Te fundit
Çfare po ndodh me "rendin e ri botëror" dhe kush po e kundërshton atë sot në Hamburg në takimin e G20-shes!?
8 Korrik 2017, 18:50Bota
TEMA
Rrugët e Hamburgut, janë mbushur me njerëz me maska të zeza dhe të veshur tërësisht me të zeza, që dje dhe sot kanë djegur makina, kanë thyer dritare të dyqaneve dhe kanë kundërshtuar shumë ashpër rirreshtimin e ri që po zgjërojet shpejt. Mediet botërore, lajmërojnë për lëndime të mbi 200 demonstruesve dhe 400 policëve. Por, kush janë këto grupime margjinale, që po e kundërshtojnë me kaq ashpërsi dhe këmbëngulje, këto ndryshime dinamike në nivelin; lokal, rajonal, kontinental dhe atë global? Në fakt, këto grupe në shkencat sociologjike identifikohen si skeptik dhe antiglobalist!
1. Kush jane Antiglobalistët?
Hiperglobalisteve dhe skeptikëve, kolonës së grupimeve që dosido shprehin rezervat e tyre lidhur me tendencën e re te shquar si globalizëm, i bashkangjitet edhe një kontingjent tjetër. Për ta analizuar diskursin antiglobalist, jemi të mendimit që para se t’i hyjmë ndonjë elaborimi më të thellë, nevojitet të bëjmë njëherazi një distingsion social rreth këtij formacioni që në qarqet e sotme ende eksplorohet disi si me rezerva. Në të vërtetë, ta thjeshtësojmë çështjen. Fjala nuk është për dilemën se a ekziston apo nuk ekziston formacioni i antiglobalizimit si i tillë, pra si një kundërshtar shumë serioz i globalizmit, ngaqë ai është prezent sot në gjithë botën edhe si lëvizje e edhe si antipod i globalizmit.
Dilema qëndron në sqarimin e asaj se athua antiglobalizimin e shpiku, pra e krijoi për qëllime të caktuara globalizmi si arsyetim për ta fuqizuar edhe më tej procesin dhe diskursin e globalizmit, apo ai lindi vetvetiu si pasojë e pakënaqësisë globale sociale, ekonomike, politike, ekologjike, etj. e shtresave të ndryshme të shoqërisë të cilat të pakënaqura me ndarjen globale të punës, si edhe krijimin e hendekut të lartë mes kreatorëve të globalizimit (apo si do thoshte Marksi: “klasës sunduese” dhe “klasës së sunduar”) siç janë FNM, OTB,KTN, etj. dhe pjesës tjetër pasuese qytetarëve të vendeve të ndryshme nëpër gjithë botën?
Në të vërtetë, ne si sociologë është mire të identifikojmë shtresimin gjenetik të këtij inxhieringu të ri teknologjik që ka arritur tani të krijojë edhe antipodin e vet që ka ithtarët e tij në të gjithë botën. Të përkujtojmë vetëm rebelimin e 500 mijë njerëzve nga mbarë bota, duke protestuar nëpër rrugët e ndryshme ku mbaheshin takime të magnateve të kompanive transnacionale.
2. Pse janë kundër globalizmit këto grupe, dhe pse kaq të dhunshme?
Nëse bëjmë një përshkrim të shkurtër të këtyre kategorive të njerëzve të cilët thënë më thjeshtë janë tejet alergjik ndajë procesit të globalizimit, do të arrijmë të identifikojmë këtu një mori shtresash dhe kategorish, grupeve, ngjyrave, racave si edhe kontingjenteve të ndryshme qe kanë ngjyrime ideologjike, sosh politike etj. Në fakt, prejardhja e tyre sociale ndoshta nuk flet edhe aq shumë kur të kihet parasysh shkalla e aversionit dhe e urrejtjes që ata e ushqejnë ndajë proceseve të reja globalizuese. Pra, ky është ai motivi që i bashkon gjitha këto shtresa dhe kategori njerëzish nga mbarë bota.
Ata mund t’i rekrutosh edhe nga shtresa e fshatarëve apo fermerëve që ardhjen e kompanive të mëdha transnacionale e shohin si konkurrente kryesore të biznesit të tyre. Po ashtu, ata mund t’i identifikosh edhe nga korpusi lëvizjeve për të drejtat e njeriut, ithtarët e ruajtjes së ambientit, pastaj simpatizuesit e ideologjive majtiste: ,i edhe kundërshtarët e teknologjive gjenetike. Metropolet botërore, siç janë Seatle, Praga, Gjenova, Nica, Kvebeku, Hamburgu, Barcelona etj. sot si në sytë e globalistëve e po ashtu edhe të antiglobalistëve janë bërë fenomen në vete edhe me faktin se po e promovojnë diskursin deri dje pak të njohur në forumet ndërkombëtare të globalizmit.
