FOTO-LAJM / Maratona e Tiranës, Veliaj lë pas me 2 minuta Lorik Canën

Ashtu siç edhe kishte premtuar pak ditë më parë publikisht, kryetari i Bashkisë së Tiranës, Erion Veliaj, arriti të thyejë rekordin e tij të një viti më parë. Ai garoi në kategorinë 10 km të cilën e përshkroi për 59 minuta e 05 sekonda.

Gjithsesi, ndonëse nuk arriti të marrë një çmim si garues në maratonë, kryetari i Bashkisë së Tiranës u vlerësua me një çmim të veçantë nga Federata e Atletikës për iniciativën dhe organizimin e maratonës. Ishte presidenti i Federatës Shqiptare të Atletikës, Gjergj Ruli ai që i dorëzoi Veliajt çmimin e mirënjohjes për kontributin e dhënë në organizimin dhe mbarëvajtjen me sukses të kësaj maratone.

“Unë e theva rekordin tim, nuk mora ndonjë çmim për rezultat të lartë, por unë besoj se është si puna e Tiranës, rëndësi ka që çdo vit të jemi pak më mirë se  viti që kaloi, nëse vazhdojmë me këtë mënyrë besoj se do e kemi qytetin e ëndrrave tona”, theksoi kryetari i Bashkisë së Tiranës teksa morri çmimin.

Mes vrapuesve në Maratonën e Tiranës ishte dhe ish-kapiteni i Kombëtares sonë të Futbollit, Lorik Cana, i cili na udhëhoqi drejt Kampionatit Europian.

Cana garonte në të njëjtën kategori sikurse kryebashkiaku Erion Veliaj, atë të 10 kilometrave. Por ajo që ra në sy në përfundim të garës ishte rezultati i Lorikut, i cili ndonëse ruan ende një formë të mirë sportive, ka mbetur pas Veliajt.

Lorik Cana e përfundoi garën e tij me kohën 1. 00.52.066, ndërsa kryebashkiaku Veliaj 1 minutë e 47 sekonda më shpejt, duke arritur kohën 0. 59.05.186.

Në Maratonën e Tiranës morën pjesë edhe anëtarë të trupit diplomatik të akredituar në Tiranë. Kështu, ambasadori japonez, Makoto Ito garoi në kategorinë e 10 kilometrave duke u renditur 164 me 54 minuta e 57 sekonda. Ndërsa ambasadori austriak Johan Sattler u tregua më i guximshëm pasi garoi në kategorinë profesioniste prej 21 km, ku u rendit i 150 me 1 orë e 56 minuta.

Ministrja Xhaçka në Bestrovë të Vogël: Të gjithë në këmbë për ankesat e qytetarëve

13:44 Sociale

AKU vijon aksionin, mbyll 28 thertore për 3 ditë

13:30 Sociale

FOTOT/ Shpallen fituesit e Maratonës së Tiranës, qytetarë të shumtë dalin në mbështetje të vrapuesve

11:34 Sociale

VIP-at që garojnë bashkë me Veliajn në Maratonën e Tiranës

10:07 Sociale

E "dielë e ngrohtë", sot temperaturat deri në 29 gradë

09:53 Sociale

Shqiptarët u rikthehen biçikletave

09:34 Sociale

FOTOT/ Nis Maratona e Tiranës, Veliaj : Aktivitete pa fund sot në Tiranë

09:24 Sociale

Kërkoni të studioni në SHBA? Këto janë hapat që ju çojnë në Amerikë

16:54 Sociale

Nderohet me çmimin “Lincoln”, Veliaj: Sa të kem energji do  përkushtohem për qytetin

13:01 Sociale

Shkarkohet drejtuesi i Balkanweb: U paralajmërova se do tërhiqem zvarrë nëse nuk iki

11:22 Sociale