Te fundit
Kontaktet me Rusinë, Sessions "kujton me vonesë" propozimin e Papadopoulos
15 Nëntor 2017, 14:23Bota
TEMA
Prokurori i Përgjithshëm amerikan Jeff Sessions dëshmoi të martën para Kongresit se ai në fakt ka qenë në dijeni të kontakteve mes fushatës së Donald Trump dhe ndërmjetësuesve rusë vitin e kaluar.
Sessions kujtoi se ish-këshilltari i fushatës së Trump, George Papadopoulos kishte propozuar ndërmjetësimin e një takimi mes tij dhe presidentit rus Vladimir Putin, falë kontakteve që ai kishte me Rusinë. Sessions dëshmoi se ai kishte marrë masën e duhur, duke i bërë të qartë ish-këshilltarit Papadopoulos se ai nuk mund të përfaqësonte fushatën e Trump.
Sessions deklaroi se “kaosi” tërësor që shoqëroi fushatën presidenciale të Trump turbulloi kujtimet e tij lidhur me këtë çështje. “Në gjithë dëshminë time, mund t’i përgjigjem pyetjeve tuaja po aq mirë sa i kujtoj,” u shpreh Sessions përpara Komitetit Gjyqësor të Kongresit, duke këmbëngulur se ai nuk kishte gënjyer nën betim gjatë dëshmisë së mëparshme në Capitol Hill, ku ai mohoi kontaktet e fushatës së Trump me Kremlinin.
Kjo çështje po hetohet tashmë nga këshilltari i posaçëm Robert Mueller. Në tetor, Mueller lajmëroi se ish-këshilltari Papadopoulos ishte deklaruar fajtor për paraqitjen e deklaratave të rreme në FBI. Që prej fillimit të këtij hetimi, disa këshilltarë të Trump kanë pranuar se kanë patur kontakte ose takime me zyrtarë ose ndërmjetësues rusë.
Lini një Përgjigje
Më të lexuarat
24 oret e fundit
Javen e fundit
Blog Tema
