Myslim Pashaj: Kërcënimet e Greqisë të dala boje, nuk ndahet dot nga politika e vjetër. Ja pse s'mund të rikthehet Jugosllavia

Myslim Pashaj, Koloneli i Detit, i njohur ndryshe si njeriu që denoncoi marrëveshjen e detit me Greqinë, ka folur për kërcënimet e vazhdueshme të Greqisë ndaj Shqipërisë, projektin e përfolur ditët e fundit për rikthimin e Jugosllavisë së madhe dhe integrimin e Shqipërisë në familjen e madhe europiane.

Greqia e kërcënoi sërish Shqipërisë se do të pengojë integrimin, me pretendimin se janë shkelur të drejtat e minoritarëve në Himarë. Myslim Pashaj për “sot” i ka cilësuar të dala boje kërcënimet e Greqisë, ndërsa tha se shteti helen nuk ndahet dot nga politika e vjetër. Koloneli i Detit u shpreh se pengimi i integrimit të Shqipërisë është në dëm të vet Greqisë, pasi atje ka shumë shqiptarë që punojnë.

Ndërkaq, Pashaj hedh poshtë pretendimet se takimi i kryeministrave të Ballkanit në Durrës ka si synim krijimin e Jugosllavisë. Kjo nuk mund të ndodhë kurrë, tha ai, madje Serbia duhet të njohë shtetin e pavarur të Kosovës. Sa i takon integrimit të Shqipërisë, Pashaj tha se kjo do të ndodhë kur të zbatohet reforma në drejtësi dhe të japë rezultate lufta kundër korrupsionit.

Si i shihni kërcënimet e Greqisë për bllokimin e procesit të integrimit të Shqipërisë, pasi pretendon se po shkelen të drejtat e minoritarëve në Himarë?

Kërcënimet e Greqisë për integrimin e Shqipërisë kanë qenë të vijueshme këto vite, në momente të caktuara ato shmangen dhe bëhen “jashtë qendre”, “dalë boje”, rrëfejnë pa orientim rajonal dhe europian, rrezikojnë fqinjërinë dhe ngrenë tensionet, të cilat nuk dëshirohen nga popujt dhe prosperiteti i përfytyruar europian i një prej rajoneve me kontribute historike e kulturore nga më të spikatura të botës. Këto kërcënime në radhë të parë i bëjnë dëm Greqisë, pasi përdoret po e njëjta armë e vjetër, po i njëjti qëndrim armiqësor ndaj Shqipërisë, të cilën vetë koha e ka nxjerrë jashtë loje dhe nuk e vlerëson situatën e sotme kur janë shqyer gardhet izoluese dhe të urrejtjes që na kishin ndarë për t’u integruar natyrshëm tek njëri-tjetri.

Janë rreth shtatëqind mijë shqiptarë që punojnë në hapësirën helenike dhe kanë gjetur drejtpeshimin e tyre njerëzor, miqësor ekonomik dhe kulturor. Asnjë e drejtë nuk u janë shkelur pakicës greke, dhe askush nuk ka tentuar që t’i shkelë ato. Një shtet ka ligjet e tij, nuk ka diskriminim. Ajo çka po ndodh në Himarë dhe që është përsëritur, nuk është gjë tjetër veçse një erupsion i lëvizjeve anakronike antishqiptare të qarqeve po aq të vjetra greke, të cilat nuk i ndahen dot helmit që prodhon ky gjarpri i politikave të vjetra, që nuk i shtypet koka, por që gjendet e lëviz kurdo, çka cenohen ndër interesa ekonomike të kapitalistëve të rinj, në Himarë, apo jashtë Himare, të cilët planet zhvillimore urbane, të pronave apo të kufijve pronësorë, kërkojnë që t’i shohin të ndara; kjo është e qytetarit me origjinë helene dhe kjo tjetra e qytetarit shqiptar etj, kur ato shprehin bashkimin dhe jo ndarjen e qytetarëve që jetojnë në atë bashkësi.

