Te fundit
Sot, 18 vjet nga konferenca e Rambujesë (Berisha nuk e përkujton, pasi bëri thirrje që të mos firmosej dhe firmatarët i quajti tradhëtarë të kombit)
6 Shkurt 2017, 11:55Rajoni
TEMA
18 vite më parë, më 6 shkurt të vitit 1999, filloi punimet Konferenca e Rambujesë. Ky takim, i cili u mbajt në afërsi të Parisit të Francës, synoi zgjidhjen e krizës në Kosovë.
Iniciues të konferencës, që zgjati deri më 23 shkurt, ishte Grupi i Kontaktit, ndërsa ndërmjetës ishin Kristofer Hill nga SHBA-të, Boris Majosrsi ,Rusi dhe Vollfgan Petriq nga BE.
Delegacioni i Kosovës kishte pranuar parimisht propozim-marrëveshjen për zgjidhjen e krizës në Kosovë, të cilën e kishte propozuar Grupi i Kontaktit. Delegacioni serb, sado që parimisht pranoi këtë propozim-marrëveshje, mbrojti qëndrimin që trupave të NATO-s të mos u lejohet kalimi nëpër Serbi dhe forcat ndërkombëtare në Kosovë të jenë në kuadër të Kombeve të Bashkuara.
Edhe rrethi i dytë i bisedime që filloi më 15 mars në Paris përfundoi pa sukses. Delegacioni kosovar dhe ai serb kishin nënshkruar më 18 mars marrëveshje të ndryshme. Delegacioni i Kosovës kishte nënshkruar marrëveshjen e ofruar nga bashkëbiseduesit ndërkombëtarë, ndërkohë që delegacioni serb kishte nënshkruar projektmarrëveshjen politike- marrëveshjen për vetëqeverisjen në Kosovë.
As tentimi i fundit, më 22 mars 1999 i të dërguarit special të SHBA-ve, Riçard Hollbruk nuk ishte i suksesshëm. Ai nuk ia doli ta bind presidentin e atëhershëm të RSFJ, Sllobodan Millosheviq që të pranoi marrëveshjen për Kosovën dhe vendosjen e trupave ndërkombëtare.
Më 24 mars 1999, NATO filloi bombardimin e trupave ushtarake dhe paramilitare të Serbisë. Bombardimet përfunduan më 6 qershor 1999 me nënshkrimin e Marrëveshjes së Kumanovës që parashihte tërheqjen e trupave jugosllave nga Kosova dhe vendosjen e trupave paqësore ndërkombëtare.
Më pas , Këshilli i Sigurimit i OKB-ës miratoi rezolutën 1244 me të cilën u vendos protektorati, prania ndërkombëtare në Kosovës, UNMIK-ut si mision civil dhe KFOR-it, mision ushtarak. Më 17 shkurt 2008, Kosova shpalli pavarësinë.
I vetmi kunder marreveshjes se Rambujese ka qene ish-presidenti i asaj kohe Sali Berisha. Ai doli publikisht në media dhe bëri dy thirrje, në dy momente të ndryshme, por që ishin në një hark kohor të ngushtë.
Thirrja e parë e Sali Berishës, që iu bë kosovarëve e faktorit mbarëkombëtar shqiptar në 2 shkurt 1999, ishte kjo: “Mos shkoni në Rambuje, sepse është një blof e farsë ndërkombëtare, mbasi kjo marrëveshje nuk jep dot zgjidhje për pavarësinë e Kosovës dhe çështjen shqiptare. Kush shkon në këtë konferencë, është tradhtar i kombit!”.
Thirrja e dytë e Sali Berishës, drejtuar kosovarëve e faktorit mbarëkombëtar shqiptar, u bë në 6 shkurt 1999, ditën e Konferencës së Rambujës, ose më saktë në tavolinën e nënshkrimit të marrëveshjes në Rambuje, duke thënë: “Mos firmosni Marrëveshjen e Rambujesë, mbasi po firmosni fundin e Kosovës. Kush firmos është tradhtar i çështjes kombëtare shqiptare”.
Dhe që të jemi të saktë në publikimin e qëndrimit të Sali Berishës kundër çështjes kosovare e shqiptare, po citojmë deklaratën e tij, bërë publikisht në mes të sallës së mbledhjes së Rambujesë, në momentin kur në tavolinë u vendos teksti i marrëveshjes dhe kur palët Kosovë-Serbi u ulën të firmosnin. Ja çfarë tha Sali Berisha, në atë moment: “Ju bëj thirrje të mos firmosni, mbasi duke firmosur nxini faqen tuaj dhe faqen e Shqipërisë e të pavarësisë së Kosovës, shkatërroni kombin”.
3 komente në “Sot, 18 vjet nga konferenca e Rambujesë (Berisha nuk e përkujton, pasi bëri thirrje që të mos firmosej dhe firmatarët i quajti tradhëtarë të kombit)”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te gjithe ata qe ishin faktor ne Rambuje dhe qe perfaqesonin USA, EU, Kosove dhe Shqiperi e dinin tashme qe Berisha (SRBi) ishte agjent besnik dhe i rrezikshem i Beogradit dhe asnjeri nuk e mori seriozisht. Madje per ndonje qe kishte ndonje dyshim nese Rambojeja ishte gjeja e dukur apo jo per Kosoven, pas klithmave te Berishes kuptuan qarte se cfare po kerkonte Serbia dhe e firmosen marreveshjen qe solli lirine e Kosoves.
E sakte ajo qe shkruan Celo Mezani.Te gjithe e dinin se qendrimi i Berishes ishte qendrimi i Miloshevicit dhe kjo sherbeu si katalizator per te firmosur mareveshjen e sugjeruar nga nderkombetaret duke patur besim se kjo ishte gjeja me e mire per Kosoven e popullin shqiptar.Koha tregoj se ishte gjeja me e mire qe u be dhe se me vulen e tradhetarit u damkos Berisha e jo firmetaret.
Berisha ka shume gjynahe por per ceshtjen ne fjale kishte te drejte.Mareveshja e Rambujes nuk i jepte shkeputje nga Serbia Kosoves por vetem nje autonomi dhe vetqeverisje.Vertet duhet te mernin pjese ne bisedime por nuk mund te pranonin qe te vazhdonin te mbeteshin nen Serbi.