Te fundit
FOTOT/ Rusia shton forcat në Siri: Teknologji të reja për të shkatërruar ISIS
10 Janar 2017, 15:32Bota
TEMA
Ditët e kaluara, falë disa fotove që qarkullojnë në mediat sociale, janë parë disa mjete të reja në Aleppo ku rusët janë impenjuar në shpërndarjen e ndihmave humanitare. Aty është mundur të verifikohet prezenca e mjeteve antimina të prodhimit rus.
Mjeti i blinduar i quajtur KamAz-63969 është një nga makinat e fundit të ardhura në Siri dhe bën pjesë në familjën Typhoon, i ngjashëm me modelin amerikan të quajtur MRAP.
Programi Typhoon, shumë i dashur nga Kremlini, ka filluar në vitin 2010 me qëllimin për përdorimin e mjeteve të blinduara për këmbësorinë për t’u rezistuar minave, një nga rreziqet kryesore në vende ku zhvillohet luftë.
Pas miratimit në vitin 2012 të kontratës së parë për realizimin e këtyre mjeteve, në vitin 2014 u prezantuan 12 mjetet e para Typhoon.
Në tetor 2016 forcat ruse konfirmuan arritjen e disa modeleve Kamaz 63696 te forcat speciale në Tambov e Pskov.
Në Siri , në qytetin e Palmira-s është parë efektiviteti i ketyre mjeteve. Në një territor mjaft të vështirë, me ushtarë të ISIS të fshehur, e te gatshëm të sulmojnë nga çasti në çast, falë këtyre mjeteve u bë e mundur avancimi në qytet e çlirimi i tij.
Këto mjete antimina mund të limitojnë edhe dëmin e shkaktuar nga armë kimike e agjentë bioligjikë, çka i bën edhe më efektive në fushë betejë.
Rusia e Vladimir Putin po përshtatet me armë të reja që t’u bëjë ballë terroristëve të ISIS, të cilët nuk kanë nevojë për teknologji të avancuar, por u mjaftojnë minat për të avancuar përpara.
Lini një Përgjigje
Më të lexuarat
24 oret e fundit
Javen e fundit
Blog Tema