Sot ekzistojnë edhe mendime të tilla të cilat e mohojnë lëvizjen apo diskursin e quajtur dhe të identifikuar si antiglobalizëm. Në të vërtetë, mendimet apo diskurset e tilla shkojnë aq larg sa që janë të prirë të thonë së ky diskurs është kryekëput pjellë dhe imagjinatë e sëmurë e arkitektëve të sundimit të botës në shekellin e XXI?! Pra, asaj që shquhet dhe identifikohet në politikë dhe në sociologji si “rend i ri botërorë!? Ky prejudikim, për bazë të vetën merr nevojën e promovimit të procesit të globalizimit si diskurs të ri për ta qeverisur gjithë botën në shekullin që po hyjmë.
3. Antiglobalistët më globalistë se “globalistët”
Në nën tjetër ekziston po ashtu një korpus tjetër mendimtarësh, politologësh, sociologësh etj. të cilët mendojnë se shpikja për antiglobalizëm ka për qëllim të vetin të fshehë qëllimin e vërtetë të globalizmit. Sipas këtyre, sot në botë ekzistojnë dy forma të globalizmit. Njëra e cila për bazë ka ideologjinë neoliberale gjë që është e vërtetë dhe nënkupton konkurrencën e vërtetë të tregut që aludon në profit të pandalshëm dhe i injoron në të njëjtën kohë interesat e punëtorëve dhe njerlzve të thjesht të cilët i trajton vetëm si konsumator e asgjë më shumë. Dhe forma tjetër e cila ka të bëjë me përcaktimin e tyre të lire se me kë ata dëshirojnë të kooperojnë, bëjnë tregti, bëjnë marrëveshje biznesi etj. që, siç përmendëmm identifikohet me diskursin e antiglobalistëve.
Nëse i adresohemi procesit të globalizimit si proces i cili si qëllim apo imperativ të vetin e paska rirregullimin e proceseve politike, atyre kulturore e sidomos atyre ekonomike mes vendeve, rajoneve dhe kontinenteve të ndryshme në të njëjtën kohë, duke i përshpejtuar, zgjeruar dhe duke I promovuar si procese që krijojnë ekskluzivitetin e vetëm të quajtur profit (karakteristikë kryesore të neoliberalizmit), atëherë dosido do të kuptojmë që gjithmonë do të ketë grupe, lëvizje dhe diskurse të ndryshme të cilat do ta kontestojnë me mjete të ndryshme këtë proces global. Në këtë drejtim do të thoshim nuk janë të rastësishme edhe aktet terroriste të cilat përdorën për qëllime të tilla parandaluese. Temë kjo që shpresojmë se do ta prekim në ndonjë punim tonin të mëvonshëm.
Ajo që duhet theksuar në këtë rast është se kjo kacafytje apo ky konflikt mes të ashtuquajturve globalistë dhe antiglobalist është e kohës së re, që d.m.th. se për disa ajo paraqet një mbijetesë të thjesht ekzistenciale, ndërsa për grupimin tjetër një begati dhe zhvillim marramendës. Është evidente se trendët zhvillimore ekonomike të fillim shekullit tonë, vërtetë kanë arritur të krijojnë aso shkalle të begatisë materiale, sa që ashpërsojë raportet mes njerëzve, vendeve, rajoneve dhe kontinenteve të ndryshme.
Dobësia e antiglobalistëve (natyrisht nëse pranohen si diskurs antipod i globalizmit), sot sipas shumicës së sociologëve qëndron në framgmentarizimin e tyre të madh, fenomen ky që pamundëson krijimin e një lëvizjeje tjetër dhe me qëllime tjera.
Shteti, si instrument që i rregullon raportet ndërqytetare në shoqëritë e zhvilluara përëndimore, sipas antiglobalistëve ai është akoma një kala e forte që dosido do ta pengojë procesin e shtrirjes së globalizmit. Në shumë analiza dhe konstatime të antiglobalistëve, projekti mbi shtetin projektohet si shërbëtore e interesave të globalizmit koorporativ. Shteti në rrethanat dhe aktualitetin e përfshirjes së frymës globalizuese herë-herë shihet si pengesë serioze në realizimin e projekteve globale të Korporatave ndërkombëtare.
