Ministrat e rinj kujdestarë për zgjedhjet nisin detyrën, Visho Ajazi Lika shkon në zyrën e Dritan Demirajt

Pas seancës të jashtëzakonshme të ditës së hënë, ku morën votëbesimin e Kuvendit të Shqipërisë, zëvendës/kryeministri i ri dhe 6 ministrat teknikë të propozuar nga Partia Demokratike kanë nisur dje detyrën. Të gjithë dje kanë shkuar në zyrat e tyre, ndërsa janë shoqëruar nga zv/kryeministrja Ledina Mandia dhe Sekretari i Përgjithshëm i Kryeministrisë, Engjëll Agaçi.

Më shumë përshtypje bëri marrja e detyrës nga ministri i Brendshëm, Dritan Demiraj. Fatmir Xhafaj ja dorëzoi atij detyrën dhe e prezantoi me stafin. Ndërkohë pak minuta më pas në zyrën e tij ka shkuar kreu i SHISH, Visho Ajazi Lika. Ende nuk ka detaje mbi takimin, por vizita e shefit të SHISH ka ngjallur hamendësime.

Ministrat e rinj që morën detyrën janë: Zv/kryeministre, Ledina Mandia; Dritan Demiraj, ministër i Punëve të Brendshme; Arben Beqiri ministër i Shëndetësisë; Xhulieta Kërtusha si Ministre e Mirëqenies Sociale; Helga Vukaj, ministre e Financave; Mirela Karabina ministre e Arsimit dhe Gazment Bardhi ministër i Drejtësisë.

Nga ndër emrat e propozuar nga PD, hapi debat emri i Ledina Mandias. Sali Berisha e emëroi atë në vitin 2007 Avokate të Shtetit, dhe ajo e mbajti këtë post deri në vitin 2013. Por me të marrë pushtetin, kryeministri Edi Rama firmosi shkarkimin e saj nga detyra.

Zonja Mandia nuk e pranoi shkarkimin dhe e dërgoi çështjen në gjykatë, duke paditur Kryeministrinë për vendim të padrejtë. Por pavarësisht seancave gjyqësore, ajo nuk e mori më dot postin që kishte.

Për këtë arsye, një vit më pas, Mandia u emërua si këshilltare e Bujar Nishanit dhe më pas u largua jashtë vendit, për t’u kthyer tani si zëvendëse e Ramës.

Madje, ajo në komisionin hetimor për CEZ ka mbrojtur veprimtarinë e qeverisë “Berisha” dhe ka kritikuar qeverinë aktuale. Një tjetër emër i përfolur është ai i Helga Vukajt, e cila ka mbajtur postin e nëndrejtoreshës së Agjencisë për Kthimin dhe Kompensimin e Pronave dhe kreun e KLSH.

Ajo ka marrë dje postin e ministres së Financave. Ajo është bashkëautore në disa libra me vajzën e ish-kryeministrit Berisha, ndërsa në atë kohë është akuzuar se ka pasur miqësi dhe me Shkëlzen Berishën, djalin e ish-kryeministrit.

Zgjedhjet/ Pakti me Ramën rrezikon Bashën, s’ka justifikim për humbjen për 25 qershor

08:56 Politika

Blendi Fevziu - Petrit Vasilit: Nuk keni shanse të dilni forcë e parë!

00:29 Politika

Berisha flet për herë të parë për koalicionin PS-PD pas zgjedhjeve: S'ka plan për koalicion të madh, por vetëm për dialog

00:05 Politika

Zbardhen mesazhet "këshilluese" dhe miqësore mes Ramës dhe Berishës: Kam komunikuar...!

23:57 Politika

Berisha rrëfen se si u ndje kur votoi pro qeverisë “Rama”: Nuk e kisha menduar kurrë...!

21:39 Politika

VIDEO/ Kënga polifonike për LRI nga Përmeti bëhet "hit"

21:37 Politika

Berisha e pranon: Na e “mblodhi” amerikani për marrëveshjen Rama-Basha

21:31 Politika

Sali Berisha: Marrëveshja me Bashën është arritje personale e Ramës, unë nuk do ta bëja kurrë

21:17 Politika

Marrëveshja Rama-Basha dhe dështimi i zhurmshëm i pluralizmit shqiptar

21:08 Politika

Rama-Gumenit: Hyre në burg se u talle me një sekretar partie, por tani i thua kryeministrit ‘mjaft fole…'

20:49 Politika