Te fundit
Nis restaurimi për Kishën e Labovës së Kryqit, Kumbaro: Premtim i mbajtur për një thesar të rrallë të trashëgimisë
7 Shkurt 2017, 16:28Turizëm
TEMA
Një premtim tashmë i mbajtur, restaurimi i një prej thesareve të rralla të trashëgimisë sonë kulturore, Kisha e Labovës së Kryqit, punimet për të cilën janë inspektuar dhe nga ministrja e Kulturës, Mirela Kumbaro.
Kumbaro, e cila shoqërohej nga profesor Pirro Thomo inspektoi nga afër punimet, ku u njoh edhe me problematikat që shoqërojnë restaurimin e një objekti me kaq shumë vlera, por njëkohësisht i lënë në harresë e drejt degradimit për vite të tëra.
“Është një kishë me shumë probleme sa i përket inklinimit që ka kupola, por edhe përsa i përket vendosjes në themel. Nuk është proces i lehtë, por dua të falenderoj komunitetin dhe banorët e Labovës, me të cilët përveçse kemi qenë bashkudhëtarë për këtë projekt, janë ata që kanë meritën kryesore bashkë me Drejtorinë Rajonale të Gjirokastrës për t’u kujdesur, për ta mirëmbajtur e për ta promovuar. Meritojnë më shumë se kurrë vëmendjen e qeverisë për të sjellë në dritë jo vetëm vlerat e kishës, por edhe për të tërhequr të gjithë turistët. E pikërisht për këtë, restaurimi i kishës shkon në një plan të përbashkët me rregullimin e infrastrukturës. Ka filluar puna për rrugën, e cila do të plotësohet edhe nga pjesa e dytë, nga kthesa e Libohovës deri në Labovë. Rruga do të bëhet krejtësisht e re, dhe premtimi që u bëmë emigrantëve vjet, se rrugën do ta kenë gati për pushimet e kësaj vere, është tashmë një premtim i mbajtur”, u shpreh ministrja Kumbaro.
Më tej Kumbaro tha se gjithë Bashkia e Libohovës është tashmë në qendër të vëmendjes, ku është gati projekti për restaurimin dhe ndriçimin e kalasë së Libohovës, që është brenda një projekti më të madh atij të “itinerarit të kalave të Gjirokastrës”.
Restaurimi i Kishës së Labovës së Kryqit me një fond prej rreth 200 mijë eurosh, është një premtim i mbajtur i Ministrisë së Kulturës, jo veç për të mbrojtur trashëgiminë kulturore por edhe për zhvillimin e turizmit në këtë zonë.
Ndërhyrjet restauruese në Kishën e Labovës së Kryqit synojnë konsolidimin e objektit dhe gjithë strukturës mbajtëse të tij, që konsiston në përforcimin e themeleve dhe drenazhimin, konsolidimin dhe konservimin e muraturës dhe qemerëve, zëvendësimin e tiranta të dëmtuara apo të munguara, restaurimin komplet të çative të hajatit dhe naosit, për të vazhduar më tej me restaurimin dyerve, dritareve, suvasë, e deri tek ndriçimi e restaurimi i murit rrethues. Ndërhyrjet në themele do të realizohen mbështetur në sondazhet dhe studimin gjeologjik të hartuar nga specialistë të fushës.
8 komente në “Nis restaurimi për Kishën e Labovës së Kryqit, Kumbaro: Premtim i mbajtur për një thesar të rrallë të trashëgimisë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po labovitet e amerikes ku jane?
Bravo qe me ne fund vuri dore shteti
hahahah po restaurohet edhe nje bordello haahahah
Shyqyr qe nuk u ngriten kelyshet keqberes te Janulle qelbesires
nje qe perdor emrin lab per te thene idiotlleqe vec ofendon kete emer te nderuar
Kumbareshe … Mos harro pllaken e Sulltanit dhe ruaj mustaqet se le nam. Ne te gjitha vrimat te duket leshi
bravo me ne funde shteti vuri dore te gjitha kishat ortodokse dhe katoliket te restauroen jane historia e atdheut ton ..une jam lab jam ortodoks jam katolik ..kurse ti qe i thua vetes lab nuk je mor mbeturine islamike
E para per b qe e quan veten ortodoks dhe katolik njeheresh e ka gabim sepse je o ortodoks o katolik dhe e dyta nuk mund te quhet premtim i mbajtur sepse e fillove tani per fushate sic keni filluar shume gjera ne Shqiperi keto ditet e fundit dhe po i quani premtim i mbajtur ,por premtim i mbajtur mund te quhet kur te mbarojne (deri tani nuk keni perfunduar asnje) por besoj do i lini ti perfundoni kur te vijne votimet tjera po qe se do jeni ne pushtet.