Mogherini: Mbështesim reformat e qeverisë shqiptare, fokusi tek qytetarët

Përfaqësuesja e lartë e BE-së për politikën e jashtme, Federica Mogherini, ka theksuar se reformat nuk janë kërkesë e Brukselit, por e qytetarëve të vendeve të Ballkanit Perëndimor.

Ajo ka deklaruar se reformat që duhet të realizojë Shqipëria, janë më së pari kërkesa të vetë qytetarëve. Mogherini e bëri këtë deklaratë në Athinë, pas takimit me ministrin e Jashtëm grek, Nikos Kotzias.

“Puna që bëjmë me Shqipërinë, por edhe me vendet e tjera të Ballkanit Perëndimor, përqendrohen në prioritetet që para së gjithash u referohen qytetarët e këtyre vendeve.

Kam parë se qeveria aktuale në Shqipëri është marrë veçanërisht me reformat e përgjithshme, por edhe me reformën kundër korrupsionit si dhe gjithë ato reforma ekonomike dhe sociale që nevojiten.

E njëjta vlen edhe për partnerët e tjerë në Ballkanin Perëndimor.

Konstatoj mirëkuptim nga ana e lidershipit të këtyre vendeve, se reformat nuk janë një kërkesë e Brukselit, por diçka që kërkojnë qytetarët e këtyre vendeve të realizohen…

Konsiderojmë se rajoni i ka nevojë reformat dhe se forcat reformuese, që mund të ecin në rrugën drejt Bashkimit Europian, janë në dobi të qytetarëve në këto vende”, tha Mogherini.

Nga ana e vet, ministri i Jashtëm grek, Nikos Kotzias, tha se Athina mbështet politikën e BE-së për integrimin e vendeve të Ballkanit Perëndimor.

“Mbështesim politikën e zgjerimit për Ballkanin Perëndimor, gjithmonë me përmbushjen e kritereve”, tha Kotzias, duke veçuar mbështetjen ndaj Shqipërisë, por edhe të Maqedonisë.

Duke shtuar për këtë të fundit se shpreson që kushti për zgjidhjen e çështjes së emrit, të jetë më i lehtë sot nga sa dje. Mogherini mbërriti në Athinë për një vizitë zyrtare, të premten në mesditë. Ajo u prit dhe nga kryeministri grek, Aleksis Tsipras.

Në këtë takim, Mogherini i shprehu Tsiprasit, solidaritetin e gjithë vendeve anëtare të BE-së, për banorët e ishullit Kos që u godit nga tërmeti mesnatën e të premtes.

Basha voton: Pas zgjedhjeve PD do të dalë më e bashkuar dhe e fortë

11:16 Politika

Koordinatori i PD mesazh të fortë ditën e votimit: Lulzim Basha nuk duhet të rikonfirmohet si kryetar

11:00 Politika

Studimi i tre profesorëve të UET: 10 ministri/100 insituticione, ja skema për “shtetin e vogël”

10:23 Politika

Voton Selami: Gara e pabarabartë nuk mund të sjellë një rezultat të drejtë, por demokratët do dini të zgjedhin

10:16 Politika

Meta president të hënën, Manjani: E refuzoj mandatin e deputetit, do shkoj me pushime

09:36 Politika

Anëtarësia e PD voton sot, të “shkrijë” Bashën apo të zgjedhë Selamin/ Komisioni jep njoftimin e rëndësishëm

09:24 Politika

Një grua për presidentin!

09:04 Politika

I riu nga Tirana bëri seks me gruan, por më pas u dënua me burg, ja pse

08:30 Politika

VIDEO/ Rama: Ju uroj një ditë të mbarë me këto pamje mahnitëse nga Qeparoi dhe Borshi

08:42 Politika

Gara në PD/ Selami antarësisë: Tani duhet votuar, ky është shansi historik për t’ia rikthyer PD-në demokrateve

08:37 Politika