Pensionistët/ Si rritet pensioni për të gjithë të moshuarit deri në 6%

Nëse mbushni moshën për pension dhe ju caktohet për të përfituar 16 mijë lekë të reja, atëherë mund të merrni shtesë deri në 6%, në qoftë se vijoni të paguani kontributet.

Edhe nëse sot jeni pensionistët dhe filloni punë duke paguar kontribute, atëherë përsëri mund të përfitoni shtesë prej 6%.

Janë këto dy favorizimet e skemës së re të pensioneve, e cila parashikon që për të gjithë të moshuarit të marrin shtesë.

Kjo do të thotë se një person i cili është në prag të daljes në pension dhe do përfitonte 18 mijë lekë në muaj, duke e shtyrë daljen në pension për 12 muaj, merr shtesë 6%, që do të thotë 1 mijë e 800 lekë të reja më shumë. Për çdo muaj që shtyni daljen në pension, apo për çdo muaj që ndërprisni pensionin dhe ripaguani kontribute merrni 0.5% shtesë në pension.

“I siguruari, i cili ka plotësuar kushtet për pension pleqërie, merr shtesë në masën 0,5 për qind të pensionit për çdo muaj që shtyn datën e daljes në pension dhe vazhdon të paguajë kontribute”, – thuhet në ligjin për sigurimet shoqërore.

“Përfituesi i pensionit të pleqërisë, që ndërpret pensionin, vazhdon të punojë dhe paguan kontribute, merr shtesë mbi pension në masën 0,5 për qind për çdo muaj ndërprerjeje. Kjo shtesë llogaritet mbi atë masë pensioni që rezulton pas rritjeve dhe indeksimit që ka pësuar pensioni gjatë kohës së ndërprerjes”, – theksohet më tej në ligjin për sigurimet shoqërore.

Dokumentat

Për të marrë shtesat në pension, ISSH ka sqaruar se nuk do të duhen më që pensionistët të sorrolaten për të dorëzuar dokumentat.

“Në funksion të lehtësimit të procedurave për qytetarët për tërheqjen e kërkesave dokumentare të për aplikim për shërbimet e ofruara nga sigurimet shoqërore, sqarojmë se mbështetur në VKM nr. 495, datë 13.09.2017 “Për miratimin e rregullave të përfitimit të shërbimeve publike elektronike”, Agjencitë Lokale të Sigurimeve Shoqërore, për të gjitha shërbimet që ofrojnë dhe pranojnë dokumentacion nga qytetarët, nuk do të kërkojnë prej tyre depozitimin e dokumentave të mëposhtme:
-Të gjitha llojet e certifikatave që gjenerohen nga sistemi i gjendjes civile.
-Dëshmi penaliteti.
-Dokumente të cilat gjenerohen nga strukturat e sigurimeve shoqërore.

Në çdo rast, punonjësit, të cilët do të aksesojnë të dhënat, mund ta realizojnë këtë vetëm pasi të jenë pajisur me autorizim me shkrim nga ana e aplikuesit për këtë qëllim. Përpunimi i të dhënave të përfituara nëpërmjet aksesit të drejtpërdrejtë kryhet në përputhje me legjislacionin në fuqi për mbrojtjen e të dhënave personale. Dokumentacioni do të gjenerohet nga portali e-albania.al dhe nga ndërveprimi i bazës të të dhënave të sigurimeve shoqërore me institucionet e tjera shtetërore. Gjithashtu theksojmë se përsa i përket dokumentave apo vërtetimeve për përdorim jashtë vendit, deri në një moment të dytë, kërkesa për këto dokumenta do të vazhdojë të kryhet nëpërmjet Postës Shqiptare sha, drejtuar Institutit të Sigurimeve Shoqërore”, – thotë Instituti i Sigurimeve Shoqrore./shqiptarja.com

SKEMA/ Taksa e pronës dhe shtëpitë e dyta, ja se si do të funksiojë

08:52 Ekonomia

Rënia e popullsisë, INSTAT: Shqipëria u pakësua 26 mijë banorë gjatë 2012-2017

15:30 Ekonomia

Jeta e vështirë e komunitetit rom dhe sfidat e përditshme për të dalë nga varfëria

12:00 Ekonomia

Zbulohet skema e evazionit të bizneseve italiane në Shqipëri…

11:23 Ekonomia

Marrëdhënia e Tatimeve me biznesin, Sekretariati i Këshillit të Investimeve “zbardh” shqetësimet

15:36 Ekonomia

10,2 milionë euro rrogë vjetore? Po, kaq fitojnë topmenaxherët e Zvicrës

14:43 Ekonomia

Pagat e ulëta lënë të pakënaqur 64% të punonjësve në Shqipëri

21:23 Ekonomia

Aksioni kundër informalitetit, në 3 ditë kontrollohen 1394 subjekte

15:53 Ekonomia

Banka Botërore jep shpresa: Prurjet e emigrantëve në Shqipëri do të rriten me 1.8 % këtë vit

13:16 Ekonomia

ANALIZA/ Fenomeni i plakjes, dyfish më shumë 80-vjeçarë në Shqipëri

11:19 Ekonomia