Te fundit
“Killer-i i bashkëshorteve" shokon grupin hetimor: E qëllova gruan se më bëri me nerva, s’pendohem
9 Maj 2017, 17:47Kronika
TEMA
“E qëllova se më bëri me nerva, s’pendohem,” ky ka qenë argumenti që ka dhënë shtetasi Beqir Xhilaj për vrasjen e bashkëshortes së tij.
Oficerët e Krimeve të Rënda në Drejtorinë e Policisë Shkodër e kanë marrë në pyetje për të ditur më tepër mbi rrethanat që e kanë shtyrë drejt ekzekutimit të bashkëshortes së tij 45-vjeçares Lumturije Xhilaj, por janë shokuar nga përgjigjet që ai ka dhënë.
I pyetur nga hetuesit se si e ka kryer vrasjen mësohet të ketë thënë se “kam shkuar në dhomë ku kam pas çiften, gruan e lashë në dhomën e ndenjes duke bërë zhurmë, u ktheva dhe e qëllova një herë në gjoks duke e lënë të vdekur. Më pas vendosa çiften afër saj dhe prita deri sa të vinte policia. Nuk jam penduar aspak”.
Fillimisht Xhilaj ka tentuar ta inskenojë ngjarjen si vetëvrasje.
Pasi e ka qëlluar për vdekje me një të shtënë me armën e zjarrit tip çifte, gruaja ka mbetur e vdekur në vend e mbështetur në poltron në dhomën e ndenjes, ai pastaj ka marrë armën dhe e ka vendosur pranë saj dhe është ulur përballë duke pirë raki.
Fillimisht mësohet se ka qenë vetë 74-vjeçari që ka njoftuar policinë i cili mësohet të ketë thënë se në shtëpinë e tij ka ndodhur një vetëvrasje.
Oficerët fillimisht e kanë marrë në pyetje në shtëpi, ku ky ka mohuar të ketë kryer vrasjen.
Deklaratat kontradiktore të tij kanë çuar në dyshimin se autori i vrasjes është pikërisht 74-vjecari.
Pasi është shoqëruar në komisariat është marrë në pyetje sërish, ku gjatë gjithë kohës është mbajtur nën presion për të zbardhur të vërtetën.
Ai e ka mohuar gjatë gjithë kohës, ndërsa më pas ka filluar të sqarojë se si mundi të qëllojë ai me çifte edhe pse është me njërin krah, mënyrën se si i vendos fishekët, apo edhe si e mbanë armën.
Pas rreth tre orësh ai ka pranuar autorësinë e vrasjes, duke thënë se e kam qëlluar sepse më bëri me nerva, u acarova shumë me të.
Ndërsa i pyetur disa herë se pse e ka kryer këtë veprim, ai nuk ka pranuar të përgjigjet më tutje dhe për të dhënë hollësi tjera.
Beqir Xhilaj i martuar katër herë autor i vrasjes së gruas së dytë të tij dhe të katërtës, tashmë do gjykohet nga Gjykata e Krimeve të Rënda në Tiranë, për veprën penale “ Vrasje për shkak të marrëdhënieve familjare”.
1 komente në ““Killer-i i bashkëshorteve” shokon grupin hetimor: E qëllova gruan se më bëri me nerva, s’pendohem”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kjo qenka histori interesante.
Sa gra u dashka te vrase ky qe te futet ne burg.
Tipike per nje shtet te deshtuar dhe te qelbur si Shqiperia