Te fundit
A është testi bërthamor i Koresë së Veriut një shenjë e shpresës?
1 Dhjetor 2017, 16:52Bota
TEMA
A ka arritur Koreja e Veriut kapacitetin e armëve bërthamore, që mendon se i duhet për t’u mbrojtur kundër Shteteve të Bashkuara?
Testi i raketave balistike më të fundit dhe më të avancuara ndërkontinentale ishte padyshim armiqësor. Megjithatë, paradoksalisht, kjo mund të sinjalizonte një shans për një hapje të re diplomatike.
Ka shumë arsye për të qenë skeptikë për Veriun dhe pesimist për perspektivat për zgjidhjen e krizës mbi programin e saj bërthamor, duke pasur parasysh pamëshirshmërinë e udhëheqësit të saj, Kim Jong-un, shpërthimet e Presidentit Trump dhe mosbesimin e thellë mes dy vendeve.
Por, me tensionet rajonale dhe rrezikun e një llogaritje të gabuar, Shtetet e Bashkuara dhe të tjerët, duke përfshirë Kinën, Rusinë, Korenë e Jugut dhe Japoninë, duhet të shterojnë të gjitha rrugët në kërkim të mënyrave për të kufizuar programin e Koresë së Veriut.
Koreja e Veriut thotë se qëllimi i saj është një armë bërthamore e lëshuar me raketa, e aftë për të sulmuar Shtetet e Bashkuara.
Ajo e konsideron veten një fuqi bërthamore, me një arsenal prej 20 ose më shumë armësh, që zyrtarët e saj thonë se janë projektuar për t’i mbajtur Shtetet e Bashkuara larg pushtimit dhe për t’i dhënë fund sanksioneve.
Kim ka përshpejtuar në masë të madhe programin bërthamor. Testi i gjashtë bërthamor i vendit erdhi në shtator ndërsa testi i tretë i një rakete balistike ndërkontinentale, të martën.
Disa ekspertë dyshojnë nëse raketa Hwasong-15 mund të mbajë një armë bërthamore, por ajo fluturoi më lart dhe më gjatë se raketat e mëparshme dhe u gjykua si e aftë për të goditur Uashingtonin.
Kim e quajti testin një “sukses të shkëlqyer” dhe “arritjen e një kauze historike të programit bërthamor kombëtar, për ndërtimin e një fuqie raketore”.
Zyrtarët amerikanë dhe shumë ekspertë kanë supozuar se Koreja e Veriut nuk do të hyjë në negociata serioze derisa të arrijë ambiciet e saj bërthamore.
Prandaj, siç arsyetimi vazhdon, nëse Z. Kim është aq i kënaqur me programin siç sugjerojnë deklaratat e tij, tani mund të jetë koha për administratën Trump, qoftë drejtpërdrejt ose nëpërmjet ndërmjetësve, për të testuar përsëri nëse ekziston ndonjë shans për dialog serioz./The New York Times – Lexo.al/
Lini një Përgjigje
Më të lexuarat
24 oret e fundit
Javen e fundit
Blog Tema
