Te fundit
Autoriteti i dosjeve ka nevoje per fonde dhe punonjes shtese qe te funksionoje
13 Nëntor 2017, 13:28Sociale
TEMA
Autoritetit për të Drejtën e Informimit mbi Dokumentet e Ish-Sigurimit të Shtetit i nevojiten fonde shtesë për dixhitalizimin e fondit të dokumenteve dhe rritjen e stafit të punonjësve.
Kështu u shpreh sot kryetarja e këtij Autoriteti, gjatë mbledhjes në Komisionin për Çështjet Ligjore, Administratën Publike dhe të Drejtat e Njeriut ku u diskutua projektbuxheti për vitin 2018.
“Na duhet të plotësojmë strukturën dhe të restaurojmë godinën. Duam shpenzime operative për paga, kemi vetëm gjysmën e stafit të nevojshëm. Kemi informacion të klasifikuar. Duam siguri. Kamera. Alarme kundër zjarrit. Duam sigurim fizik të informacionit të klasifikuar. Është siguri kombëtare. Si mund ta bëjmë me paratë e donatorëve”, tha ajo.
Sa i takon investimeve, Sula nënvizoi se, “kemi marrë në dorë një fond të rëndësishëm me dhjetëra miliona faqe të shpërndarë në zyra të papërshtatshme. Kërkojmë fonde shtesë edhe për dixhitalizimin e fondit të dokumenteve“.
Ndërsa përfaqësuesi i ministrisë së Financave tha se Autoritetit i janë shtuar 10 veta si staf, ndërsa fokusi mbetet ndërtesa. “Të zgjedhim me prioritet. Të bëjmë godinën për Autoritetin e Hapjes së Dosjeve”.
Nga ana tjetër, deputeti socialist, Bashkim Fino kërkoi nga komisioni që të rrisë stafin për Autoritetin në 60 punonjës.
Lini një Përgjigje
Më të lexuarat
24 oret e fundit
Javen e fundit
Blog Tema
