Te fundit
Erdogan përballet me akuza të forta, i implikuar në një skemë pastrimi parash në Iran
1 Dhjetor 2017, 20:53Bota
TEMA
Një tregtar ari ka akuzuar presidentin e Turqisë Rexhep Tajip Erdoan për pastrim parash në Iran.
Sipas pretendimit të ngritur, Erdoan ka aprovuar një skemë ilegale gjatë kohës kur shërbente si kryeministër i Turqisë, për të ndihmuar Iranin të shmangë sanksionet e vendosura nga Shtetet e Bashkuara.
Presidenti turk Recep Tayyip Erdogan është implikuar në një skemë të pastrimit të parave në Iran.
Akuza vjen nga tregtari turko-iranian i arit Reza Zarrab, i cili deklaroi në një gjykatë federale të Nju Jorkut se Erdogan ka autorizuar një transaksion në një skemë që e ka ndihmuar Iranin të ketë akses në tregjet ndërkombëtare pavarësisht sanksioneve të vendosura nga Shtetet e Bashkuara.
Zarrab po bashkëpunon me prokurorët amerikanë në gjyqin penal të një ekzekutivi të një banke turke, i cili akuzohet se ka ndihmuar në pastrimin e parave për Iranin.
Në kohën që mendohet të ketë ndodhur kjo skemë, Erdogan shërbente në postin e kryeministrit të Turqisë.
Sipas Zarrab, ai e ka mësuar informacionin mbi këtë implikim të Erdogan nga ministri i atëhershëm i ekonomisë.
Nuk pati një koment të menjëhershëm nga Erdogan apo përfaqësuesit e tij lidhur me akuzat e ngritura nga Zarrab.
Presidenti turk është shprehur më herët se vendi i drejtuar prej tij nuk ka shkelur asnjë sanksion të vendosur nga Shtetet e Bashkuara.
Madje, një zëdhënës i qeverisë së Erdogan e quajti çështjen si një “komplot kundër Turqisë”.
Lini një Përgjigje
Më të lexuarat
24 oret e fundit
Javen e fundit
Blog Tema
