Te fundit
Vrasja e Çollakut: Mbërrin akt-ekspertiza e GPS nga Gjermania, por në gjyq nuk dinë ta lexojnë
21 Shtator 2017, 19:29Kronika
TEMA
Gjykata e Krimeve të Rënda i kishte kërkuar prokurorisë të kryejë ekspertizën e GPS-it të makinës së Ervin Dalipajt, për lëvizjet e tij ditën e rrëmbimit të Gazmend Çollakut në Durrës, që më pas u gjet i vrarë.
Sot në seancën e radhës në gjyqin ndaj Denis Shtrazës, autorit të dyshuar për rrëmbimin dhe vrasjen e Çollakut në Durrës, i cili u gjet i lidhur me një plumb në kokë, kishte mbërritur nga Gjermania aktekspertiza për GPS e makinës “Mercedes Benz ML” të Ervin Dalipajt, ku Prokuroria pretendon të jenë gjetur gjurmë gjaku të njëjta me ato që janë gjetur në vendngjarje dhe në rrobat e viktimës, raporton Panorama.
Por, përfaqësuesit e gjykatës dhe asnjëri në sallë nuk dinin ta hapnin.
Akt-ekspertiza e cila kishte mbërritur në një CD, nuk hapej.
Avokati mbrojtës i Shtrazës, i cili duhet të merrte një kopje të përgjigjes që ka ardhur nga Gjermania, vuri në dyshim atë që duhet të kishte ai dhe tha se nuk mund ta dinte që përderisa CD nuk hapej.
Ai në kopjen e tij kishte të njëjtën përgjigje që do të ketë edhe gjykata.
Teksa as IT e gjykatës nuk bëri dot gjë, si përfudnim gjykata vendosi që të thërrasë një ekspert për leximin e materialeve.
Lini një Përgjigje
Më të lexuarat
24 oret e fundit
Javen e fundit
Blog Tema
