Te fundit
Masa ekstreme: Gjermania, gjoba deri 50 milionë euro për gjuhën e urrejtjes dhe lajmet e rreme në Facebook
5 Prill 2017, 14:58Hi-Tech
TEMA
Gjermania është duke miratuar legjislacionin që kërcënon gjigandë të teknologjisë, si Facebook Inc., me gjoba deri në 50 milionë Euro, nëse këto kompani nuk u japin përdoruesve zgjedhjen për t’u ankuar, në lidhje me gjuhën e urrejtjes apo lajmet e rreme, ose refuzojnë të heqin përmbajtje të paligjshme.
Kabineti i Kancelares Angela Merkel mbështeti sot një ligj, i cili do të detyrojë gjithashtu kompanitë të pastrojnë përmbajtje që është shenjuar si pornografi me fëmijë apo që nxisin terrorizmin – dy kategori këto që i janë shtuar draftit origjinal. Zyrtarët përgjegjës të korporatave rrezikojnë gjoba të veçanta, që shkojnë deri në 5 milin Euro. Nëse miratohet në Parlament, kjo masë do të jetë më e ashpra e miratuar, me të cilën përballet Facebook.
“Ofruesit e rrjeteve sociale janë përgjegjës, kur platforma e tyre keqpërdoren për të propaganduar krime urrejtjeje dhe lajme të rreme”, deklaroi Ministri i Drejtësisë, Heiko Maas. Qëllimi është që të detyrohen rrjetet sociale të vënë në zbatim ligjet ekzistues në Gjermani, për përmbajtjen e paligjshme, “shpejt dhe plotësisht”, tha ai.
Koalicioni qeverisës i Angela Merkelit, që përfshin dy partitë më të mëdha në vend, po rrit presionin mbi rrjetet sociale që të frenojnë përhapjen e lajmeve të rreme dhe postimeve dashakeqe, përpara zgjedhjeve të përgjithshme të 24 shtatorit në Gjermani. Facebook ka afro 29 milionë përdorues në Gjermani, dhe më parë ka thënë se do të punojë me kontrollues të pavarur të fakteve në vend, për të identifikuar lajmet e rreme dhe për t’i shoqëruar këto lajme me një paralajmërim për lexuesit. bota.al
2 komente në “Masa ekstreme: Gjermania, gjoba deri 50 milionë euro për gjuhën e urrejtjes dhe lajmet e rreme në Facebook”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ju lutem shume ,vendoseni edhe tek ne kete ligj se s’ka tjeter mundesi t’i maresh Saliut parate e vjedhura .
Me kete ligj i dorezon per nje muaj nga tre-kater gjoba ne dite;se s’rri ai pa genjyer.
Po te ishte gjalle rrahmet paste sali berisha tani do ti thoshte Angela Merkelit se po shtyp fjalen e lire dhe po tenton ta ktheje Gjermanine ne vend komunist.