4. Antiglobalistët e përdorin shtetin (westfalian) kundër globalistëve!
Për antiglobalistët shteti ende është një partner i nevojshëm për të katapultuar dhe ndërmjetësuar prodhimet e tregut të lirë, si edhe për të bërë transaksione respektuese dhe garantuese në mes periferisë së përjashtuar nga ritmi i kësaj fryme të re globalizuese dhe qendrës, e cila prodhon dhe e dikton ritmin e procesit në fjalë. John Gray, një profesor aktual në London Economic School, mendon se “shteti, përkundër asociacioneve transnacionale dhe fragmentarizmit të brendshëm të tij, prapë se prapë edhe me tej mbetet një institucion i participimit demokratik e kulturor, e sidomos solidaritetit social”. Gjorgj Soros, një filantrop amerikan, ne librin e tij më të ri “George Soros on Globalization”, kur flet për mangësitë e kapitalizmit global mes tjerash nuk nguron te shtojë se “globalizmi është një term tejet i përdorur që mund të jap një seri varieteshë domethënëse. Në rastin tone kur diskutojmë për të, unë do ta përdori atë ne kuptim të zhvillimit global të rrjetës financiare, pastaj shtimit të korporatave transnacionale dhe të ngritjes apo edhe dominimit të tij mbi ekonomitë nacionale….
Ky shkrim, mbi të gjitha ka për qëllim të vë në spikamë statusin, rëndësinë dhe perspektivën e lëvizjes antiglobaliste. Do të thotë se se projeksioni antiglobalist në esencën e vetë diskursive paraqet apo bënë përpjekje të avansohet si një lloj kundërpërgjigjeje ndajë procesit të globalizimit. Në këtë drejtim edhe sloganet e antiglobalistëve, kur bëjnë thirrje në një lloj drejtësie apo solidaritet global, ku do t’i kundërviheshin me lehtë sistemit dhe procesit në rritje gjeometrike.
No – global, sikur ka filluar të pushtojë hapësira të reja gjithnjë e më të rëndësishme të mediave lokale dhe atyre botërore. Ai, s’ka dyshim, se gjithnjë e më shumë është duke i animuar “energjinë e vetë utopike”, “mitologjinë dhe imazhin”. Pastaj samitet dhe kundër-samitet e veta (Seatle, Washingtoni, Davosi, Brazili, Praga, Seuli, Barcelona, Geteborgu, Brukseli, Cjapasi Melburni, Kvebekun, sërish Davosi), sot në Hamburg kundër G20-es!
Ajo çka do të thoshim se e karakterizon këtë “lëvizje” të re, është se edhe kjo veten e projekton si diçka globale, të përgjithshme, pra si diçka që si anti konsiston t’i kundërvihet procesit tjetër të shquar si globalizëm.
Shikuar nga kjo dioptri, do thoshim se antiglobalizmi nuk është edhe gjithaq kundër globalizimit si proces i paevitueshëm, pra edhe një procesi të natyrshëm, por kundër politikës globaliste e cila opinionit të gjerë publik i servohet s diçka e natyrshme, diçka e domosdoshme.
5. Ku pajtohën globalistët me antiglobalistët?
Pajtimi mes globalistëve dhe antiglobalistëve, siç do të thoshte Antoni Giddens, do të mund ekzistonte rreth asaj se koncepti i modernitetit në mënyrë imanente është vetë procesi i globalizimit. Shikuar kështu, bota në aspektin informatik, atë ekonomik, kulturor, politik dhe në të gjitha mënyrat tjera të imagjinuara nga njerëzit, është duke u bashkuar dhe duke u njësuar nën një ombrellë të vetme.
Një numër i konsiderueshëm i sociologëve të sotëm, proceset aktuale ekonomike, pastaj rrjedhat e gjithmbarshme në botë etj. janë të prira t’i këndëvështrojnë edhe nga prizma e konsekuencave logjikes kapitaliste mbi produktivitetin. Shikuar nga këndvështrim teorik, i cili nëse supozojmë se në tërësi është autorefleksive, antiglobalizmi e kundërshton ideolatrinë neoliberale të tregut të lire dhe idenë mbi triumfin e pakontestueshëm të vlerave perëndimore në shekullin që kemi hyrë. Këtë të “vërtetë” si duket ndër të parët perëndimit ia “zbuloi” e më vonë edhe potencoi një nëpunës i State Departamentit amerikan, Frensis Fukajama.
