Vjollca Hoxha: Për Tanin dhe Top-in

Nga Vjollca Hoxha

Faleminderit të gjithëve që keni ardhur, në emrin tim dhe fëmijëve të Tanit. Ka disa njerëz që u festohet ditëlindja gjithmonë. Për njërin prej tyre jemi mbledhur sot.

Në ditëlindje bëhen zakonisht bilance të një viti që lihet pas. Sa herë festojmë ditëlindjen e Tanit, këtu në Top Channel pyesim veten: sa afër ishim edhe këtë vit me idenë e tij për televizionin. Them sa afër, se fiks si e donte Tani, e di vetëm ai. Po besoj se nga aty ku po na sheh sot, ai buzëqesh i kënaqur. Sepse në këtë vit të Tanit, televizioni i tij është sërish i joni, por edhe i juaji. Besoj që në këtë ditëlindje të gjithë e ndjejmë këtë televizion edhe më të dashur, më të afërt, më familjar, sepse këtë ka dashur Tani gjithmonë. Ai donte që të gjithë ju, ne, shikuesit, të ndiheshim pjesë e tij.

Në këtë ditëlindje të Tanit, Top Channel është më i fortë, më transparent, më me integritet se një vit më parë. Dhe këtu nuk po flas për forcimin e tij ekonomik dhe financiar dhe për mirëmenaxhimin e të gjitha burimeve tona njerëzore dhe jo vetëm. Me programet dhe emisionet tona, informative, investigative, politike dhe argëtuese, jemi rikthyer sërish aty ku ishim dhe ku e meritojmë dhe ku donte Tani. Te numri 1 i telekomandës.

Janë me qindra rastet kur kamerat tona kanë zbuluar gabime, krime, abuzime, drama sociale. Por nuk kemi mbetur vetëm te zbulimi, por edhe te zgjidhja e problemeve.

Ishin të shumtë skeptikët e vitit të fundit. Të shumtë dhe “qentë që lehën anash karvanit” të Top-it. Por karvani eci dhe ecën përpara. Duke shtuar me qetësi shpejtësinë dhe me dashuri audiencën, influencën dhe reklamat. Se televizioni ky është apo jo?

Suksesi i këtij televizioni jeni ju. Ka nga ata që janë këtu që ditën e parë kur ai lindi. Ka të tjerë që punojnë nga më shumë se një dekadë. Ka nga ata që kanë ikur dje dhe ata që kanë ardhur sot. Ju them të gjithëve faleminderit. Ky sot është Top-i që do donte Tani. Dhe kjo është dhurata më e bukur që i bëjmë atij në ditëlindje.

E thashë, që ka nga ata që i kujtohet vetëm ditëlindja. Por nuk e kisha për Tanin. E kisha për ‎Top-in. Tani është nga ata njerëz që ka dy ditëlindje. Një sot. tjetrën më 19 dhjetor. Më 16 tetor lindi Tani i Top-it, më 19 dhjetor lindi Top-i i Tanit. Atëherë bën 15 vjeç. Edhe Top-i, por edhe Tani, në jetën e tij të dytë. Atë të televizionit të tij. Atë jetën që nuk mbaron kurrë.

Gëzuar ditëlindjen Tan. Të duam shumë. Familja jote e madhe, Top-i.

Henri Çili i përgjigjet Zhejit dhe Bushatit: Nuk kuptoj çfarë dreqin kanë. Bushati është punist

21:03 Sociale

VIDEO/ Ja si do të zhvendosen pa u dëmtuar pemët tek sheshi "Skënderbej"

18:56 Sociale

Meta për gazetën greke: Duhet të bisedojmë për gjithçka

17:35 Sociale

Bashkia Tiranë përfundon punimet në rrugën 'Ali Demi'

17:33 Sociale

Ministri i Jashtëm grek rrëfen tri gabimet e Hanit për çështjen çame

17:32 Sociale

Rama: Reforma në shëndetësi solli ndryshime

17:30 Sociale

FOTOT/ Rehabilitohen trotuaret dhe rruga "Ali Demi", përfitojnë 55 mijë banorë

17:12 Sociale

"Pirati," matadori më i pafat goditet sërish nga demi dhe sërish në të njëjtin vend...

15:51 Sociale

Taksisti i vë flakën vetes në rrugë... se nuk duronte dot kushtet e rënda ekonomike

15:27 Sociale

VIDEO/ Parashutistët sfidojnë vdekjen me hedhjet e tyre, por pamjet që filmojnë të lënë pa fjalë

16:04 Sociale