Ndodh për herë të parë/ Energjia, “lokomotiva” e zhvillimit ekonomik në 2016-n

INSTAT publikoi sot të dhënat për rritjen ekonomike të vitit 2016-s, e cila tejkaloi pritshmëritë, duke u konfirmuar në nivelin e 3,46%.

Megjithatë, ajo që bie në sy është se gjatë vitit të lënë pas, vërehet një ndryshim në strukturën e sektorëve më dinamikë të ekonomisë shqiptare.

Ndërsa turizmi, shërbimet dhe ndërtimi kanë njohur rritje, për herë të parë një tjetër sektor, ai i energjisë elektrike, ka pasur një impakt vendimtar në përshpejtimin me 6,5 pikë përqindje të rritjes ekonomike, krahasuar me 2015-n.

Sektori energjitik, kontributi i të cilit ka qenë zakonisht negativ, është shndërruar në një motor të rritjes ekonomike, duke shënuar një rritje prej 30% gjatë 12 muajve të fundit. Përsa i përket tremujorit të fundit të 2016-s, rritja është edhe më spektakolare, prej 62%.

Konsolidimi i reformës energjitike, reduktimi i humbjeve në rrjet, rritja e investimeve (450 milion euro në tre vitet e fundit), kanë sjellë të gjitha një klimë shumë më pozitive në këtë sektor. Si rrjedhojë e rritjes së vetmjaftueshmërisë energjitike të Shqipërisë, rritja e eksportit të energjisë dhe si rrjedhojë edhe rritja e punësimit në këtë sektor, kanë dhënë një kontribut vendimtar në rritjen e dinamizmit ekonomik gjatë 2016-s.

Përveç energjisë, rritje kanë njohur edhe eksportet, me 16% gjatë tremujorit të katërt të 2016-s, ndërsa ka njohur rritje me 2,47% edhe konsumi final i popullatës,
i cili përbën peshën kryesore të shpenzimeve në ekonomi.

Rritja ekonomike prej 3,46%, është më e larta që prej minimumit historik të 2013-s, kur rritja prej vetëm 0,9% ishte më e dobëta që prej vitit 1997.

Forumi i prodhuesve shqiptarë në Shëngjin: të promovojmë produket tona

17:25 Ekonomia

Turizmi i jep Shqipërisë 1.5 miliardë euro fitime

14:51 Ekonomia

Investimet e huaja arritën në gati 1 miliard euro në 2016-n, u rritën me 10%

09:29 Ekonomia

BERZH në Tiranë për ecurinë ekonomike të vendit

16:42 Ekonomia

Detajet e amnistisë që kaloi dje në Parlament, çfarë u fal dhe kush përfiton

11:04 Ekonomia

Ahmetaj: Nuk jemi për Shqipërinë e shekullit të kaluar, jemi për Shqipërinë e gjeneratës tjetër

18:19 Ekonomia

24% e vendeve të punës në Shqipëri vijnë nga turizmi

16:17 Ekonomia

Shpresë për ekonomitë shqiptare

15:28 Ekonomia

Call center-at po ikin, pezulluan aktivitetin 30 kompani

15:51 Ekonomia

Ministria e Financave u fal borxhet fermerëve

15:30 Ekonomia