Në një shkollë në Përmet, përveç nxënësve, gjen edhe një hambar me bar...

Fiks Fare tregoi mbrëmjen e sotme godinën e shkollës fillore në fshatin Buhal të Përmetit e cila është shumë funksionale. Një klasë e saj është kthyer në hambar ku ruhet kashtë dera e të cilës ruhej nga një kyç i madh. Nje tjetër ambient ishte përshtatur si ambulancë e fshatit. I vetmi mjedis që vihet në dispozicion të fëmijëve është një klasë kolektive në të cilën ndjekin mësimin vetëm dy nxënës dhe katër fëmijë parashkollorë.

Në godinë mësimi zhvillohej pa drita dhe mungonte tualeti. Fiks Fare ka vëzhguar nga afër sesi zhvillohet procesi mësimor. Mësuesja përshkon 45 minuta rrugë në këmbë për të ardhur në shkollë. Çdo mjet didaktik është sjellë nga vetë ajo .

” Vij çdo ditë në këtë rrugë dhe udhëtoj 45 minuta. E bëj me dëshirë, pasi e kam pasion këtë punë. Kjo është klasa me dy nxënës dhe katër fëmijë të tjerë që janë parashkollor. Të gjitha këto që shihni brenda i kam sjellë vetë. Problem mbetet këtu mungesa e tualetit si dhe e ndriçimit. Nuk ka drita. Mjediset e tjera janë, kjo klasë e cila tashmë nuk përdoret më si dhe kjo dhomë që mban kashtë, por unë kështu e kam gjetur dhe nuk e di se kush e ka zënë” tha ajo.

Drejtori i shkollës z. Avdulla Kuçuku i pyetur nga Fiks Fare shpjegon se edhe pse i është bërë kërkesë Bashkisë së Përmetit për të lidhur drita dhe për tualetin , investimet kanë qenë të pakta. Sipas tij është siguruar vetëm lyerja. Lidhur me hambarin e kashtës drejtori tha se nuk ishte në dijeni.”Ne kemi bërë kërkesa për tualetin , dritat, por kuptohet që nuk ka pasur veç lyerjes . Përsa i përket hambarit unë nuk jam në dijeni edhe pse e vizitoj shkollën shpesh, një herë në muaj” tha Kuçuku.

Fiks Fare i është drejtuar Bashkisë së Përmetit dhe Zyrës Arsimore . Bashkia ka investuar për këtë vit akademik vetëm për lyerjen e klasës, ndërsa Zyra Arsimore ka dhënë vetëm shkumësa dhe asnjë mjet tjetër didaktik. “Ne kemi marrë kërkesat nga shkollat siç bëjmë çdo vit. Konkretisht për këtë shkollë kemi pasur kërkesë vetëm për dy qese me çimento, të cilat sigurisht që ja kemi çuar. Unë nuk jam në dijeni të kushteve, të hambarit apo edhe të mungesës së dritave dhe tualetit. Do t’i verifikojmë dhe do t’ju themi” është shprehur nënkryetarja e Bashkisë Përmet, Etleva Kreci.

Ndërsa financieri i Zyrës së Arsimit Edi Myrto u shpreh se mungesa e fondeve ka bërë që për këtë shkollë të sigurohen vetëm shkumësa dhe asnjë lloj tjetër mjeti didaktik.”Fondet i kemi të limituara . Për këtë vit kemi pasur në dispozicion gati 2 milion lekë të vjetra të cilat janë ndarë për 12 drejtori shkollash. Këto kanë në varësi edhe shkolla të tjera të fshatrave përreth. Kaq kanë qenë mundësitë tona” përfundoi ai.

Veliaj: Brenda këtij viti nis puna për transformimin e Piramidës

19:57 Sociale

FOTOT/ Ja autobusi elektrik që do të testohet nga Bashkia në rrugët e Tiranës

19:37 Sociale

Blerina Ago: Nuk ka më kohë për të humbur, Shqipëria ka nevojë për turizëm cilësor

19:14 Sociale

Përballuan me sukses emergjencën nga zjarret, Erion Veliaj: Një pagë shpërblim dhe pagesë për orët shtesë

18:02 Sociale

FOTOT/ Përfundon rikonstruksioni i shkollës 9-vjeçare “Siri Kodra”, ja si duket

12:59 Sociale

Raporti i OBSH vendos alarmin, shqiptarët jetojnë 0.23 vite jetë më pak vetëm nga ajri i ndotur

12:50 Sociale

Skandalizohen nxënësit e Lushnjes: Shikoni si na vjen zysha në mësim, kur kjo hap këmbët ku ta kemi mendjen ne!

11:56 Sociale

Lajm i keq për ata që synojnë të shkojnë në SHBA, ulet kufiri maksimal

11:38 Sociale

Faturat e ujit tashmë online, UKT platformë elektronike

10:56 Sociale

Çudia në Gjykatën e Apelit: I padituri është edhe paditës

20:59 Sociale