Barcelona ka marrë tre pikë me shumë vështirësi në javën e katërt në La Liga.
Katalanasit mposhtën në transfertë skuadrën e Getafes me rezultatin e ngushtë 2-1
Golin e tre pikëve e shënoi mesfushori brazilian, Paulinho, në minutën e 84-të.
Ndërsa golin tjetër për Barcelonën e shënoi Denis Suarez në minutën e 62-të, kurse golin e vetëm për vendasit e realizoi Gaku Shibasaki në minutën e 39-të.
Kjo është një fitore me shije të hidhur për Barcelonë, pasi humbi Ousmane Dembele, i cili u largua nga loja në minutën e 29-të për shkak të problemeve muskulore.