Te fundit
Vetting-u, Meta mbledh për herë të parë KLD: Ka vullnet për krijimin e institucioneve të reja
15 Shtator 2017, 11:24Politika
TEMA
Këshilli i Lartë i Drejtësisë është mbledhur këtë paradite për herë të parë nën drejtimin e presidentit Ilir Meta.
Pas përfundimit të mbledhjes, në një prononcim për mediat Presidenti dhe njëkohësisht kreu i KLD-së Ilir Meta foli për ligjin e vettingut.
“Besoj se këto do të bëhen publike, sepse diskutimet në KLD bëhen publike por ky është proces plot sfida dhe vullneti është maksimal për të bashkëpunuar me institiucionet e reja të vetingut dhe EURALIUS dhe OPDAT që asistojnë këtë proces”, tha z. Meta.
Në rend dite është përfshirë raporti mbi ndjekjen e detyrave që ndiqen nga gjykatat për lëshimin e urdhrave të mbrojtjes për viktimat e dhunës në familje.
Bëhet fjalë për rastin e gjyqtares së Shkodrës Fildez Hafizi, për të cilën KLD, me urdhër të presidentit Meta ka nisur një proçedurë verifikimi për vendimin e marrë më 28 prill 2016 nga Gjykata e Kavajës ndaj Fadil Kasemit.
Dhe bashkë me të do të shqyrtohet edhe kryerja e hetimit për proçedurat e lëshimit të urdhërit të mbrojtjes për një tjetër çështje të nxehtë, vrasjen e Liljana Rukajt, nënës së dy fëmijëve që u vra nga bashkëshorti i saj në dhjetor të vitit të shkuar.
Pas vrasjes së Fildez Hafizit nga bashkëshorti, Meta bëri publike disa nisma në cilësinë e kompetencave që i jep posti i rëndësishëm që mban, duke deklaruar se nuk do të japë amnisti për të dënuarit për vepra penale në marrëdhëniet familjare.
1 komente në “Vetting-u, Meta mbledh për herë të parë KLD: Ka vullnet për krijimin e institucioneve të reja”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Likja prap me filma “ka vullnet”!!! Vetingu duhet te miratohet dhe pike….