Ndërsa, vërejtja kryesore e apologjetëve të antiglobalistëve që u orientohet elitave eurokrate dhe vlerave të përgjithshme globaliste është pikërisht ajo që Noam Comski e quan ”de facto qeveri e botës”! Rolin e “qeverisë botërore”, sipas këtyre autorëve e lozin Organizata Tregtare Ndërkombëtare, G8-shi, Banka Botërore, Fondi Monetar Ndërkombëtar, Forumi Botëror Ekonomik, e në këtë kontekst edhe Unioni Evropian (EU). Këto Institucione, sipas antiglobalistëve, janë një legalizim pervers dhe një racionalizim i atij globalizimi të çoroditur që e diktojnë fuqitë perëndimore dhe jo i gjithë spektri dhe potenciali i shoqërive botërore.
7 komente në “Çfare po ndodh me “rendin e ri botëror” dhe kush po e kundërshton atë sot në Hamburg në takimin e G20-shes!?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po të shkruaje Shqip do ta kuptoja artikullin. Shumë fjale te huaja qe ne disa fraza nuk kuptova asgjë. Artikujt I lexojnë edhe nje pjese e popullit qe nuk di gjuhë të huaja. Gazetar leshi.
Sakte Flamur! ?
Nuk jane budalleni gjermanet jo. Ata e kuptojne se me rendin e ri boteror krijohet nje klan elite qe do kapi ekonomite e cdo vendi dhe do skllaveroje pa kushte cdo shtet pjesmarres.
Po del ndonje propagandistik gazetar ti ktheje mendjen atyre qe vertet po e vuajne rendin global mbi shpine.
Media e paguar.
Ky propogandues nuk di se cdo te thote globalizmi ne ekonomi. Nuk eshte vendi te spjegoi atij por do ti them me bindje se globalizmi rrezoi sistemin totalitar dhe po fundos dita dites kapitlizmin iformal qe shohim sot. Globalizmi eshte metodologji ekonomike kur vendoset diktature. Diktatura e re kapitaliste eshte organizuar nga pakica duke lene shoqerine te zbuluar ne nje sistem ku nuk ka shtet. Diktatura e re la si flamur jo ate me kryqin nazist as ate me draper e cekan por flamurin me ngjyra ku ne qender eshte vendosuz nje banknote. Ky flamur do jo vetem nacionalitetin por edhe njeriun bashke me planetin. Ne emer te Globalizmit do te spekullohet struktura e te ardhurave.
Henry Ford, prodhuesi legjendar i automobilave, ka thene: Eshte mire qe njerzit nuk e kuptojne sistemin tone financiar, se po ta kuptonin, neser do te behej revolucion.
Perkthyes leshi thuaj. Sa per temen kjo eshte shume e thjeshte dhe e qarte, vetem ky gazetar nuk e ka kuptuar. Ne shoqerine e sotme njerzore vegjetojne disa rryma kryesisht te majta shume te dhuneshme qe perdoren per qellime politike po nga oligarket e majte te cilat mblidhen dhe ushtrojne dhune e shkaterrim ne sebep te cfardo ngjarje apo fenomeni qe ka te beje me funksionimin e rendit te sotem boteror. Shpesh ata kundershtojne gjera te ndryshme, edhe pse ato gjera kane dallim esencial nga njera tjetra, shpesh behen bashke grupe me interesa te ndryshme, por qe i bashkon fakti qe jane te dhunshem dhe fjala vjen nuk i pelqen kapitalizmi apo x president, kryesisht amerikan. Po te vesh re keto dita ne Amerike nuk ka patur protesta anti Trump, shumica kane marre bileten nga Sorosi per te fluturuar ne misionin antiglobalist ne Hamburg. Prapa dhe ne mbeshtetje te tyre gjithmone qendron hapur neperka Soros dhe shume Sros te tjere.
Meso shqip I nderuar para se te shkruash apo perkethesh.Te pretendosh se di nje gjuhe te huaj duhet te dishe fjalen e njekuptimte ose te barazvlefshme ne gjuhen tende,shqipen.
Participim,thua ti,pjesemarrje thuhet ne shqip.Aversion shkruan ti,kundershti ose kundershtim thuhet ne gjuhen e bukur shqipe. Ka aq shume fjale te tjera qe ti I perdor per te treguar “erudicionin” tend ,ndersa tregon mjerimin tend gjuhesor.Edhe redaktoret e korrektoret e gazetes duhet te bejne kujdes te madh per te shqiperuar barbarizmat qe perdorin injorantet,se ndikojne negativisht ne edukimin gjuhesor te atyre qe e lexojne gazeten.