Ku janë zhdukur Koka i Mjedisit, Panariti i Bujqësisë dhe Dervishaj i Transportit?

Situata e vështirë e zjarreve në jug të Shqipërisë, i ka lëvizur të gjithë vendit, nga niveli lokal i prefektes së Vlorës, te Ministria e Mbrojtjes, Forcat e Armatosura, deri te Ministria e Jashtme që kërkoi ndihmën e shtetit grek.

Madje edhe ministri i brendshëm teknik zbriti në terren duke falenderuar edhe deputetët socialistë që bashkë me të, po përpiqen për vënien nën kotroll te situatës.

Ndërsa gjithë institucionet bëjnë betejën e madhe me flakët, ka vetëm një palë që po e shpërfill përgjegjësinë e saj në situatë: LSI (ende në qeveri).

Paradoksalisht, ndërsa Petrit Vasili kërkonte shpalljen e gjendjes së jashtëzakonshme, pyeste se “Ku është qeveria?”

Vasili akuzon shtetin për neglizhencë duke harruar që pjesë e kësaj qeverisjeje është edhe vetë. Ndaj, në këtë kontekst, do të kishte më shumë kuptim pyetja: Ku është Ministri  i Mjedisit? Ku janë Ministri i Transporteve dhe ai i Bujqësisë?

Lefter Koka është zhdukur dhe nuk thotë asnjë fjalë për situatën, nuk duket gjëkundi në rolin e tij si ministër mjedisi, ndërsa hektarë tërë pasurish natyrore asgjesohen.

Meqënëse Koka ka heshtur, dikush duhet ti drejtojë disa pyetje për përgjegjësinë e tij institucionale në të tilla raste:

-Ku janë strukturat përkatëse të Ministrisë së Mjedisit për menaxhimin e zjarreve që bëjnë të mundur minizimin e dëmeve dhe neutralizimin e të gjitha vatrave të shfaqura?

-Pse nuk  është hartuar  një plan pune i përbashkët operacional me Ministrinë e Punëve të Brendshme ku të përfshihej edhe Shtabi i Emergjencave Civile?

-A është aktivizuar sistemi i vrojtim- sinjalizimit bazuar në një skemë efikase menaxhimi?

Gjatë zjarreve të vitit 2015, Koka deklaronte se në  sistemin e mësipërm janë përfshirë rreth 110 vrojtues, sinjalizues dhe roje mjedisore nga  Drejtoritë e Shërbimit Pyjor, Agjencia Kombëtare e Zonave të Mbrojtura, Inspektoriati Shtetëror i Mjedisit dhe i Pyjeve.

Ku ishte ky sistem deri para pak ditësh?!

Ministri që i takon të përgjigjet deri në Shtator, duhet ta dijë se këto detyrime, rrjedhin  nga VKM Nr.1080 datë 22.12.2010 “Për rregullat për parandalimin dhe shuarjen e zjarreve në pyjeve dhe në kullota si dhe për krijimin e njësive vullnetare të shuarjes së zjarreve”.

E kësisoj përgjegjësia e tij nuk është thjesht publike, edhe ligjore.

Po ashtu, Edmond Panariti i Bujqësisë dhe Sokol Dervishaj i Transporteve kanë hequr dorë nga çdo lloj përgjegjësie. Asnjë prej të dyve nuk ka reaguar institucionalisht duke shpërfillur situatën. Forcat e transportit në luftën me zjarrin në terrenet e vështira, nuk duken gjëkundi.

Nëse ministrat e LSI heshtin dhe nuk japin përgjigje për këto pyetje, kemi të gjitha arsyet për të menduar se LSI që kërkon shtetin dhe qeverinë nga kolltuqe zyrash, ka hipokrizinë që të bëjë moral fals, kur nuk ka moralin për të mbajtur deri në fund, përgjegjësitë që i takojnë.

Ekipi izraelit sulmohet nga huliganët polakë

21:06 Sociale

Asgjë nuk është siç duket, gazetari turpërohet nga i biri gjatë intervistës

20:59 Sociale

VIDEO/ Tenton të grabisë makinën, por…

21:27 Sociale

Pamje tronditëse: Shkëmbim zjarri në gjykatë, vriten tri persona

20:50 Sociale

FOTOT/ Të jetosh në gusht, në Tiranë…

17:24 Sociale

FOTOT/ Bashkia e Tiranës pastron nga plehrat autostradën Tiranë-Durrës dhe rrugën e Rinasit

13:22 Sociale

Moti përvëlues, ja çfarë parashikojnë meteorologët për 10 ditët e ardhshme

16:24 Sociale

FOTOT/ Surpriza e Bashkisë së Tiranës, ja si do të shndërrohet Zogu i Zi

12:51 Sociale

Veliaj: Qytetarët të bashkëpunojnë për lirimin e hapësirave

12:05 Sociale

Ky është Skëndërbeu europian

12:36 Sociale