Prandaj duken aq qesharake këto organizime që bien ndesh me ligjet në Shqipëri dhe s’kanë të bëjnë me të drejta të pakicave…Ja se ku kanë ardhur politikat e sotme me ato kërcënime që janë jashtë kohe. Të dy popujt tanë nuk mund t’i pranojnë. Janë politika aq të vjetra dhe nuk gjejnë dot gjuhë në integrimet e sotme europiane. Zhvillimi europian i sotëm, nuk mund të jetë tërësisht i pastër, ai bart në vete edhe konflikte në kohë dhe hapësirë, por jam i mendimit se këto do të tejkalohen.

Në Durrës u zhvillua takimi i kryeministrave të Ballkanit Perëndimor, për fuqizimin e këtij rajoni. Ka zëra se po krijohet Jugosllavia e madhe, me qendër Serbinë. A keni një koment?

Ka një prirje që ka ngelur prej kohës…që rrodhi… këtu në Ballkan, ku ka një trazim të jashtëzakonshëm…secili popull në instinktin e tij kërkon që “guri të zërë vendin e vet”, që “rrënja të shkoj në vendin e saj…”, çka ka ngjallur dhe ngjall ende, nacionalizmin. Kur mblidhen udhëheqësia e këtyre vendeve të Ballkanit siç u mblodhën kryeministrat në Durrës, të gjithë mbajnë veshët ngritur se do të ndodhë…! Ajo që bën përshtypje është, a do të mbrojnë ata interesat e popujve të tyre apo do të lejojnë që të ndodhin shkretimet si ato që ndodhën, nga synimet e fqinjëve që më së shumti kanë rënë si një rrënim mbi shqiptarët? Kjo duhet të lexohet qartas.

Në këtë vështrim edhe kjo mbledhje, e pati në dukjen e saj të parë; dëshirë e vullnet të mirë për të ndjekur prirjen e sotme të europianizimit të Ballkanit. Kjo nuk është e mjaftueshme, sigurisht! Sepse janë kaq shumë gjëra që kërcënojnë këtë klimë që dëshirohet, çka më shumë duket tek popujt e ish-Jugosllavisë dhe organizimet qeverisëse të mbetura e të qepura nga Lufta e Fundit. Në këtë fantazi, një “Jugosllavi Fantazmë” lejohet që të përfytyrohet. Kaq ! Shikojeni atë në “përralla” apo ndër filma fiction. Kaq!

Shpatullat e popujve përmjet tragjedive kullojnë gjak. Kosova është ende në traumë. Rajonet Boshnjake nuk i kanë pastruar përrenjtë e gjakut. Si mund të prodhojë sot Europa një Jugosllavi të Re me qendër Serbinë? Sjellja dhe pozicioni i tashëm i Serbisë duhet t’i gëzohet mbetjes, në ekzistencën e fundme të saj si shtet në Rajonin Ballkanik dhe Europë. Ëndrrat dhe nostalgjitë e së shkuarës vetëm se mund ta gremisin atë. Një Pardon i Madh i takon kësaj të sotmeje, për të diagnostikuar vetveten serbe, në lidhje me Kosovën, e të njohë realitetin, se Kosova-Shtet përbën stabilitet.

Sa afër e shihni integrimin e Shqipërisë në Bashkimin Europian?

Winston Churchill pat thënë: “Ne duhet të ndërtojmë Shtetet e Bashkuara të Evropës. Vetëm në këtë mënyrë, qindra miliona njerëz do të mund të rifitonin gëzimet dhe shpresat e tyre të njerëzishme për ta bërë jetën me vlerën e saj të qenësishme të jetesës…”. Në dukjen e saj të parë, kjo është si një poezi, por aq bukur përcjell atë njësinë unifikuese të vlerave të kontinentit tonë, brenda së cilës do të mbështillen vlerat njerëzore të Sapiensit Europian, në kohë dhe në hapësirë. Askush s’e ka thënë më bukur se sa kaq! Shqiptarët fatkeqësisht kanë qënë shumë larg këtij shikimi për arsye të ndryshme që nga pushtimi Otoman e gjer te ideologjia komuniste.

