Te fundit
Rusia kërkon sqarime nga Zvicra për avionët luftarakë
19 Nëntor 2016, 18:48Bota
TEMA
Ambasada ruse në Zvicër i ka dërguar qeverisë zvicerane një letër me të cilën shpreh “habinë” dhe kërkon sqarime se përse një avion luftarak i Forcës Ajrore të Zvicrës e ka shoqëruar, në hapësirën ajrore zvicerane një avion me të cilin udhëtonte një delegacion i Rusisë për të marrë pjesë në samitin e APEC-ut
Në letrën e dërguar thuhet se plani i udhëtimit të avionit ishte paraqitur “shumë përpara”.
Por Zvicra tha se avionët luftarakë zvicranë, që fluturuan në afërsi të një avioni qeveritar rus që udhëtonte drejt Perusë, po bënin kontrolle të zakonshme, pasi Moska kërkoi sqarime.
Ministria e Mbrojtjes e Zvicrës tha se dy avionë të saj të tipit F/A-18 kanë fluturuar pranë avionit rus rreth shtatë minuta mbi hapësirën ajrore të Zvicrës.
Ajo tha se kontrolle të tilla janë bërë rreth 400 herë gjatë një viti për të ri kontrolluar identitetin e avionëve që iu takojnë qeverive të huaja.
“Është e ngjashme me patrollat e policisë në rrugë kur kontrollojnë një makinë për t’u siguruar se nuk është vjedhur”, tha një zëdhënës
Incidenti ndodhi një ditë më pare, kur avioni me një pjesë të delegaiconit të Rusisë që udhëtonte për të marrë pjesë në samitin e Grupit të Bashkëpunimit Ekonomik të Azi-Paqesorit, që mbahet në Lima të Perusë, u shoqërua nga avionët luftarakë derisa po kalonte nëpër hapësirën ajrore të Zvicrës.
Piloti iu tha udhëtarëve që të mos alarmohen nga shoqërimi, i cili, siç, tha ai ishte një praktikë e zakonshme që ishte pajtuar më heret.
Fluturimi i avionit nuk u ndikua dhe ai vazhdoi rrugën deri në ndalesën e furnizimit në Lisbonë të Portugalisë.
Ndërkohë, në Lisbonë, avioni pësoi një prishje teknike, duke bërë që Rusia të dërgonte një tjetër avion me pjesët rezervë.
1 komente në “Rusia kërkon sqarime nga Zvicra për avionët luftarakë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bota dinë që Rusia është toka mëmë.