Historia e Floridës që pas diplomimit shkëlqyer do kthehet në Atdhe

Shqiptarët përherë e më shumë po shkëlqejnë në fusha të ndryshme nëpër botë. Shpeshherë dëgjojmë për studentë ekselentë në universitetet më të mira të Evropës e Amerikës. Rasti më i fundit është i shkodranes, Florida Kosi, një vajzë e cila ka arritur t’ia dalë me dije e shumë vullnet të bëhet pjesë e Universitetit të Firences, në Fakultetin e Mjekësisë, dega Ortopedi. Florida, dje ishte shqiptarja e vetme, mes shumë të huajsh, që është diplomuar dhe nderuar nga vetë profesorët e fakultetit të mjekësisë duke e quajtur një model i denjë për bashkëmoshatarët e saj. Florida ishte e vetmja studente e huaj që arriti të fitonte, ndërsa konkurrenca ishte tepër e lartë.

Florida Kosi, e lindur dhe rritur në qytetin e bukur të Shkodrës, vjen nga një familje me tradita qytetare, e siç vetë ajo tregon për dritare.net, familja e saj ka qenë streha më e madhe e dashurisë dhe mbështetjes. Ajo ka ndarë me dritare.net rrugëtimin e saj aspak të lehtë, por me fund të bukur. Gjithë ç’ka realizuar ia dedikon familjes së saj, dy prindërve, motrës e vëllait me mirënjohje e përulje për mbështetjen e tyre të pakursyer./dritare.net

Dritare.net- Si ndihesh sot, pas diplomimit?

Shumë e lumtur, sepse shpërbleva mundin tim, por dhe sakrificat e familjes. Unë isha me bursë në këtë fakultet dhe fitova provimin e pranimit si e vetmja studente nga një numër i madh konkurrentësh të tjerë nga e gjitha bota, dhe e kujtoj si tani ditën kur pashë veten fituese në listë, çfarë emocioni dhe përgjegjësie të madhe ndjeva.

Dritare.net- Florida, sa shpesh i ke folur për Shqipërinë shokëve të klasës, profesorëve, çfarë dinë ata për vendin tënd? 

Sigurisht që i kam prezantuar Shqipërinë duke i treguar për vendet e bukura që kemi. Për njerëzit, bujarinë e mikpritjen tonë, dhe shumë shokë e shoqe të klasës besoj këtë verë do vijnë ta vizitojnë jugun e të shijojnë bregdetin e mrekullueshëm.

Dritare.net- Pas diplomimit nga një nder universitetet më të njohura për mjekësi siç është ai i Firences, mendon të kthehesh në Shqipëri?

Universiteti im këtu, iu ofron mundësi punësimi studentëve më të mirë dhe i krijon hapësira të vazhdojnë. Unë dëshiroj si fillim që eksperiencën ta marr në këto spitale, pasi sistemi është funksional në të gjitha dimensionet dhe ka një organizim të jashtëzakonshëm të ekipit mjekësor. Mandej, patjetër, do dëshiroja shumë t’i shërbeja vendit e popullit tim. Shqipëria ka nevojë për trurin, e kontributin e rinisë dhe unë do jem një nga ata që do të kthehen.

Dritare.net- Ke një këshillë për vajzat e djemtë e rinj? 

Të lexojnë, sepse vetëm dija mund t’i çojë, atje ku mendojnë se e meritojnë. Më vjen keq që pjesa më e madhe e rinisë e humbin kohën nëpër kafene, apo FB, gjë e cila nuk të çon askund. Vetëm puna e vullneti të bëjnë dikushi në jetë. Sot asgjë nuk i mungon brezit tonë, mundësia e informimit është në çdo moment, libra e biblioteka ka plot,  mjafton dëshira për të pasuruar mendjen dhe bërë vet të ardhmen tënde.

Dritare.net- Ti vetë sa kohë i kushton internetit dhe rrjeteve sociale?

Rrjetet sociale gjatë viteve akademike shumë pak, pjesën më të madhe konkretisht Facebook-un të mbyllur, sepse të studiosh mjekësi është tepër intensive dhe interneti është humbje kohe në këtë rast. Preferoj shumë të lexoj në kohë të lirë, sigurisht libra, romane, apo shkencë.

Dritare.net- Ky është fakulteti i dytë, keni mbaruar dhe universitetin ‘Luigj Gurakuqi’ Fakulteti Fizioterapi sërish një studente e shkëlqyer, ku përfundon ëndrra  jote për mjekësinë? 

Ka ende punë për të bërë, jam e kënaqur, por asgjë të jashtëzakonshme nuk kam bërë, pasi si unë ka shumë vajza e djem shqiptarë nëpër botë, që janë shpallur studentët më ekselentë në fusha të caktuara. Rëndësi ka të kesh një ëndërr dhe të besosh tek ajo. Unë besoj!/dritare.net

Nano në Zululand: Përpjekjet për të vënë në diskutim datën 29 nëntor kanë qenë një aventurë përçarëse

20:20 Sociale

Incidentet më qesharake të javës

20:07 Sociale

E pabesueshme, murgu budist që arrin të durojë çdo lloj dhimbjeje

18:56 Sociale

"Nuk kemi karburant, po rrëzohemi!" Publikohen fjalët e fundit të pilotit të avionit të rrëzuar në Kolumbi

18:46 Sociale

I përplas kamionin, reagimi i këtij shoferi bën xhiron e rrjetit

17:35 Sociale

Përballja e bizneseve, argumentet pro dhe kundër ligjit për dhomat e tregtisë

16:57 Sociale

Bursa e bujqësisë, Panariti: Parandalojmë humbjet dhe abuzimet

16:55 Sociale

Rama: Rusia, aktive në Ballkan

16:52 Sociale

Amendimi i Vetting-ut, Xhafa: Kërkesa e Bashës abusrde!

16:50 Sociale

Derbi Tirana-Partizani, “avullojnë” biletat

15:38 Sociale