Te fundit
Deloitte dhe GIZ partnerë për konsulencë Startup-ve dhe sipërmarrësve të rinj
25 Nëntor 2016, 13:49Sociale
TEMA
Deloitte Albania mbështet programet ProSME dhe IDEA me konsulencë probono në fushat e këshillimit mbi taksat, këshillimit ligjor dhe atij financiar. Projekti për zhvillim dhe bashkëpunim i qeverisë Gjermane ProSME, i vënë në zbatim nga Deutsche Gesellschaft für Internationale Zusammenarbeit (GIZ), mbështet Ministrinë e Zhvillimit Ekonomik, Turizmit, Tregtisë dhe Sipërmarrjes (MEDTTE) dhe institucione të tjera relevante te cilat fokusohen tek inovacioni dhe zhvillimi i sipërmarrjes. Për dy vite me rradhë Deloitte Albania u përfshi në mbështetjen e programeve më të mëdha të start-ups në vend, duke synuar fuqizimin e ideve më të mira të biznesit dhe iniciativat më inovative.
Drejtuesi i Deloitte Albania and Kosovo Maksim Caslli shprehet: “Ne jemi të vetëdijshëm për sfidat e shumëfishta me të cilat përballen bizneset në Shqipëri. Dhe jemi shumë të kënaqur që po bashkëpunojmë me GIZ, për të mbështetur idetë më të mira të biznesit dhe t’u japin atyre mundësinë të rriten. Është thelbësore që idetë e mira të kenë know how fillestar dhe ne jemi të gatshëm të ndajmë ekspertizën dhe eksperiencën tonë që këto ide të prosperojnë. Në një këndvështrim më të gjerë, duke ndihmuar bizneset e vogla të rriten dhe të kenë sukses, ne kemi ndihmuar zhvillimin ekonomik në përgjithësi.”
Deloitte Albania është kompania më e madhe e konsulencës në vend dhe është pjesë e rrjetit prestigjoz të Deloitte Touche Tohmatsu Limited. Deloitte Albania ofron një gamë të gjerë shërbimesh për bizneset lokale dhe të huaja në fushat e auditit, shërbimeve të këshillimit financiar, shërbimeve të këshillimit të taksave, këshillimeve ligjore, konsulencës menaxheriale dhe konsulencës në fushën e Teknologjisë së Informacionit.
Lini një Përgjigje
Më të lexuarat
24 oret e fundit
Javen e fundit
Blog Tema
