Te fundit
Korabi, jep dorheqjen zëdhënsi për shtyp: Klubin e ka përfshirë konfuzioni
7 Janar 2017, 13:50Sport
TEMA
Zëdhënsi për shtyp i skuadrës së Korabit, Eduard Ilnica, ditën e sotme ka dhënë dorheqjen nga ky post.
Përmes një postimi në faqen e tij zyrtare në facebook, Ilnica shkuran arsyen e largimit nga ky post, ku thekson se klubin e ka përfshirë një konfuzion duke ia bërë të pamundur ushtrimin e detyrës.
Gjithashtu ai shkruan se do të mbetet një mbështetës i madh i Korabit, duke uruar qëndrimin e ekipit në Kategorinë Superiore.
Postimi i Eduart Ilnicës në facebook.
Bëj me dije se, duke filluar nga sot, nuk jam pjesë e stafit të KF Korabi, në detyrën si zëdhënës shtypi pranë këtij klubi. Edhe pse nuk jam përgjegjës për ecurinë e ekipit në pjesën e parë të sezonit, dorëheqjen e jap sepse ndjej përgjegjësi morale. Duke parë konfuzionin që ka përfshirë klubin, e kam të pamundur të ushtroj detyrën time.
Gjithsesi, mbetem i Korabit, si një dashamirës, tifoz i zjarrtë dhe përkrahës në forma nga më të ndryshmet, por zyrtarisht nuk jam pjesë e strukturës së klubit me një detyrë konkrete. Shpresoj dhe uroj me gjithë zemër që Korabi të mbijetojë në Superiore dhe do të bëj tifo për ekipin. Ndoshta rrugët me Korabin do të kryqëzohen sërish për një bashkëpunim në të ardhmen. Falënderoj kolegët e mediave sportive dhe jo vetëm që më ndihmuan në punën time!
Forca Korabi, mund t’ia dalësh!
Lini një Përgjigje
Më të lexuarat
24 oret e fundit
Javen e fundit
Blog Tema
