm te tij por vetem duke ju nenshtruar ketij rregulli
dhe asnje lloj leshimi se eshte deputet dhe ne se shkon si deputet duhet te kete mandat nga
kuvendi per viziten ne burg apo kudo tjeter.
Sa per dijeni vajtja e Baba Takut atje ka nje poshtersi qe eshte me se normale per nje njeri si ai.
Une mendoj se i ka dhene dhe ndonje aparat celular personit ose personave qe ka takuar.