Shefja e Zyrës së BE-së në Kosovë, Nataliya Apostolova, gjatë një interviste ekskluzive për gazetën “Zëri” ka theksuar se sundimi i ligjit është prioriteti më i rëndësishëm i tyre, prandaj janë të kufizuar në komunikimet dhe takimet me politikanë-zyrtarë të lartë, që kanë aktakuza të ngritura nga institucionet e drejtësisë.

Gjatë kësaj interviste për “Zërin” ajo ka folur edhe për Marrëveshjen e Demarkacionit me Malin e Zi dhe luftimin e korrupsionit dhe krimit të organizuar, kushte këto për të cilat BE-ja nuk do të bëjë kompromis për heqjen e vizave, transmeton Zeri.info.

Sundimi i ligjit është prioriteti më i rëndësishëm për Bashkimin Evropian në Kosovë, prandaj është shumë me rëndësi që kjo të respektohet nga politikanët dhe zyrtarët e lartë shtetëror në vend.

Zyra e Bashkimit Evropian në Kosovë dhe unë personalisht jemi shumë të kufizuar në komunikimet dhe në kontaktet me politikanët që kanë aktakuza të ngritura nga institucionet e drejtësisë. Kështu ka deklaruar gjatë një interviste ekskluzive për gazetën “Zëri” shefja e Zyrës së BE-së në Kosovë, Nataliya Apostolova, duke shtuar se është shumë me rëndësi që politikanët kosovarë duhet të tregojnë forcë dhe përgjegjësi që t’u binden këtyre parimeve, transmeton zeri.info.

E para e BE-së në Kosovë gjatë kësaj interviste ka thënë se drejtuesit e lartë evropianë e kanë bërë të qartë se janë dy kushte për heqjen e vizave për Kosovën: Demarkacioni dhe lufta kundër krimit të organizuar dhe korrupsionit.

Ajo ka shtuar se BE-ja nuk propozon zgjidhjen për Demarkacionit, por kjo, sipas saj, duhet të zgjidhet midis Malit të Zi dhe Kosovës dhe kërkon që Marrëveshja sa më parë të votohet në Parlament. “Po e theksoj se për ne është me rëndësi rezultati përfundimtar. Duhet ta kemi Demarkacionin e votuar. Nëse të dyja vendet vendosin të bëjnë marrëveshje të ndryshme, kjo është çështje e tyre. Por, duhet të jeni të vetëdijshëm se pa një zgjidhje përfundimtare për Demarkacionin dhe të arriturat në luftën kundër korrupsionit Bashkimi Evropian nuk do ta marrë asnjë vendim politik për të hequr dorë nga këto dy kushtëzime”, ka thënë mes të tjerash Apostolova në intervistën për “Zërin”.

2 komente në “Shefja e zyrës së BE: Nuk komunikoj me politikanë të akuzuar”

shushica says:

21 Shtator, 2017 09:22 te 9:22 am

Cudite antishqiptare te BE …politika me shume fytyra..
Nje sllave ,nuk ka rendesi vendi …raportuese per Kosoven….ne praktiken boterore diplomatike vihet gjithmone nje mbi palet ne keto raste …
Serbia ka ne kushtetute Kosoven ,si pjese e Serbise …qytetaret e saj levizin lirshem ,Serbia ka marreveshjen e anetaresimit ….megjith luftrat dhe krimet e tmerreshme ,te ngjashme me te nazisteve ,ne ish Jugosllavi.
Midis Malit te Zi dhe Kosoves ka disa mosmarrveshje per kufirin ,,,,qe kane pothuaj te gjitha shtetet kufitare ne bote….Çlidhje ka kjo me levizjen e lire te kosovareve..
Nuk flet me zyrtare te akuzuar….cudi ,po me shume personalitete politike dhe shteterore te akuzuar nga drejtesia te vendeve pjestare te BE ,sidomos nga Europa jugore dhe Ballkani a flasin zoterinjte e BE…
E gjithe kjo maskarade ndaj shqiptareve duhet denoncuar….Kemi gjynahet tona ,duhet te luftojme per te çrrenjosur problemet e medha .por asnje nuk eshte i kulluar ,forca e krimit ne mjaft rajone te BE eshte me e madhe se ne Shqiperi ,e megjithate askush nuk ka pretendime …

Përgjigjjuni
Baliu says:

21 Shtator, 2017 11:13 te 11:13 am

Pse jo, krejt perendimoret po komunikojne me njerez te tille, vetem ti jo! Me nje lule s’qele pranvera.

Përgjigjjuni