Në fund të Luftës së Dytë Botërore ndryshuan gjërat. U krijua një klimë antinacionaliste që unifikoi vendet demokratike, por la mënjanë ata që përqafuan ideologjinë komuniste. Otomanizmi në Europë, Idelogjia Komuniste, e prishën njësinë bashkuese, hapësinore, ekonomike, historike, fetare dhe kulturore. Ne i ishin larguar vlerave të Europës. Këto ishin aksidente, sigurisht. Sot e kësaj dite, neve na mungon dimensioni autentik i të drejtës për të lëvizur dhe migruar, “s’na qasin”, se vijmë nga hapësira me mendësi antidemokratike, e nuk jemi në vijë të kuptimësisë thellësisë dhe qëllimit të Projektit Integrues. Evropa e Re që e ka krijuar BE, duke shpalosur idenë ndriçuese për të jetuar, punuar, brenda zhvillimit të integruar. Kjo nuk është një fjalë goje. Shqipëria e sotme ka vendin e saj në këto hapësira, në kuptimin Çërçillian të jetës dhe natyrshmërisë së kontributeve e përfitimeve të përbashkëta. Po ku jemi duke shkuar?! Pse?

Dhe sa kohë do të duhet? Kryeministri i sotëm Edi Rama, më shumë se gjithë të tjerët, e ka të qartë Projektin e vështirë të përfshirjes në BE. Situata e brendshme politike është me shumë shpresë, nëse standardet e sotme do ta bëjnë Qeverinë Antikorruptive, nëse do të funksionojë ky fillim i reformës në Drejtësi dhe ekonomia të rriten më shumë se sa shifra “shpëtuese” “5”! Për herë të parë e dëgjuam nga një kryeministër se “Nuk ka shqiptar azilkërkues, por në kërkim të një pune, ku ata nuk e kanë lirinë të veprojnë…se unë refuzoj ta pranoj shënjestrimin e shqiptarëve, qofshin ata azilkërkues, apo ata që kryejnë krimin, si një arsye për të treguar me gisht Shqipërinë. Refuzoj çdo përpjekje politike, mediatike të vendeve të BE, për të treguar me gisht, shqiptarët, të cilën e quaj një ecuri shumë shpresëdhënëse të Projektit Integrues.

Zbulohet dokumenti: Ngjarja që u mbajt e fshehtë, si u arrestua në Vjenë nipi i Hysni Kapos diplomat

10:54 Politika

Çuditë e Kuvendit/ Deputeti i PD që mori para për hotel në çadër, ja sa u paguan të tjerët për një muaj

08:50 Politika

Është koha që myslimanët e Shqipërisë të deklarohen, janë apo nuk janë shqiptarë

08:44 Politika

Basha paralajmëron Ramën: Do të bëj çdo përpjekje që të dalësh para drejtësisë

20:06 Politika

Skenari i PD: Plan për protesta ndaj Ruçit dhe Xhafajt në seancën e parë parlamentar?

19:22 Politika

Pse Rama nuk duhet të përsërisë gabimet e pararardhësve?

19:07 Politika

ANALIZA: Qeveria në “zonën gri të legjitimitetit” me projektin për 4 rajonet e zhvillimit

18:20 Politika

Njihuni me heroin që çoi në pranga vrasësin e gjyqtares, e futi makinën brenda në komisariatin Nr.1

16:24 Politika

Histeria e atdhedashurisë si nderi i tutorëve të prostitutave

14:19 Politika

Miti “Helen”, si alibi për batërdinë me pronat në Himarë dhe Bregdet

14:02 Politika