Te fundit
Ancelotti: Futbolli më ka shkatërruar...
30 Janar 2017, 16:27Sport
TEMA
Trajneri i Bayern-it, Carlo Ancelotti, në një intervistë për revistën “Kicker” ka pranuar se futbolli nuk është pa “efekte anësore”.
Sipas tij, stërvitja e tepërt të shkatërron, pasojat e të cilës ai thotë se po i vuan në ditët e sotme si problemet me gjunjët apo dhe dhimbjet e shpinës.
“Nëse dikush sot më thotë se sporti të bën mirë për shëndetin, atëherë e siguroj se nuk është e vërtetë” – nisi italiani tezën e tij.
“Kam luajtur për 20 vite si profesionist. Sot nuk vrapoj dot, gjunjtë i kam të mbaruar, më dhemb shpina” – argumentoi ai më tej.
E gjitha kjo karrierë aktive i ka lënë mjaft pasoja teknikut. Kjo është arsyeja pse ai nuk përpiqet kurrë t’i mbingarkojë lojtarët e tij me stërvitje.
Nëse këto fjali i thotë një njeri i cili ka patur suksese te Juventus, Milan, Chelsea, Paris dhe Real Madrid, patjetër që duhen konsideruar.
“Stërvitja është e rëndësishme, por në dozën e duhur. Mund të stërvitesh fort, por duhet t’i japësh mundësi trupit për të pushuar. Nuk jam trajner i cili i vret lojtarët në stërvitje. Në Spanjë thonë ‘demasiada agua mata la planta’, që do të thotë ‘shumë ujë vret bimën’. Kështu është edhe me stërvitjen”, – përfundoi Ancelotti.
Lini një Përgjigje
Më të lexuarat
24 oret e fundit
Javen e fundit
Blog Tema
