Te fundit
Opozita në Tiranë përkrah gazetarin malazez që tha “Kosova, veshka e Serbisë”
9 Nëntor 2017, 16:59Politika
TEMA
Një reagim i një gazetari malazez, Zeljko Ivanoviç, në lidhje me fjalën e mbajtur nga Kryeministri Rama në një konferencë për mediat mbajtur sot në Tiranë është pasqyruar gjerësisht në disa portale të njohur për qëndrimet e tyre të njëanshme.
Në fjalën e tij, Rama tha se liria e medias duhet të ecë në të njëjtin hap me përgjegjshmërinë, pasi “fjala vret më shumë se plumbi”.
Në reagim, Ivanoviç e konsideroi këtë deklaratë si të pavend, pasi sipas tij media duhet të jetë e lirë për të shkruar gjithçka që ajo dëshiron.
Reagimi u pasqyrua gjerësisht në disa portale shqiptare, si një kritikë e bërë nga një gazetar i huaj ndaj qeverisë shqiptare.
Megjithatë, ky qëndrim i Ivanoviç nuk është aspak i ri.
Në mediat malazeze, ai është një prej zërave kryesorë anti-shqiptarë dhe një përkrahës i hapur i politikave filoserbe.
Në gazetën “Vijesti”, ku ai është i punësuar, Ivanoviç zotëron një hapësirë në forumin online, ku përhap vazhdimisht idetë e tij anti-shqiptare.
Në njërin prej këtyre editorialeve, siç pasqyron foto kryesore e lajmit, Ivanoviç shkruan “Kosovo je bubreg Srbije”, që përkthehet “Kosova, veshka e Serbisë”.
Lajmi i bën analogji raportimeve të rreme për ekzistencën e një trafiku të organeve njerëzore në Kosovë gjatë luftës për pavarësi.
Gazetari, e konsideron si të vërtetë këtë fakt dhe bën ironi me këtë ngjarje të pompuar vazhdimisht nga mediat e qarqeve proruse dhe proserbe.
Pavarësisht këtyre qëndrimeve anti-shqiptare, Ivanoviç fiton një vëmendje të pamerituar në Shqipëri, vetëm sepse për disa portale, gjithçka që thuhet kundër qeverisë përbën lajm
Lini një Përgjigje
Më të lexuarat
24 oret e fundit
Javen e fundit
Blog Tema
