Te fundit
VIDEO/ Reportazhi tronditës i “Le Iene” për fëmijët e Bulqizës
1 Nëntor 2017, 18:30Sociale
TEMA
“Fëmijët që shihni nuk po luajnë! Për të kontribuar në ekonominë e familjeve të tyre, ata punojnë në minierë, ku kërkojnë krom”, kështu nis emisioni i medies italiane kushtuar fëmijëve shqiptarë.
“E dallon nga xixat”, dëgjohet të thotë një fëmijë, i cili po mbledh krom dhe po u shpjegon gazetarëve italianë se si arrin ai të njohë materialin e vyer, të cilin e shet më pas me vetëm 13 lekë kilogramin.
“Janë fëmijë të moshës 11, 12 apo maksimumi 13 vjeç, që në vend që të studiojnë, apo të luajnë si të gjithë fëmijët e tjerë, e kalojnë kohën e tyre kështu”, thuhet më tej në emision.
Bulqiza shpërndan 120.000 tonelata krom, të cilat përkthehen në 42 milion dollarë.
Në Bulqizë, të gjithë merren me krom, në këtë vend nuk shitet asgjë.
Një banore e Bulqizës, nënë e dy fëmijëve rrëfen për “Le Iene” se një punëtor në galeri merr 2.000 lekë të reja në ditë.
Më tej, emisioni italian fokusohet në varfërinë ekstreme që has sot një familje shqiptare, teksa sjell pamjet e mjerueshme se si jeton kjo grua shqiptare, fëmijët e së cilës mbledhin krom në galeri.
Është i dhimbshëm rrëfimi i vogëlushit, i cili në vend që të shkojë në shkollë, tregon segjatë gjithë ditës ka mbledhur krom dhe se ka arritur të fitojë vetëm 100 lekë të reja.
Më tej gazetarja italiane zhvendoset në një tjetër familje, e cila po ashtu jeton duke mbledhur krom, ndërsa bie në sy mikpritja e tyre.
“Do na nderoni në qoftë se rrini sonte për darkë”, thotë vajza e familjes. Gazetarja pranon, por me kushtin që të gatuajë një picë.
Pamje këto mjaft të dhimbshme, që tregojnë realitetin shqiptar në Bulqizë, i cili mbetet një plagë e rëndë e shoqërisë sonë.
femijet 1243_x264 from Bardhi Quku on Vimeo.
3 komente në “VIDEO/ Reportazhi tronditës i “Le Iene” për fëmijët e Bulqizës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
CORAPEKUQ,turp………………..
Ça thoni more, do jetë emision para 2013 se kemi 4 vjet rilindje nuk ka mundësi të ketë lë pamje të tilla në Shqipëri o gazetarë të kazanit italian.
Dilni o rilindas të komenteve, tregojani vendin këtyre breshkaxhinjëve që po ju njollosin rilindjen dhe kryetarin e ndritur.
Tregojani Rames ,
Jeto jane video e foto qe nje kryeminister duhet te tregoje shqiptareve ne fb .
Jo ato bukurirat e tije me atlete, theth dhe flamur.
Tregojani monstres.